K75P巴士路線重整 洪水橋持分者無奈受屈

各位師兄覺得咁樣可唔可行：K75P維持現時逆時針行，用三至四部車；K75轉做順時針行（即以前K75P行走路線，但以天水圍站作終點），用兩部車行，可做到12-15分鐘一班。如果港鐵死都唔肯加車，K75P得三架車既話，都係十五分鐘一班，但由於乘客分流，上落車時間大大減少，同依家唔會相差好遠，而且多左另一個方向，乘客可根據自己需要選搭其中一邊較快捷既方向。如果用依個方案，可以平衡各方需要，兩條路線各自有以下功用：

K75（順時針行，由西鐵經洪天路、洪水橋、田廈路、返回西鐵站）兩部巴士行駛，12-15分鐘一班
早上繁忙時間
1.
洪水橋學校師生由西鐵站前往洪水橋上學
2.
居民由田廈路前往西鐵站
3.
工友由洪水橋前往田廈路上班

下午繁忙時間
1.
洪水橋學校師生由洪水橋前往西鐵站
2.
工友下班由田廈路前往西鐵站
3.
居民由洪水橋返回田廈路
4.
洪福邨及石埗村居民返回屋邨

非繁忙時間或公眾假期
1.
居民由田廈路前往西鐵站
2.
居民由洪水橋前往田廈路
3.
洪福邨及石埗村居民返回屋邨
4.
乘客由西鐵站前往洪水橋

K75P（逆時針行，由天瑞開出，經西鐵站、田廈路、洪水橋、洪天路、西鐵站、返回天瑞）四部巴士行駛，12-15分鐘一班
早上繁忙時間
1.
居民由田廈路前往洪水橋或天水圍
2.
工友由西鐵站前往田廈路
3.
居民由洪水橋前往西鐵站或天水圍
4.
洪福邨及石埗村居民前往西鐵站


下午繁忙時間
1.
居民由西鐵站或天水圍返回田廈路
2.
工友由田廈路前往洪水橋
3.
居民由洪水橋前往西鐵站或天水圍
4.
洪福邨及石埗村居民前往西鐵站

非繁忙時間或公眾假期
1.
居民由西鐵站或天水圍返回田廈路
2.
居民由洪水橋前往西鐵站或天水圍
3.
洪福邨及石埗村居民前往西鐵站


依個方案可以分流乘客，照顧地區不同居民、學生、工友的需要，比現時方案絕對更好。但係港鐵死都唔肯用依個方案，因為佢唔肯加巴士，依家K75同K75P繁時基本上得五架車，因為有兩架去左K75S，而依個建議方案需要同以前一樣有六架車。簡單黎講，如果港鐵肯加多一架車，就可以實施依個方案，服務效率大增。而我覺得洪福有一萬幾千人，加多Ｄ巴士係好合理既要求，依家動用以前服務洪水橋居民既資源去晒洪福，係非常不公既行為。依家非繁時，例如夜晚七點後，其實都好多人返屋企，而依家單一方向行駛，洪福同埋石埗既人都係要兜大圈返屋企，起碼15分鐘車程。如果其中一條路線順時針行，佢地可以係洪天路落車，過對面就係洪福同石埗村，車程唔洗5分鐘，大佬唔係過條馬路都唔得下話？規劃既人都真係無腦架。