[真心] 點解 68X 有得拆 968 就冇?

原帖由 yoho 於 2015-6-8 15:22 發表

其實點解大家一講分拆後一等車就會假設左要等最耐GEI班次?

968下晝非繁開12分鐘一班, 分拆左回車快左我估 (齋估) 天后/ 灣仔各開20分鐘一班

無可能
原條一拆二，如果九巴只畀相同資源，班次起碼double
如果預埋由一條線buffer time變兩條線buffer time, 班次甚至double再疏少少
非繁12分鐘，資源不變下分拆，只會一條20分鐘一班另一條30分鐘一班

拆線條件起碼要當年269C 車隊的規模先可以拆，唔係越拆越疏

首先,要夠客拆968,一係元朗個餅要大D,一係港島個餅要大D;但係睇情況,元朗大既機會唔會好多,最多都係多埋洪水橋個區;港島要大,就要拉去東區,咁即係要加車,但係東區有幾多客,大家都心裡有數.咁即係靠多客去撐拆線唔係好work.
咁如果個餅無大到,仲要拆,咁個拆法就唔會係用灣仔分客;應該係一快一慢都係天后開.

當快個條叫968A,要快到天后開,3-4個站就上快線,用怡和街/堅拿道西就係尾站,之後就出告士打道上西隧,南行就西隧之後就到維園.咁行應該可以45-55分鐘內行完0既.

班次假設968系每10分鐘開一班,968A就逢00/30開,等銅鑼灣客適應原來A線快咁多,佢地先會願意等,到時先至可以再分配過快慢比例,甚至真正拆線.

不過就算咁試條968A出黎,堅拿道橋同告士打道都係塞車高危位置,所以拆線都唔一定快好多.

所以都唔好太花力氣去諗968有無得拆啦.

原帖由 ky927 於 8-6-2015 06:03 PM 發表
首先,要夠客拆968,一係元朗個餅要大D,一係港島個餅要大D;但係睇情況,元朗大既機會唔會好多,最多都係多埋洪水橋個區;港島要大,就要拉去東區,咁即係要加車,但係東區有幾多客,大家都心裡有數.咁即係靠多客去撐拆線唔係 ...

元朗個餅要大D，仲有凹頭，起碼唔少私人新樓，相信都有過海需要，不過相信一定冇元朗市既議員或乘客願意行錦田……
港島方面，但係D議員唔係講到灣仔及銅鑼灣真係可以做得起嗎？
中環、上環、金鐘不用說吧？

起碼繁時得，非繁咪加多D宣傳373A，或者做欖隧轉元朗線學279X退番元朗價，如果得起既話，北區人都可「猛車邊」受惠。

如果373A同968一齊重組多好，373A用番初經青沙既路線，灣仔會展開(宜家當然可以灣仔北開)，兜告士打道去伊利沙伯大廈，一直行內告，金鐘後直飛林士街天橋，968就繼續行軒尼詩及德輔道中大路。不過就要搞到海皮出元朗轉車，電車路出北區要轉車。但應該是最善用資源，以最多資源做最密。

原帖由 lsc04d11 於 2015-6-8 19:33 發表

373A用番初經青沙既路線，灣仔會展開(宜家當然可以灣仔北開)，兜告士打道去伊利沙伯大廈，一直行內告

又黎? 你知唔知果時就係因為咁行搞到373/373A班次無定向風

原帖由 lsc04d11 於 2015-6-8 19:33 發表

如果373A同968一齊重組多好，373A用番初經青沙既路線，灣仔會展開(宜家當然可以灣仔北開)，兜告士打道去伊利沙伯大廈，一直行內告，金鐘後直飛林士街天橋，968就繼續行軒尼詩及德輔道中大路。不過就要搞到海皮出元朗轉車，電車路出北區要轉車。但應該是最善用資源，以最多資源做最密。

想當年我響會展坐373A 30分鐘都未到倒內告

嫌耐咪唔洗灣仔北開，直接伊利沙伯起載囉……
我提出係講如果非繁968真係唔夠客拆既話，可以咁做，而繁時我相信夠客。一係就加多幾班968X(部分鰂魚涌開，部份舊灣仔警署開都得)

原帖由 EH2674 於 2015-6-8 00:49 發表

洪水橋發展到中期都未有，拆完線又無一條經元朗南，咁請問咁快拆黎為乜？之前密密車除左Keep到舊客，仲可以守到欖隧洗牌返天水圍，現時搞到假期咁疏，真係你搭埋我個份


個新客源群組起碼都要幾年，你不如話拆黎等食20年後既客仔 ...

咁我都覺得佢似乎拆線拆得太早，應該將68x個班次再推密d先，點解？因為268x同68x一樣價，我個屎忽唔高興

佢呢個重組似乎只系滿足到老運想減少某段彌敦道的巴士數量的意願，因為拉疏旺角一段彌敦道的班次即系減少某一段的巴士數量...

咁但系，好心啦，削一條半條線班次有鬼用咩...

至於你話點解洪水橋用屯門特別線做，所以我前面定邊度咪問囉，系咪元朗廠唔夠車呢？

原帖由 Ravenclaw 於 2015-6-8 20:48 發表

咁我都覺得佢似乎拆線拆得太早，應該將68x個班次再推密d先，點解？因為268x同68x一樣價，我個屎忽唔高興

佢呢個重組似乎只系滿足到老運想減少某段彌敦道的巴士數量的意願，因為拉疏旺角一段彌敦道的班次即系減少某 ...

如果最後慳到車仲可以以滿足埋B1添...(用盡全力一抽)

你太天真啦,373A如果改內告+青沙,灣北起計,當原線落到滙豐,你建議嘅373A可能仲係六國,你唔係唔知條內告違泊情況好到一個點ga la