新巴110繁忙時間胡亂出單層

原帖由 petcity 於 2015-6-3 23:04 發表
只可以，我會覺得嶼巴應咳係最好服務個間囉

你講下好啦,而家嶼巴平日大嶼山線係好少加班架,試過係昂平上23,成部車坐滿不設企位,走左,下一班要20分鐘先開.

原帖由 yuiok158 於 2015-6-4 00:01 發表
10仔以前一直派公司最殘舊既車試圖趕客
3xx無曬就出4xx 4xx無曬就出水塘豪
到水塘豪都無埋，最舊得返大執過既5xx 6xx
甚至仲好坐過新車，還掂點舊都趕唔到客，就索性跟返其他線新舊車混搭 ...

我都覺得 4XX; 5XX; 6XX 仲好坐而家D新車

原帖由 kmbodth 於 2015-6-3 23:09 發表
只可行走不代表要行全日或繁時,可只於非繁行甚至唔行改派其他綫

只以非繁客量黎講,
110一樣可以派單層行...

原帖由 kmbodth 於 2015-6-3 23:54 發表
若改只派18xx行10，18系派b9/5600吸客，城記10可能營運狀况更理想。對面海派過出牌廿日橙强，明天新記很應派橙强鬥晒命兼吸客

點解今時今日仲有D人認為派新車行某線可以令乘客回流番？
成日想用埋D巴士迷思維去營運巴士，間巴士公司真係聽執笠

作為一個曾經強烈反九既巴膠黎講，

無可否認，近年老九係大幅進步左。（不過無叫大家袋住先呀 ）

***************
1. RDP方面，終於開始識得重整路線。
E34A、E34B，就算之前搞到一鑊泡，我都覺得只係派唔夠車為主。其實方向係正確的。
另外，290同290A簡直比當年798更進取。
至於74D、68E呢啲，固然係失敗之作，為左cut本身一啲蝕大錢路線，點知要補返啲黑洞，就要開返呢啲半粒鐘，甚至一粒鐘一班既路線。
不過，整體黎講，的確有進步。

**************************
2. 營運效率方面黎講，老九近呢一、兩年係提升左唔少。
跳飛機制度，根本係德政，可以將車同人發揮得最有效率（當然，司機要記多左路線、辛苦左係事實，但呢樣野應該係由加人工黎解決）。
另外，以隧巴線為例，老九近期係開多左好多短棍。
例如112既主要客源係銅鑼灣<->旺角，咁老九真係可以做到蘇屋 -> 銅鑼灣 -> 旺角 -> 北角，以最短時間做最多既客。
相反，老新咁多年黎，只係識旺角短棍，反而無諗過點樣縮短港島區既空載路段。

*******************
3. 實時報站，吸引乘客
呢樣野更加係令我大跌眼鏡。
當幾年前城巴已經玩緊機場巴士SMS實時報站，到之後既用APPS 實時報站，
我一直期待緊新、城，可以好快將呢種服務推廣去其他路線上。
點知，等到而家，都仲未有。
反而，老九今年竟然搶先為100條線做到呢種服務，真係要讚。（仲要個實時報站都算幾準）

*********************
4. 班次方面，而家老九開始識玩齊頭班次，再加埋實時報站Apps，基本上係無得輸的。
相反，新城既無實時報站Apps，仲要開始走回頭路，玩返大句圍班次，遲早會被乘客唾棄。
講遠少少，你問我，就算無實時Apps，A線既班次係16-21分鐘，B線係20分鐘一班，我會揀邊種班次？
我一定揀B線。
雖然有啲人成日講，香港地咁塞車，啲路線由總站開出黎幾個站，好可能班次已經唔準啦。
呢樣無錯架。但係呢，20分鐘一班，係俾到乘客既一種感覺，我係有得去計班次，而唔係16-21分鐘，你都唔知下一班係幾時開。

********************
5. 宣傳單張方面，而家老九已經追上，甚至超過新城。
以前，我地會讚嘆新城識得宣傳，如彩色單張、加上用啲容易draw 到人地attention既字眼，例如“特快”、車程快幾多等等。
但呢一兩年開始，其實老九都開始玩緊呢樣野。

****************
6. 電牌終於撥亂反正
仲記得前幾年，我成日笑老九“傻的嗎”。
所有地鐵站做總站既路線，全部都係寫“XYZ鐵路站”，字又多、仲要痴得密密麻麻，睇死人咩。
而家，終於開始學新城，變返做“XX站”，絕對係另一德政。

******************
講左咁多，我唔係叫人從以前既“保新城”，轉投“保九”既行列。
作為一個巴膠，我地唔係應該盲撐任何一間巴士公司。
相反，我地係應該用我地較為專業既知識，去思考、批判巴士公司既運作，甚至提出建議，最終讓市民得益。
而我要打咁大篇文，都只係想同一啲當年同我一樣，“撐新城、反九”既朋友講：
“今時今日唔同左啦，你地要重新審視三間巴士公司既實際運作情況啦。”

原帖由 neoplan720p 於 2015-6-4 11:20 發表
作為一個曾經強烈反九既巴膠黎講，

無可否認，近年老九係大幅進步左。（不過無叫大家袋住先呀 ）

***************
1. RDP方面，終於開始識得重整路線。
E34A、E34B，就算之前搞到一鑊泡，我都覺得只係派唔夠車為主。其實方 ...

認同九巴近來係有改善
例如重組識得推平價轉乘去爭取支持
不過特快線開天殺價就唔多掂
城巴係淨返車費超平呢點，同埋司機普遍比較肯跑

原帖由 Ravenclaw 於 2015-6-3 23:30 發表

佢最愛果條18就唔垃圾

BTW，下繁果3班18個客量真系，唉...

已經同以前唔同站位，新果條18已經系停林士街呢個大位，仲要連灣碼都唔洗兜，快過以前，但又唔系飛走左恆生大廈喎，客量仲垃圾過以前，即系證明以前根本系執10號雞， ...

朋友。。雖然小弟都唔太buy 佢乜都話垃圾，但唔代表你呢句啱喎。。
18號既價值就係中上環 <-> 灣北，唔入灣北根本調番轉係18既最致命死因，然後你話18唔兜灣北已經好左，大佬呀，都已經變左兩味線啦，兩味線應該要做番兩味位囉
仲有，林士街大位基本上袛限過海線/788囉，其他既，地底見啦係咪先 停呢d位先大鑊呀朋友。。

原帖由 wingho_cwh 於 2015-6-4 11:55 發表


朋友。。雖然小弟都唔太buy 佢乜都話垃圾，但唔代表你呢句啱喎。。
18號既價值就係中上環  灣北，唔入灣北根本調番轉係18既最致命死因，然後你話18唔兜灣北已經好左，大佬呀，都已經變左兩味線啦，兩味線應該要做番兩味位囉
仲 ...

都話呢部份最多系中午囉，系放飯客呀嗎...

原帖由 wingho_cwh 於 2015-6-3 17:19 發表


都話唔係囉
大把無客線用得著單層啦，但絕對唔係過海線971/110囉
例如18X，82M，796S，797M
仲有以下路線都有需要（衹限平日中段非繁忙時間）
14 / 25 / 27 / 30X (反正條線都係頹做無所謂啦) / 43A / 81

咁點會唔需要單層車 ...

796S同797M客量近年各走極端
797M唔係太適合行單層，因為中段即使套到架單層，到兩繁除左掉去796S都好難安置到佢
變成單層雞肋不如就算吧啦

796S其實都係兩繁出梗單層架啦
不過通常唔係100%單層，應該係兩繁有其他線打仗車
不過就算非繁都係1單1雙就真係值得鬧

不過如果我係巴士公司決策部
我就放單層落694
起碼中段隧道費就幾可觀下，但大前提係將軍澳同小西灣總站泊定D雙層(唔理係咪大車)方便隨時換