(分析)身為將軍澳一份子，我反對興建將軍澳巴士轉乘站

原帖由 最後熱狗 於 2015-7-21 18:42 發表

......長遠來説，當六號幹線開通後，此站就會變得不倫不類。因為部分途經巴士會改行六幹，此站將失去到達部分地方的路線，失去轉車站的功效。......

將藍隧道果邊都可以起多個轉車站姐。

原帖由 miklcct 於 2015-7-21 20:34 發表
我支持興建將軍澳隧道轉車站，原因有下：

1. 打通山下及山上交通網絡
因為轉車站能連接山上，所以將軍澳山上居民不會再被孤立，能即時享用全將軍澳的交通網絡。

2. 增強將軍澳南巴士競爭力
有了轉車站之後，將南及坑口均可安排更多的巴士路線直入將隧，無需再繞經寶林，亦可整合重疊路線，加密班次，提供地鐵以外另一舒適快捷的選擇。

3. 秀茂坪及藍田交通即時大幅改善
將隧轉車站位於秀茂坪及藍田之間，只需一站即可服務整個小區，而且幾乎全部路線直上公路，即使車費比九龍路線為高，亦會相當受居民歡迎。一到上班繁忙時間，可能每班前往尖沙咀的98D、前往中環的690於轉車站上車時都會大排長龍，就像98C停靠寶達邨、305停靠愛民邨一樣，從此毋須再捱小巴落觀塘或藍田轉乘地鐵。

你話改善藍田、安達臣、寶達交通都尚算合理
將軍澳山我真係唔知點樣扯上關係
唔通真係會有人走去用690轉車？

至於第二點，你講就容易
要真係實行起嚟，難過登天
「將南及坑口均可安排更多的巴士路線直入將隧」，有無詳細方案、例子？

原帖由 castanopsis 於 2015-7-21 23:52 發表

你話改善藍田、安達臣、寶達交通都尚算合理
將軍澳山我真係唔知點樣扯上關係
唔通真係會有人走去用690轉車？

至於第二點，你講就容易
要真係實行起嚟，難過登天
「將南及坑口均可安排更多的巴士路線直入將隧」，有無詳細方 ...

其實幾間巴士公司同運吉研究緊咁搞大轉乘站，比少少時間啦。
不過你抱住失緊多過希望先，最大問題係，無一間公司可以交到個完美方案出黎。

理論上，可以做到區區密車去各地，轉車站係好既。實際上，當九新惡鬥，區議員同全世界都咁山頭主義，呢個轉車站就真係無咩意義喇

原帖由 ATS131@45 於 2015-7-21 22:29 發表

296D/796X唔叫做重疊, 同埋運輸署應該在機隧土瓜灣出口加設轉車站

要做轉車站既，唔係土瓜灣出口，而係九龍灣出口
九展係好有潛力做一個小型轉車站
包保轉車客一定多過將隧轉車站
其中幾個轉乘組合真係可以節省好多時間、明顯擴大網絡既覆蓋範圍
例如：
1. 將軍澳來往尖東，98D/296D<>215X/219X係明顯快過一程搭到尾（296D落車仲要行）
2. 觀市藍田來往佐敦，加個215X<>98D/296D/219X轉乘，係可以節省等14X/步行既時間
3. 尚德往土瓜灣下路，296D>>11X點都快過796X+步行

原帖由 castanopsis 於 2015-7-22 00:02 發表

要做轉車站既，唔係土瓜灣出口，而係九龍灣出口
九展係好有潛力做一個小型轉車站
包保轉車客一定多過將隧轉車站
其中幾個轉乘組合真係可以節省好多時間、明顯擴大網絡既覆蓋範圍
例如：
1. 將軍澳來往尖東，98D/296D215X/21 ...

呢啲唔一定叫小型轉車站
加設轉乘已經ok

原帖由 GK3258 於 2015-7-22 00:00 發表
理論上，可以做到區區密車去各地，轉車站係好既。實際上，當九新惡鬥，區議員同全世界都咁山頭主義，呢個轉車站就真係無咩意義喇

就算冇九新惡鬥,將隧都冇任何必要搞轉車站
基本上唔計國珊之城,將軍澳有車去到既地方,基本上一係有自己線,一係一線兜晒全將軍澳。

原帖由 最後熱狗 於 2015-7-21 18:42 發表

......
       拿692來作例子，692路線因為與鐵路100%重叠所以取消；取消後兩巴推出296M/798→690的轉乘組合，這轉乘組合無人理會（巴迷除外），原本乘搭692的乘客全數消失。

       舉出這例子是想説明出在這鐵路發達的地方居民不會空閒去轉車，居民要的是點到點如798的路線；將軍澳轉乘站建成後，不太賺錢的路線會被削减，到時恐怕會出現許多692的翻版。
......

692既真正死因係俾巴士公司夾硬用疏車跟著就連保巴客都趕走既惡性循環陰乾。

君不見例如坑口圈就算有大大個港鐵站係度都仍有唔少保巴客肯等對外巴士線。

原帖由 kay 於 2015-7-21 22:13 發表
大家不如睇下其他區開左轉車站後，cut左幾多車先

開左轉車站，將南資源重疊問題相信會被整頓
好似296C/796C同296D/796X，有左轉車站係咪仲要留晒4條?

反而坑口同寶林無咁嚴重，但本身已經有齊車出巿區主要地方，轉車站對佢地 ...

我都而家都唔係好明796X點重疊法,有轉車站可以重整三條新巴路線唔好咩,796C迴旋處後上隧道同部分深旺客,唔經調景嶺,796X直行寶邑路,798吸返趕走左的將南,同埋深旺客

原帖由 3AV53 於 2015-7-22 00:06 發表
就算冇九新惡鬥,將隧都冇任何必要搞轉車站
基本上唔計國珊之城,將軍澳有車去到既地方,基本上一係有自己線,一係一線兜晒全將軍澳。

我唔覺得一區一線係好事囉，起碼98D,296D,796P，係咪應該分工更好呢
我寧願有頻密既班次，再轉多次車，都唔會想成個將軍澳有三條一樣樣既疏線囉