hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (B) Bus 巴士討論區 香港巴士討論 (B2) 【中長文分析】九巴已經趕上,甚至超越新城 ...
開啟左側

[經歷分享/報告] 【中長文分析】九巴已經趕上,甚至超越新城

[複製鏈接]
ccchhhuuunnn 發表於 2015-6-4 23:40 | 顯示全部樓層

                                    Advertisement



原帖由 Haydn 於 2015-6-4 12:06 發表
屯門果邊既電牌都好d, 沙田大埔果邊既"大埔富善", "沙田顯徑", "沙田博康"就有點兒"尖沙咀段坤"既感覺, 大佬ar, 呢d最起碼都加個space, 再加個邨字ar, 再進一步就跟E42加括號, 或者跟去藍灣半島既路線咁, 分2頁顯示 (小西灣-->藍灣半島)

沙田大埔嗰啲用四隻字可以用大啲字, 又加space又加邨, 有啲鍾意字大人又唔鍾意嫁喇

地區轉頁我又覺得唔好亂用, 除非經市中心/地鐵站/條線差唔多一區獨大兜曬,
否則又好似隔離post, 秀茂坪離觀塘市中心好遠, 寶馬山又遠北角市中心好遠, 石圍角又話唔近荃灣市中心
區名邨名一齊出起碼specify咗真係去呢個point, 可以理解為區內其他位置未必到
有轉頁嘅話當淨出地區就易引起誤會 (請唔好只用巴迷角度諗)
例如有遇過非巴迷區外人知道旺角返屯門要搭58X, 旺角返元朗要搭68X
但當佢知道你住屯門, 但你又話佢聽唔係搭58X果時, 佢會覺得好奇怪, 以為我話佢記錯咁

[ 本帖最後由 ccchhhuuunnn 於 2015-6-4 23:47 編輯 ]
Ravenclaw 發表於 2015-6-4 23:41 | 顯示全部樓層
我覺得老九做得好,除左管理層之外,環境都好重要囉...

九龍新界個鐵路覆蓋遠遠唔及港島,而且好多往來多個需求位的服務,鐵路要多從轉車先到,巴士好輕鬆已經可以吸到客,仲可以用貴價做...

老九果地頭系好做好多呀,有好多屎忽空間,亦都有好多『吹咩』生意可以做...
paul2357paul 發表於 2015-6-5 00:55 | 顯示全部樓層
原帖由 brianso198 於 2015-6-4 23:08 發表


5X出中環果程連最中心果個位都唔到,
同條鐵鬥快有咩用?


新城其實都很想行完林士街天橋之後cut線到怡和大廈巴士站,只是行車線設計唔俾(佔中時除外)。

不過唔好理,5X全盛時期果個龍和道路口巴士站都吸引到大量中環客落車。
brianso198 發表於 2015-6-5 01:01 | 顯示全部樓層

                                    Advertisement



原帖由 paul2357paul 於 2015-6-5 00:55 發表


新城其實都很想行完林士街天橋之後cut線到怡和大廈巴士站,只是行車線設計唔俾(佔中時除外)。

不過唔好理,5X全盛時期果個龍和道路口巴士站都吸引到大量中環客落車。 ...


以前因為無得選擇而架5X又唔算貴之餘落中環最快係佢無得唔搭,
而家點同...

而家肯行既人根本唔多,
難聽D講句,
如果唔係大坑個位佢要留既話根本5X係應該兩味...

有地鐵之後d客會選擇一個最方便既搭車方法,
呢個做法既5X就算快都唔見得吸返好多堅城既人坐返巴士...

[ 本帖最後由 brianso198 於 2015-6-5 01:03 編輯 ]
LNChickenRice 發表於 2015-6-5 01:06 | 顯示全部樓層
呢d算唔算「將軍一去,大樹飄零」呢?
小新只係走0左個「將軍」渣嘛...
走樣走到連小弟都以為...小新(包括城城)同地鐵公司「議和」...
(超級大長途就讓俾城城搞啦,短途幾蚊程0既服務
留俾地鐵處理,或者叫乘客去坐過完隧道0既長程線...
小新就繼續新車晒命、舊巴士宴請死忠粉絲...)

PS 又或者,小新根本連小弟教0既「山埃貼士」(?!)
都嫌臭味十足...結果學唔成「留客心經」0既______?!
(吹得太自大啦...不過唔及「熊仔餅行繁時110」咁倒自己0既「優良」形象..
[按:有~就~奇~囉~])
嶺南雞飯老矣 尚能飯否??
dogdog002 發表於 2015-6-5 01:53 | 顯示全部樓層
原帖由 ccchhhuuunnn 於 2015-6-4 23:40 發表

沙田大埔嗰啲用四隻字可以用大啲字, 又加space又加邨, 有啲鍾意字大人又唔鍾意嫁喇

地區轉頁我又覺得唔好亂用, 除非經市中心/地鐵站/條線差唔多一區獨大兜曬,
否則又好似隔離post, 秀茂坪離觀塘市中心好遠, 寶 ...

其實而家橙牌車反而可以轉多幾頁,先出地區,再出準確地址,再出埋經唔經咩地方,好似E34A咁大大隻「不經元朗」咪幾好

舊些摺牌綠牌? 算吧啦,唔壞都偷笑,又轉得慢
3bx 發表於 2015-6-5 02:27 | 顯示全部樓層

                                    Advertisement



原帖由 ~誰@359~ 於 2015-6-4 23:21 發表
唔好見九記有預報時間app就好開心
大家梗係未試過畀站長放蕉皮,改左開車時間唔入機,結果放個蕉皮時間冼客

根本九記個app純粹係睇下架車總站幾點開(站長入機),之後用個GPS估個時間出泥
所以踢車起載佢唔識報,中途特車亦都 ...


人為因素無得計,等於班車夠鐘遲遲唔開車,都會有影響,
試過搭中途起載車都有到站時間。

執左開車時間如果站長有入機,APP會調整預計開車時間
3ASV174 發表於 2015-6-5 02:37 | 顯示全部樓層
無可否認九巴近年經營上係大有進步,但如果因為「九巴依家終於做到新城做左既野」去證明九巴已經超越新城,根本就好 week,
而前面好多無啦啦抽新城水既論點亦根本對新城唔公平,
兩者經營環境本來就大不同。

首先講一村一線,
正如前面有版友講,港島好大程度係因為地型問題先要咁樣開線,
尤其係南區,o的屋村散落四周一舊二舊,好多都係縮左入去唔係貼住大路,而且山勢又多,當年又無起得咁多 lift 塔俾人就咁落山搭車,
結果o的線根本兜唔到幾條村先走,唔似九龍新界呢邊經過外圍當行左都得,人人就乖乖出大路等車,呢個係一大原因。

二來就係港島早年無咁塞車既時候,南區絕大部份屋邨出港島北都係 30 分鐘內既事,當你程車本身半個鐘唔夠既時候,你點容忍架車兜 3 個字先出去?
而且人地南區出港島北既一村一線就同屯門出荃灣站差唔多,咁西鐵通車前,屯門單係全日出荃灣既線都有 52M、57M、58M、59M、60M、66M、67M 七條,都唔好講堆繁時線,
57M、66M 大興一條山景一條都唔算一村一線?60M 又咪係類近一村一線模式,如果你將市中心歸俾 60M,咁 58M 得返個良田,其實又咪係接近村巴黎。

第三係早年港島有兩間公司,九龍新界幾乎從來都係九巴獨霸,
人地混戰到對家可以開條同你開村巴人地都幾乎倒模既線搶客,如果當年港島一線走天涯會點?但九龍新界,你係硬食。
唔使講其他,單係將軍澳,將北無競爭一條線坑口掃到秀茂坪,頂閘話知你;將南尚德多個新巴o係度,九巴都已經流住血死守尚德三條村巴線啦,當年港島係成個島都係咁樣打緊仗囉。


有版友話點解新城唔學九巴一條 71B 接駁 KO 富亨咁用接駁 KO 南區屋村,
我可以代答:因為富亨一路都係得條 71B 出去轉車,一係 271,一係 71A 轉東鐵,而南區唔係囉,一路都無就好地地,有開收返係另一個故事。
新界人一早俾九巴訓練到屎都可以當咖喱食,你叫食開滿漢全席既南區轉食麥當勞?如果你住南區,你唔會咁口響囉。
更何況,依家富亨都慢慢搞左 74C、74D 甚至 A47 出黎,你可以完全歸咎佢地係政治線就算嗎?


最神奇之處係善忘既人竟然去到 2015 年反轉話新城唔識重組,
可能佢地連東區大重組都唔記得左,以為 8 8X 8P 780 788 789 N8 N8P N8X 分工係盤古初開就有,根本區域重組始祖就係佢,依家九巴都係學緊呢套,
但唔等於南區會 work,地型限制都已經係一大問題,否則當年做完東區已經做埋。
你話依家九巴o的區域重組係咪做得好好?北區鬧到斷氣就當無事發生,如果沙田全跟計劃玩,唔知會有幾開心呢?
至於其他區,乜真係有重組過咩?屯公幾億起左個轉車站,連 59A 都縮唔到,咁耐以黎得條 66 真係上路,連 57M 66M 都仲一村一線緊,真係好鼓舞囉。


好坦白講,其實講咩都只係時勢造英雄o者,
新城無得做係佢自己都知既事,西港島線通車西區已經即時死左,南港島線通埋,南區連接駁都唔知輪唔輪到佢,最賺錢既 629 都會收檔,城巴會首先舉白旗。
(南區最慘係佢主要競爭對手仲要o係議會有話語權,可以擺明車馬郁你o的線同阻撓你改線,同樣情況九巴都一樣要面對,o係西貢呢邊,經典之作係踢走清半既線出環保大道,根本邊間巴士公司都一定輸)。
到沙中線通埋,連紅隧線都要早抖,所有新城主要油水線都會全部收檔,你前境係咁,你會幾有心機做?
當年九巴俾將軍澳線、西鐵同馬鞍山線三連撃之後,都已經想執咁款啦,之後仲加左四次價加到賺錢為止,而港島係唔會再有大型發展,城巴本土線車費幾乎凍結左二十年。


至於話到九巴減左好多里數,最主要我可以講絕對唔係因為重組,因為事實上重組之後,o的車跑既里數隨時仲多左,隧道線里數增加,分分鐘就係 373A 全日拉高左,
真正令佢減到咁多,係佢呢幾年瘋狂減班做大家拍手既「定點班次」,有好多線執完時間表加時之後比以前收車時出更少載客班次,但咁樣瘋狂減班加時之後,仍然可以三年 cut 左 50 幾部車,簡直變魔術一樣。
50 幾部車,等於接近新巴車隊既 10%,咁你話新城依家點可能做到?
二三線路線減到變 20 分班,元祖玩家又咪係新城,人地減得既都一早減左,今日仲點減?
至於話佢減完車所以可以拎大量資源去開 290/290A 賺錢呢點係大錯特錯,因為雖然佢真係要嘔足咁多車出黎俾 290/290A,而名義上無其他線因而減過車,
但有一點要留意,就係同期九巴後備車比率應聲下跌,佢根本就無買車俾 290/290A,佢係就係無減其他線車,但一樣無「額外資源」放過落黎,呢幾年收左既 50 幾部「備用」車,落晒地府 stand-by。


無疑九巴有好多野係有進步,但事實好多野都係要新城做先,佢先會跟。
市區線報站其實係城仔研究在先,結果九巴就用手動報站先在全線推,
圖像報站又係新城玩先,依家九巴先「測試中」,
電視又係新城玩先(無聲),之後九巴先大舉裝機,受唔受歡迎係後話,不過人地本身原意無聲,
八達通機同價錢牌連結,又係新城一早做晒,九巴十幾年後先後知後覺,
到站時間預報城巴又係玩左好一段時間,九巴先開始推,
定點班次新城玩左 n 年,九巴又係後知後覺,
區域重組其實都係新城概念九巴改名而已。
最神奇係 290/290A 出個全廣貼下海報就個個嘖嘖稱奇,其實新城開親線通告都周圍貼架喇,車身路線廣告由 118 E22A 去到經典既 702 792 796 796A 796B 796C 796M 796S 796X,你根本麻木到唔覺得有特別。
如果無左新城,亦唔好期望九巴仲有咩新猶囉。


但亦有好多野人地做左佢始終唔肯學,
例如新城一早幫自家車隊翻新晒做 2+2 改善搭車環境,城巴仲有一期幫舊車加頭枕,結果九巴係要等到堆舊車自然退役。
有進步係要讚,但唔見得放九巴過去「解放」港島會有咩好下場,即使俾得返同樣服務水平你,但鴨島出中環一定唔會係收 $4.7,北角去堅城都唔使旨意係 $3.4 囉。

評分

參與人數 3aPower +2 HugeC +8 收起 理由
hn8024 + 1 + 1 中肯,新城是全球最優質的巴士公司 ...
K.C.R2007 + 2 中肯
Henrycheung0902 + 1 + 5 中肯

查看全部評分

htpxcw 發表於 2015-6-5 03:47 | 顯示全部樓層
九巴呢幾年所謂進步只係競爭下逼出黎
洗唔洗誇張到FF九巴食埋港島
九巴所謂區域重組,咪又係cut車行先
你見到有車嘔出黎,係因為下面嘈到反曬枱,而且只係左手交右手
至於華明,明明係最失敗嘅轉車站
轉車嗰班一係去欣盛,一係去牽情間
再講用15-20分鐘碌入華明轉車,仲叫人273A/70K,呢兩條線唔係甩班就係疏車,搞得黎都去到火車站
更何況港島呢啲密集區,15分鐘搭小巴/鐵分分鐘到埋
再講九巴範圍,尤其新界,鐵路覆蓋面少,要搵新線做唔難
而且本身巴士服務就係滯後港島好多
咁攞新城黎比好唔公平
6516 發表於 2015-6-5 07:35 | 顯示全部樓層

                                    Advertisement



原帖由 ~誰@359~ 於 2015-6-4 23:21 發表
唔好見九記有預報時間app就好開心
大家梗係未試過畀站長放蕉皮,改左開車時間唔入機,結果放個蕉皮時間冼客

根本九記個app純粹係睇下架車總站幾點開(站長入機),之後用個GPS估個時間出泥
所以踢車起載佢唔識報,中途特車亦都 ...
踢車中途起載係識報
有次試過係九龍灣等3D, 個APPS話1分鐘後有車, 但明明見唔到有車埋牛上個站
1分鐘過後, 就有架車私牌黎到搞3D起載
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-29 16:38

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表