K75P巴士路線重整 洪水橋持分者無奈受屈

原帖由 GD1570 於 2015-9-24 14:52 發表


講唔過人發爛渣要人行路返工...
但又咁講，小弟我真係行路返工放工架WOR...

仲有，方案實施一個月都無，咁快話唔得？都要畀尐時間人哋收集吓數據，優化一吓架... ...

冇邏輯，冇回應過人任何論點，比咁多人圍攻都覺得自己講贏真係得啖笑。香港有你呢d咁既人真係悲哀，追求退步而唔係進步。依家實際情況係點居民最清楚，依家唔改善，食左屎一個月仲唔改，等食到死左先改？你唔係受影響既人講就輕鬆，知唔知居民依家每日咁搭車幾辛苦？今日夏日炎炎，有位太太特登企左係巴士站收集簽名反對，係咁而都收左過百個，人地咁辛苦為左咩？點解依家試驗階段唔試下居民建議更好既方案，等洪福入晒伙問題變到好嚴重先檢討？你真係岩晒做d官僚狗官。

此改動令我想起如果將輕鐵705和706改為同一方向(跟705)行會有多亂........
由 天慈去天水圍本來只需要坐一個站、但改動之後反而要被迫坐足全程.........
(比喻而已)

原帖由 GD1570 於 2015-9-24 00:12 發表


第一，我從來都無反對話整返三班，甚至三班或以上的K75P特快版出嚟
第二，我話夠載係K75+K75P，我無講過657夠唔夠載這個說法
第三，係又插唔係又插嗰個絕對唔係在下，我只係想說明，我唔知道點解之前K75+修路版K75P會夠載，到重組 ...
第四，係又插唔係又插？我幾時有插過呢？

#2你自己講既:
簡單一個問題已經可以KO你成段文：
當年K75P無服務時，沿線居民是如何前往天水圍站呢？

你講未有K75P之前，未有K75P之前K75跟本未出現，咁唔講657講乜？

而當時657跟本唔經天盛同天水圍站，跟本無出現過「當年無K75P，班學生日日都繼續K75咁落洪水橋」呢件事，咁廈村居民又點會出嚟嘈？而且，服務不變唔代表無服務倒退？搭車人多左你維持舊有服務點會唔算倒退？


雙向年代有班客過左檔搭K75P，整路年代因應K75P有特車，都係易上車，現時呢？


大方向從來無版友話過做錯，大家一直都係針對返學時段難上車

K75S兜埋洪水橋只係解決到一半問題，天耀站以北班學生都係要慢慢兜K75P，除非你話K75S必需跟K75P尾到達天水圍站喇

「仲有，方案實施一個月都無，咁快話唔得？都要畀尐時間人哋收集吓數據，優化一吓架...？」


人地城巴930A第一日唔夠載，當日已經入紙申請第二日加班，你仲想收集幾耐數據，明明整路時期一直都無爆獲，改完爆獲點解仲唔即時改正

原帖由 pklaw 於 24-9-2015 18:11 發表
此改動令我想起如果將輕鐵705和706改為同一方向(跟705)行會有多亂........
由 天慈去天水圍本來只需要坐一個站、但改動之後反而要被迫坐足全程.........
(比喻而已) ...

呢個比喻用得唔係咁好，
因為天慈無輕鐵去西鐵站的話，
行過去只需10分鐘內，比搭705用25分鐘兜一圈快好多

唔會因天慈居民尋求其他輕鐵路線往天水圍，迫爆剩下路線，而造成天恆至天耀一帶居民未能上車。

現時，705/6早繁客流大致為：

705：
1.天耀、天水圍、天慈->銀座、天榮、天悅、天秀、天恆返學
2.天恆、天逸至樂湖->天水圍/天耀轉西鐵返工返學


706：
1.天慈、天水圍、天耀、樂湖、天瑞->天瑞至天恆一帶返學
2a.天恆至天晴->天榮、銀座、天湖返學
2b.天恆至天慈沿線->天水圍返工返學


其實呢兩條循環線一轉車可以做兩批客，以一架拖卡運到400人計，一轉可以運到800人次左右，
資源運用效率高。


反觀K75P，
改動前做緊：
1.天水圍->洪水橋返學
2.洪水橋、廈村->天水圍西鐵站
兩批客，車由天水圍開到洪水橋，載完一批學生，
幾乎吉車到廈村，又可以上返工客去天水圍。
又係一程車做兩批客。


改動後，K75P雖然都有呢兩批客要做，但係因為方向調轉左，
去到廈村，車上仲有班學生，結果廈村居民上唔到車；
而K75P到洪水橋放低學生之後，係有位剩，但係，載緊乜呢?
你港鐵要服務洪福邨，唔該用額外資源，唔好影響現有乘客。
開左K75S都算，仲要K75P逆向顛埋一份，
好，而家K75P爆鑊不單止，連K65都爆埋一份。


係今個月頭，我仲搭緊K73返工時，短短20分鐘車程，已經聽到2次，
對講機叫K65司機幫手，係廈村上多幾個，因為廈村D人上唔到車。
係咪有人妄顧原K75P乘客利益?
睇黎都係，因為我唔知邊個著數左，
所以我支持申訴專員睇睇呢鑊金




至於K75，算啦，半個鐘一班又出單層，當佢無到會舒服D

得，我收聲！

既然大家都覺得K75P係要開返特車直落洪水橋，我係絕對支持。
我亦收回我當初的言論。

原帖由 pklaw 於 24-9-2015 06:11 PM 發表 此改動令我想起如果將輕鐵705和706改為同一方向(跟705)行會有多亂........ 由 天慈去天水圍本來只需要坐一個站、但改動之後反而要被迫坐足全程......... (比喻而已) ...

呢個比喻都差少少，因為705/706同方向根本就係同一條線，可以玩EVEN開出咁就加班一倍。

應該話701(天水圍南循環線)+705 或者702+706
再好D既比喻係701由翠湖開，逆時針循環；705濕地公園開，逆時針循環。就完全等於宜家K75/K75P個case
(天水圍站總站只有k75；翠湖站只有701)(天瑞至天耀只有K75P；天北圈只有705)
(田廈路沿途一樣；天瑞站至天榮站服務完全一樣)
(751P現時；K75S)

原帖由 GD1570 於 2015-9-24 14:01 發表


我相信你係話緊我架啦
1. 我無喺良景住過...
2. 你有乜證據證明我係港鐵打手？有嘅唔該拎出嚟，無嘅唔該你收回你嘅言論。
3. 白痴規劃？唔該自己問吓當區區議員點解會過到這個方案先吧！

要做正義使者唔係咁做架 ...

呢位樹兄 首先 你一定無聽過5月開交通委員會 議員同狗鐵既會議錄音http://www.districtcouncils.gov.hk/yl/tc_chi/meetings/committees/dc_committees_meetings_audio.php?meeting_id=3657

無任何一個人 係贊成k75 k75p 咁樣"提升"既方案, 而且好多議員都提出左好多問題! Reject 左個方案! 而我自己作為作為新生村居民 早係幾個月前已經留意事態發展
但狗鐵無再拎出黎傾  一意孤行 強硬執行路線 居民都係早一兩星期 有D到第一日運行先發現改到咁荒謬! 成件事錯哂!
眼見第一日係洪水橋有一位工友 (應該本身日日搭K75P 由洪水橋去田廈路番工) 慘到上車投訴左兩句比車長罵番佢轉頭 佢要比多平時半個鐘先去到田廈路番工!
好 講下我 我以前係天后番工 7點半出門口 9點番公司  而家我轉左荃灣番工 但係就因為無車比我15分鐘內去到西鐵 無車比我去天水圍坐巴士 我要7點出門口去洪水橋坐68A 行屯公寧願塞下車都唔想係架75P 兜半個鐘睇D人點頂閘點上唔到車 !

1. 整兩個同一方向 話係配合洪福村 一個問題KO番你好無? 我呢個月日日7點-7點半 繁時搭k75p or K75 新生村上爆左一架車 田心村上到幾個人仲有一半人上唔到車 去到洪水橋落左少部份人 再上番一大班人 全程頂閘 請問去到洪福邨係咪上條毛?

2. 洪水橋明明咁近 但無一架車 可以由洪水橋番到田廈路 眼見好多老人家寧願行四個字番屋企 都唔坐車!
社區發展係為社區!  你唔好同我講等63X 68X 268X 番田廈路啦 你估呢到新加坡全部分哂段? 笑死人 仲有WOR 呢幾架去到田心路就收皮 住新生村 新李屋村 廈村D人點???

3. 運輸處回應WOR 話廢事D人係亂過馬路兩邊追車WOR 田廈路D大車 一百架有九十九架過班馬線都唔讓行人! 係新生村整番支交通燈仲實際! 廢話連篇!

樹兄呀樹兄 你咁叻 不如你講一個理由我知: K75 仲存在係同一方向 既意義係邊 你收番我皮無任歡迎 !

BTW 我唔係巴膠 我只係一個略懂識得分E200 E500 MMC 李老闆 廠長 D DRAGON TRIDENT Volvo B9TL MAN DOUBLE DECKER既女子 可能無你咁叻啦 第一次上呢個FORUM 但同我講k75 k75p ? 你唔夠我黎喇~~~

[ 本帖最後由 phoebeyau 於 2015-9-24 23:55 編輯 ]

利申:係屯門人,冇坐過改路前/後既K75
今日用左D 時間睇左改道前/後既K75/K75P 走線,我絕對相信港鐵班人係冇做實地考察
因為我一睇個走線就有好大疑問 田廈路一帶既居民點樣由洪水橋番屋企?

而家K75/K75P 改成咁,呢度咁多大大,不如幫心諗下點樣可以令港鐵還原K75/K75P 雙向走線?

原帖由 FD_8592 於 2015-9-25 21:16 發表 [img]http://w[/img]


而家K75/K75P 改成咁,呢 ...

我會建議

K75P 照舊順圈咁行 , 早繁服務 , 特車又唔駛開

K75 原路逆圈到洪廠後 左轉田心路 洪元路, 洪志路 (即屈入洪褔村外圍) 之後石步村  返天西
此舉都係行多五分鐘,同停一支燈 , 初期加一至二部車就唯持之前居民需要, 又照顧到洪福
>>>> 如果入伙後需求大可以再加車/轉雙層行 , 又或者到時先開 K75S

原帖由 FD_8592 於 2015-9-25 21:16 發表
利申:係屯門人,冇坐過改路前/後既K75
今日用左D 時間睇左改道前/後既K75/K75P 走線,我絕對相信港鐵班人係冇做實地考察
因為我一睇個走線就有好大疑問 田廈路一帶既居民點樣由洪水橋番屋企?

而家K75/K75P 改成咁,呢 ...

K75囉，不過非繁變左30mins一班(洪水橋港上車，去到天西可以唔落車繼續坐落去)