教我如何說服人搭巴士

原帖由 67m 於 2015-6-11 01:00 發表
8分鐘唔叫耐啦
搭地鐵行上行落都差唔多...

我覺得唔搭巴士既人原因都係唔識搭居多
(even屋企樓下D線都唔係好熟)
搭MTR起碼都叫去到目的地附近地方先啦
同埋呢類人黎講,有冇位,舒唔舒服已經唔重要
反正都係對住部電話

如果呢位朋友對你好重要既
屈就下陪佢搭下MTR好過~

如果好似例如屯門來往羅湖都仲要全程保鐵既難度都仲要陪佢癲嗎？

原帖由 miklcct 於 2015-6-14 17:03 發表

問題唔只一個幾毫咁少，好似我由理大返屋企，住到新填地街嗰頭都一樣照搭東鐵綫，完全無視唔使等，唔使行10分鐘嘅隧巴，隧巴收成5.7，我用我張學生卡搭一個站鐵，早上由屋企出發，中午來回屋企食飯，夜晚返埋屋企先6.0，一程巴士車費差 ...

絕對唔應該去用學生8達通黎計...因為呢個又絕對無可比因素在內~
等第時你再無學生8達通先有得講~

你同你媽媽搭10幾MINS就係MK落到車...但你伊院巴士站附近行落地鐵站口已經要5-8MINS呢...即係你行得落月台上得車黎, 你搭巴士已經落左車...仲嫌慢?! 你搭的士都快唔得幾多MINS呢~

你所講既3大弱點:
1. 速度慢...呢個係相對既, 你只計車程既話...咁都可以咁講既...不過你計返上落月台地面果D步程, 一般巴士唔慢過15MINS我都唔會當佢係慢, 不過我承認我多數情況下都係用一個HEA既心態去搭巴士...搭得巴士我就唔係爭分奪秒既人~


2. 班次疏...呢個又係相對的, 尤其係住市區, 如果D位唔係住得好入得一兩條線去到既話...其實係應該大方向咁等...即係個方向岩又唔係貴得離譜既就唔好太揀擇一定要坐某一兩條線先上車...咁你既班次就多數都唔會疏~ 即係我MK返長沙灣, 我死都要等2仔既, 班次疏係應份...
但我2/6/6C/2A/796C/112/970/970X都上得, 甚至有時102/171/118/6F我都肯上, 我數都數左唔止10條唔貴既路線可以去到, 做乜要死等一條線咁大把?? 有得揀而等死一條咁等法果種人有D笨實...咁笨實就真係乖乖地慢等吧LA, 你唔配有得快~


3. 車費貴...又係相對, 已經慳左步程等車時間打個和, 貴得果少少...真係算平就真~
過海車而家先收緊4.9-5.7, 地鐵搭三個站或以上都要5蚊上落(唔好同我講學生優惠, 呢D有時限既野你遲早玩完要面對現實)...即係巴士係比地鐵平幾毫到貴幾毫不等, 拿返個中間數其實係打個和~

[ 本帖最後由 stevechau 於 2015-6-15 12:07 編輯 ]

原帖由 stevechau 於 2015-6-15 12:06 發表

絕對唔應該去用學生8達通黎計...因為呢個又絕對無可比因素在內~
等第時你再無學生8達通先有得講~

你同你媽媽搭10幾MINS就係MK落到車...但你伊院巴士站附近行落地鐵站口已經要5-8MINS呢...即係你行得落月台上得車黎 ...

搭地鐵2個站以內收4.2喺九龍已經屈晒機，好似佐敦去旺角呢個例子，與其搭分段巴慢碌，不如落地底搭兩個站，一上車就差唔多落車啦。

原帖由 miklcct 於 2015-6-15 13:56 發表


搭地鐵2個站以內收4.2喺九龍已經屈晒機，好似佐敦去旺角呢個例子，與其搭分段巴慢碌，不如落地底搭兩個站，一上車就差唔多落車啦。

4.2係平...路程咁短真係無法子, 鐵既價錢係有優勢~
但調返轉地面又未必要等好耐, 車程對比鐵加埋上地面腳程又慢唔到5MINS, 變相一上一落仲快過鐵~係要睇個人肯唔肯比多少少換行少幾步咁大把la~

不過你個例子之前係伊院出發, 咁比我真係懶得行落去鐵路站...
係要落地鐵站就搭綠VAN, 會行既就女拔萃上巴士算數~
始終伊院落黎, 巴士站本身已經比起鐵路站月台行少一半咁滯, 但落MK差不多架架車都得...
我又唔信整體班次疏得過同時間既地鐵足一倍呀~

(所以我成日都話, 巴士想多人坐邊使全程加價?! 短途分段減到同小巴差不多已經大把有得做, 執麵執唔晒~)

[ 本帖最後由 stevechau 於 2015-6-15 16:18 編輯 ]

原帖由 stevechau 於 2015-6-15 16:15 發表

4.2係平...路程咁短真係無法子, 鐵既價錢係有優勢~
但調返轉地面又未必要等好耐, 車程對比鐵加埋上地面腳程又慢唔到5MINS, 變相一上一落仲快過鐵~係要睇個人肯唔肯比多少少換行少幾步咁大把la~

不過你個例子之前係 ...

不過路程一長，巴士疏同慢嘅劣勢就開始明顯。喺地鐵收5.0嘅範圍，巴士比地鐵嘅車程已經多大約10分鐘，足以抵銷出入地鐵站嘅時間。去到6.2區間，雖然地鐵開始貴過巴士，但係巴士已經慢到一個難以容忍嘅地步，而路線數目亦都普遍得返兩三條，等車又難好多。

原帖由 miklcct 於 2015-6-15 19:19 發表

不過路程一長，巴士疏同慢嘅劣勢就開始明顯。喺地鐵收5.0嘅範圍，巴士比地鐵嘅車程已經多大約10分鐘，足以抵銷出入地鐵站嘅時間。去到6.2區間，雖然地鐵開始貴過巴士，但係巴士已經慢到一個難以容忍嘅地步，而路線數目亦都普遍 ...

但係巴士已經慢到一個難以容忍嘅地步，而路線數目亦都普遍得返兩三條


但係鐵路一條喎！同時又可否指出什麼是「巴士如何慢到一個難以容忍嘅地步」? 係等車時間慢定係車程慢呢?

原帖由 miklcct 於 2015-6-15 19:19 發表

不過路程一長，巴士疏同慢嘅劣勢就開始明顯。喺地鐵收5.0嘅範圍，巴士比地鐵嘅車程已經多大約10分鐘，足以抵銷出入地鐵站嘅時間。去到6.2區間，雖然地鐵開始貴過巴士，但係巴士已經慢到一個難以容忍嘅地步，而路線數目亦都普遍 ...

又未必既...市區有唔少人真係唔介意慢, 反而好MIND行得遠, 如果唔係尖咀NATHAN都唔會有人特登等2/6~
難以容忍唔係個個人都係咁, 除非好幸運地出入站既位置同要去既地點步程唔超過5MINS~
如果唔係堆人都仲係肯搭巴士既~

事實上, 而家唔同早幾年...尤其連九記既脫班都少左時, 等車真係無以前咁難以容忍~
再加上呢幾年地鐵搭車既環境又越黎越差...反而推返唔少人上地面等巴士就真~

原帖由 matchnacu 於 2015-6-16 09:01 發表

但係巴士已經慢到一個難以容忍嘅地步，而路線數目亦都普遍得返兩三條


但係鐵路一條喎！同時又可否指出什麼是「巴士如何慢到一個難以容忍嘅地步」? 係等車時間慢定係車程慢呢? ...

我諗佢想講既係BOTH...等車疏而同時車程慢~
不過諗淨一層, 市區好多位搭的士都唔快得去邊...
主打地面交通既話, 巴士好多時都唔係無競爭力...只係早年九記做得真係差JE~
如果計埋鐵, 應該中西九龍巴士對地鐵大部份情況係無乜輸蝕...
唔知東九龍係點LA~