運輸署建議新增往來將軍澳與機場的巴士服務

原帖由 S3BL100 於 2015-7-28 11:53 發表
根本計錯數，每小時 $300 成本計，E22A 一單連休兩粒鐘，要 25 個全費客先可以回本。
唔好以為 25 同 21 個客差唔多，事實係差四個全費客，車費收入已經差 $96，以一單成本 $600 計，蝕錢率係幾高。
再乘返一日幾單，一個月三十日，真係好襟計。

其他線就話差四五個客都可能係差廿幾二十蚊，但 E 線郁下十幾廿幾蚊，完全唔同講法囉。

同埋你都係無解決過最基本問題，就係憑咩要城巴將堆非繁蝕錢的 E 線走去拆散晒蝕得仲甘。
事實係你將 E22A 夾硬拆兩條，仲要另外搵多條線做山上而唔係用 E22A/B 其中一條去做，
要額外用多至少十部車，唔係兩三架，而係十架！車從何來？又可以從天而降？
每部車一日成本 $5000，十部車就五萬銀，你邊度可以搵到 2500 個全費客返來？

新客最多只係得寶林坑口一班本來搭鐵的乘客，情況同你口中 A29 搵新客差唔多，
但 A29 只係出多三部車，位位 $42，而 E 線拆到散晒要十部車，每位只係收 $24。

A29 又搵唔搵到 2500 個新客出來？

仲有山上人口多，係應該要有全日機場線，但實情係山上班客全部都落山轉 E22/E22A/A22/A29，
換言之無新客。當 E22（同E22A） 已經做晒差唔多成個觀塘山下加山上潛在客源，
仲有東涌去觀塘商貿區，非繁都可以小巴客量，E22P 全日的結果又會係點？
客量會好過 E22？E22 客量又可以維持返，唔會下跌？
如果有山上 A 線客因為有 E22P 直達改搭 E22P 而唔再轉車，又唔會倒蝕？

你將一切都太理想化，淨係以為拆線必然可以搵到新客，而唔諗下可行性，唔諗下要倒幾多部車落去倒蝕幾多，
唔宏觀睇下拆到咁散對現有路線有咩影響，城巴如果搵你做重組，睇怕應該年年蝕錢加價。

21人回本定25人回本都好啦，你仍然未明白我上面個重點
E線收得比市區線貴，代表少過25人會蝕唔少錢，但同時亦代表一過25人就可以收好多錢
小巴客量E車蝕錢率固然高
但另一方面一班頂閘E22A，就算有30個客收$18，成本$600，都淨賺$1620，係高得恐怖

我又唔明點解要加10架車咁多
E22A本身開20分鐘一班，缩到康城點都可以減1車，班次20>30可以減兩車
E22B比起A29兜多一個康翠同一個後勤區，而A29一單有唔少時間剩，E22B用六車應該搞得掂
成個E22A/B重組都係加三車
至於E22P全日，168分鐘一轉，30分鐘一班，要6-7架車
本身E22P已經有三架車行緊繁時，繁時轉全日，成本從來唔係增加$5000
而E22非繁減到20分鐘一班，點都可以嘔兩三架車
最多都係額外加多一兩架車頂繁時非繁交接時段
成個重組，根本唔會用多10架車

巴士公司固然唔會民粹
我都知我個方案巴士公司未必肯做，寧願開A29去搶錢
但巴士公司亦唔應該完全以功利思維重組路線，有時開線都要以切合居民需要為目標
如果有大量新客、搶到搶到盡先加車落去做
咁秀順從day 1開始就唔應該擁有E22P/E22B，應該一開波就用A29P搵錢
甚至E線從來都唔應該喺世上存在
咁做，根本唔合理

[ 本帖最後由 castanopsis 於 2015-7-29 02:15 編輯 ]

原帖由 castanopsis 於 2015-7-29 02:08 發表
21人回本定25人回本都好啦，你仍然未明白我上面個重點
E線收得比市區線貴，代表少過25人會蝕唔少錢，但同時亦代表一過25人就可以收好多錢
小巴客量E車蝕錢率固然高
但另一方面一班頂閘E22A，就算有30個客收$18，成本$600，都淨賺$1620，係高得恐怖

我又唔明點解要加10架車咁多
E22A本身開20分鐘一班，缩到康城點都可以減1車，班次20>30可以減兩車
E22B比起A29兜多一個康翠同一個後勤區，而A29一單有唔少時間剩，E22B用六車應該搞得掂
成個E22A/B重組都係加三車
至於E22P全日，168分鐘一轉，30分鐘一班，要6-7架車
本身E22P已經有三架車行緊繁時，繁時轉全日，成本從來唔係增加$5000
而E22非繁減到20分鐘一班，點都可以嘔兩三架車
最多都係額外加多一兩架車頂繁時非繁交接時段
成個重組，根本唔會用多10架車

你又再一次計錯數…

E22A 當真係可以縮線減班減到三架車。
不過 E22B 呢？你條 E22B 將軍澳行法同 A29 無分別，不過拉左上康盛，兜多後勤區。
實情係 A29 已經因為城巴當時計錯數，最終用緊六架車，而最後無拉上康盛，寶林止步的原因，
正正就係因為繁忙時間唔夠跑，佢地唔想導致脫班。
如果當時唔開 A29，走去開條行隧道的 E22B，結果係要用 7-8 部車。

即係只計 E22A 拆開兩條，已經要額外用多五部車，但服務範圍完全無增加，
你點說服城巴為左你口中的「居民需要」而去倒錢落海？

明明就算係 E22B 行山走，都已經可以達致寶林提速的效果，
就算係坑口都唔見得會慢左，最多真係 E22A/B 齊齊擺寶林，
咁點解為左寶林快果少少，要倒多 6-7 部車去將山上同將北分家？你覺唔覺得好唔合乎成本效益？

跟住你 E22P 又係計錯數，首先城巴的編更模式唔係好似你諗得咁簡單，
果三部車唔係真係只係行兩繁，非繁仲要拎去攝其他線人地食飯，絕對唔係只係將三部車轉全日。
其次係 E22P 不過係上繁三單下繁兩單，同全日服務所行駛的時間同里數都爭好遠，
一日行兩單變成一日行十六個鐘，成本增加係以倍數計，就算唔係 $5000 都至少 $4000。
就算 E22 非繁減到班，最後同額外搵多 4-5 部車做全日 E22P 有咩分別？你個建議何嘗唔係等同要倒多十部車落去？

原帖由 castanopsis 於 2015-7-29 02:08 發表
巴士公司固然唔會民粹
我都知我個方案巴士公司未必肯做，寧願開A29去搶錢
但巴士公司亦唔應該完全以功利思維重組路線，有時開線都要以切合居民需要為目標
如果有大量新客、搶到搶到盡先加車落去做
咁秀順從day 1開始就唔應該擁有E22P/E22B，應該一開波就用A29P搵錢
甚至E線從來都唔應該喺世上存在
咁做，根本唔合理

當時開 E22B/E22P，環境又同而家無分別？
十幾年前 E22 開線收 $18，而家又係收 $18，係咪咁多年以來回本所需客量無變過？
E22B/E22P 只係繁忙時間路線，一單不過 $600，而且唔會點蝕，蝕都蝕得起，但轉做全日又係咪一樣？

原帖由 S3BL100 於 2015-7-29 11:23 發表
你又再一次計錯數…

E22A 當真係可以縮線減班減到三架車。
不過 E22B 呢？你條 E22B 將軍澳行法同 A29 無分別，不過拉左上康盛，兜多後勤區。
實情係 A29 已經因為城巴當時計錯數，最終用緊六架車，而最後無拉上康盛，寶林止步的原因，
正正就係因為繁忙時間唔夠跑，佢地唔想導致脫班。
如果當時唔開 A29，走去開條行隧道的 E22B，結果係要用 7-8 部車。

即係只計 E22A 拆開兩條，已經要額外用多五部車，但服務範圍完全無增加，
你點說服城巴為左你口中的「居民需要」而去倒錢落海？

明明就算係 E22B 行山走，都已經可以達致寶林提速的效果，
就算係坑口都唔見得會慢左，最多真係 E22A/B 齊齊擺寶林，
咁點解為左寶林快果少少，要倒多 6-7 部車去將山上同將北分家？你覺唔覺得好唔合乎成本效益？

跟住你 E22P 又係計錯數，首先城巴的編更模式唔係好似你諗得咁簡單，
果三部車唔係真係只係行兩繁，非繁仲要拎去攝其他線人地食飯，絕對唔係只係將三部車轉全日。
其次係 E22P 不過係上繁三單下繁兩單，同全日服務所行駛的時間同里數都爭好遠，
一日行兩單變成一日行十六個鐘，成本增加係以倍數計，就算唔係 $5000 都至少 $4000。
就算 E22 非繁減到班，最後同額外搵多 4-5 部車做全日 E22P 有咩分別？你個建議何嘗唔係等同要倒多十部車落去？

我望住你篇文，都係完全唔明你如何得出「倒十部車落去」的結論
總結你紅字所述既用車數
E22A縮短減3車（-3）
E22B用7-8車（+7/8）
E22P原有3車行繁時，全日後要用6-7（繁時+3/4，非繁+6/7）
E22非繁減班減2-3車（非繁-2/3）
用你組數字，其實7車已經可以完成整個重組
Worst case scenario都只係用多9架車
你+10車個數字究竟點計出來？
未計仲有其他相關重組可以節省車源，例如藍田山有E22P之後，E22未必再需要擺藍田北

綠字：
服務範圍點會完全無增加...
當時E22A是來往寶林站及機場，減班再拆全日A/B線，康翠、康城都係新增服務地區
成個重組仲有油塘、碧雲道、秀茂坪、順利多咗全日E線
其中油塘本身接近100%潛在客源係搭鐵
參考A29客量，坑寶亦會有為數不少既乘客回流巴士（E22B相信會好客過A29）
新增客源未必多，但「完全無增加」就明顯有誤

當然，時至今日，A29已經開咗，越做越多客
A29P開線如箭在弦
再搞E線逆走、E22A拆線已經太遲

原帖由 053h4 於 2015-7-30 19:06 發表
E22A 由康盛縮去寶琳可以減3部車, 而家都30分鐘一班, 真係唔知點減啦
另外, 覺得E22重未夠疏咩, 重減

前文我已提出, 如果非以服務東涌居民為首選的路線, 就無謂開E線, E22去觀塘市中心應該多過上山, 東涌居民見到減車建議, 真係"多謝晒"

另外, 都係個句, 今時今日銷費模式下, A線根本唔貴, 如果真係少左10~20%客, 咪由得佢地290A轉E32 LOR, 巴士公司開線唔洗維皮?

請留意上面成個討論都圍繞A29開班前的機場線網絡
當時E22A開20分鐘一班，擺寶林
縮落康城，減一車
20>30，減兩車

紅字：
前文我已提出，E車仲要服務後勤區，E22A好多時後勤區仲上得多人過機場
唔好以為此現象只限繁時單向，我搭過清早往將軍澳方向既E22A，一樣都係咁（該時段無A29，唔影響客量分佈）
而且係有人要來往嶼南/東涌同住宅區
你唔信，不如自己下繁去東涌望下新界E線各站人龍
E22減車只限非繁，上面有版友講過，E22非繁好多時都係小巴客量
據個人觀察，條線普遍每班都只係20幾人
減完都只係20分鐘一班，好過分？

建議開E唔開A，原因唔係價錢，而係東涌機場服務範圍

原帖由 eric278 於 2015-7-28 15:12 發表

據知至今都未招標。（擔心無法趕及安達邨年底入伙前搞掂）

回正題，今次區議會通過方案（E22A改線除外），是否意味很快會開線？
機場管理局是否得悉今次機場路線服務提升建議？

（好似聽聞開機場線的最終話事權是機場管理局，而非運輸 ...

我都只好奇，到底通過左未？
如果確定開線，應該會有好多區議員嘅成功爭取宣傳，但至今我一個都見唔到。
其實A29P有冇目標開線日期嘅呢？

原帖由 93A_S3_6:30am 於 2015-7-31 12:22 發表

我都只好奇，到底通過左未？
如果確定開線，應該會有好多區議員嘅成功爭取宣傳，但至今我一個都見唔到。
其實A29P有冇目標開線日期嘅呢？

#43回文有提及

原帖由 FBI2 於 2015-7-23 12:37 發表
除E22A外,西貢區會已通過有關方案.

根據運輸署呈交予區議會的文件，A29P及E22C會在今季（2015年第三季）內開線

[ 本帖最後由 eric278 於 2015-7-31 12:48 編輯 ]

呢個講完，果頭見到：第三季開辦不過所謂諮詢係造樣？定還是真係等待緊區會意見未通過？

原帖由 93A_S3_6:30am 於 2015-7-31 13:04 發表
呢個講完，果頭見到：第三季開辦不過所謂諮詢係造樣？定還是真係等待緊區會意見未通過？

都懷疑那個議員是否抽水。

再說，觀塘及離島區議會剛於7月28日及7月20日才召開完交運會會議，下次要9月17日及9月29日才開會，
但剛結束的該兩個會議議程，都沒有A22P, E22A/E22C的諮詢文件。

[ 本帖最後由 eric278 於 2015-7-31 16:49 編輯 ]

是日所見，部分城巴站柱已經將乳豬盤由黃色更換為紅色，包括怡心園、翠林邨、秀明樓、秀茂坪商場等，但只限往機場方向，相反方向仍未見有更換，相信距離A29P開線之日不遠了