我既意思係唔入火炭,去其他地方,不過我唔知沙田有邊D巴士站有位剩 |
|
|
|
|
|
|
|
|
難喇...
繁時肯定冇可能先
非繁...老實講
大圍又係咪真係有咁多客?
(拉去大圍分分鐘要加一班車,又夠唔夠cover cost呢?)
同時,班火炭客又點解決?
其實非繁班班車都有幾個客上車
新城又冇其他線cover
|
|
|
|
|
|
|
|
|
本帖最後由 castanopsis 於 2015-10-6 05:55 編輯
現階段全日拆線的確有少少冒險
最好就等將南再發展成熟少少先去搞
是次改動實為試水溫的良機
應藉機測試將南，甚至調景嶺尾站的潛力，應該做得起（20分鐘一班繁時線點都撐得住掛？）
可惜新巴唔長進，開條唔湯唔水既798B出來，都唔知想點
睇黎我見到既故事同你既故事有好大出入下。
將南下繁主要上客點有兩個，一個係尚德，另一個係將廣，
將廣平均每部車係上緊 20 幾人，另外尚德上左 5 個左右，
就係下繁，坑口多極都係 30 個左右，有部份班次甚至係同市中心打和，
所以你問我，究竟將南係唔係少客？最低限度，唔見得坑口突出好多。
正常情況下，坑口非繁未必一定有 10 幾個，要好睇時段，有時將南上個位數，坑口都係上番個位數。
有時又好奇怪，新都城夾埋梁潔華上唔夠 10 個，會少客過坑口圈，
所以越近尾站越多客現象，未必一定完全應驗，只係道出一個真理，798 非繁客量一般般（平均 30－40 個）。
你可以話坑口客量真係唔凸出
但坑口人口少，將軍澳站+尚德+調景嶺人口龐大
如果坑口客量可以匹敵將南個客量，將南其實都幾唔掂下
有趣既係
在將南，將廣既上車人數往往大幅拋離尚德調景嶺
參考296C/796C/796X既客量分佈，將廣一直唔係大站（同調景嶺堆站比真係差幾個level）
如果如你所講，大部分將南客都會將798放做首選，點解調景嶺會咁少客？
調景嶺一直係逆向客客倉，班客不見於798，去咗邊？拆線係唔係應該嘗試搶返班客？
798非繁客量一般，我真係唔知點觀察出嚟
樓上話一兩點坐滿企人確有誇張成分，但最低限度窗口位會坐得滿
如果798叫一般，98D/98C/796X非繁都只係一般，682/98A等幾條線更加要轉兩味
禾輋既朋友，係寧願行去上 89 出九龍轉車，而未必會行去上 798 既。
繁時既然拆線，拆兩條真係唔可行？（見上文）
點拆沙田係做多左客，單係行小瀝源路，做埋第一城同石門，點都吸引過做多個康翠下化。
又係你當時話：
成日都認為有唔少 74X、277 系去將軍澳既人去到觀塘再轉 296A 或者直上東鐵入將南返工，
我可以答你，如果有人要返電視城、壹傳媒，佢地係非常討厭觀塘道塞車，以及坐超長時間既港鐵，
我身邊所有返工業邨既朋友，只要就到時間，798 係必然選擇，只係討厭 798 朝早塞大埔公路而脫班。
但總好過港鐵迫人，觀塘塞車塞到暈，798 觀繞同將隧有幾可塞，只要預鬆少少返工，兩程車真係好舒服下。
既然74X/277X行大隧+觀塘道原站轉車都唔吸引
89行獅隧+牛頭角道突然間又咁吸引？
行得去瀝源搭89，我相信大部分乘客都會行埋落市中心搭798
咁講
早繁入將軍澳沙田區拆線未必唔可行
始終798/290/290A早繁入將軍澳客量均取得不俗成績
如果我係新巴，有車我都可能會開幾班特班，馬鞍山開用682式走線入將軍澳
但我會覺得拆線俾 康翠/曉光街/樂華/將南/康城 入沙田，會逼切過早繁入將軍澳拆線
而開拓逆向客，我覺得唔需要急，先提早頭班測試下水溫先都未遲 |
|
|
|
|
|
|
|
|
本帖最後由 dennis28a 於 2015-10-6 23:16 編輯
20 分鐘繁時線？
點 20 分鐘法先？只要寶林、坑口是但一區變成 20 分鐘都未必會接受到。
但康翠、康城、將南呢？我每一日都認為，將軍澳拆線日講真係容易，但難度其實比拆沙田定線仲要高。
有趣既係
在將南，將廣既上車人數往往大幅拋離尚德調景嶺
參考296C/796C/796X既客量分佈，將廣一直唔係大站（同調景嶺堆站比真係差幾個level）
如果如你所講，大部分將南客都會將798放做首選，點解調景嶺會咁少客？
調景嶺一直係逆向客客倉，班客不見於798，去咗邊？拆線係唔係應該嘗試搶返班客？
將廣點解唔係大站？798 將南得三個站：調景嶺、尚德、市中心（南），
將南點分都係得三區下化，三個站做三個區既功能。
你問得幾好，班客去咗邊？點解你唔問，798 班客究竟去邊？
將北有部份人上 798 目的地從來唔係沙田，798 近寶林多人，重點係其他競爭對手好唔吸引。
調景嶺係無客，但點解唔詫異，將廣個站咁多人？
調景嶺既朋友上左鐵，正常，觀塘線尾站；尚德大大條 296A 係度。
就算你調景嶺尾站識飛，要搶尚德班客已經好大難度，
佢地真係唔介意錢，要舒服，點解唔一直轉上 798，798 比觀塘塞車難受？
我深信兜多 15 分鐘將北，點都好過係花多 15 分鐘係觀塘。
798非繁客量一般，我真係唔知點觀察出嚟
樓上話一兩點坐滿企人確有誇張成分，但最低限度窗口位會坐得滿
如果798叫一般，98D/98C/796X非繁都只係一般，682/98A等幾條線更加要轉兩味
如果成 20 分鐘一班，都係坐得滿窗口，可以叫符合需求。
你又肯定佢加到 10 分鐘又係坐滿窗口？
你講得完全無錯，將軍澳區大部份巴士線非繁條數係好難睇，
只係因為其他區打救，加上兩繁成續唔錯，佢地可以正常生存。
682 唔係因為東區流水客，同埋佢繁時高客量幫手，你認為佢可以生存到今日？
單係 290 系，都比兩繁空載率拖垮唔少盈利，
你認為新巴會咁傻，將一條明明賺錢既 798 去投放多餘既資源？
所以 798 真係一般，真係夠客，就一早加左佢非繁 15 分鐘一班。
既然74X/277X行大隧+觀塘道原站轉車都唔吸引
89行獅隧+牛頭角道突然間又咁吸引？
行得去瀝源搭89，我相信大部分乘客都會行埋落市中心搭798
咁我有講過 89 轉車會係觀塘轉？有唔少人係黃大仙轉車，仲落觀塘塞車？
如果 74X、277X 可以近少少彩虹站，可能會吸引好多。
另外，既然源禾路既朋友可以行，咁點解 798 要兜入尚德、坑口圈？佢地都可以行去將廣、厚德上車。 |
|
|
惡意回復是不道德的行為。
|
|
|
|
|
|
重申一次我個建議：
798——坑口開經寶林入沙田
798A——翠林開經觀塘山入沙田
798B——康城開經將南入沙田
寶林+坑口點都做到15甚至12分鐘一班
20分鐘係指將南康城繁時線
至於康翠，真係無理由兜返落寶林
要兜，兜曉光街樂華，甚至三彩好過，至少能夠服務更多人
將廣點解唔係大站？798 將南得三個站：調景嶺、尚德、市中心（南），
將南點分都係得三區下化，三個站做三個區既功能。
你問得幾好，班客去咗邊？點解你唔問，798 班客究竟去邊？
將北有部份人上 798 目的地從來唔係沙田，798 近寶林多人，重點係其他競爭對手好唔吸引。
調景嶺係無客，但點解唔詫異，將廣個站咁多人？
調景嶺既朋友上左鐵，正常，觀塘線尾站；尚德大大條 296A 係度。
就算你調景嶺尾站識飛，要搶尚德班客已經好大難度，
佢地真係唔介意錢，要舒服，點解唔一直轉上 798，798 比觀塘塞車難受？
我深信兜多 15 分鐘將北，點都好過係花多 15 分鐘係觀塘。
請你望清楚我上面段嘢
上面無話將廣唔係798大站
我係話就796X/796C而言，調景嶺遠多客過將廣，但同樣客量比例不見於798，籍此推斷調景嶺人唔buy798個走線
我唔否認將北有人搭798再轉車，將南的確係少咗部分轉車客支持
但將北轉車客既存在是否將南客量比例低既主要原因？我有保留
要知道轉車客係有，但非轉車客其實更多
繁時一班頂閘既798，淨火炭都三四十人（山尾街上落一定唔係轉車客），而沙市田園閣非轉車客人數點都多過火炭
換言之，頂閘120人入面，至少八九十個都真係要去沙市、田園閣、火炭
但下繁一班798唔計流水客真係得20個入將南
點計都仲有一大班將南非轉車客搭緊其他交通工具
所以，將南尾站真係無新客？潛在客源真係少到繁時開幾班將南尾站試水溫都唔得？
觀塘塞車係好難受，296A客量近來亦似乎有所下跌
但尚德同調景嶺客量數據話俾你聽，佢地就算唔去觀塘轉車，都唔會走去搭798，15-20分鐘原地轉圈感覺太差
如果大家仲係唔信將南有客，可以時光倒流返去2010年798開線初期
當時眾版友做咗各式各樣既客量報告
你會留意到唔少版友見到將南將北客量平分，比例接近1：1
但隨著時間慢慢流逝，將南客量無幾大增長，但將北客量卻翻倍，形成今日既情景
點解會出現如此情況？原因好簡單
將南將北潛在客量相近，開線初期試搭既人數亦相約
但漸漸尚德調景嶺人發現搭798仲慢過搭鐵/轉車，試一兩次就放棄咗
而將北人發覺798直接/快，試完之後繼續搭
結果出現 初期1：1、後期1：5 既客量比例
若巴士公司可以吸引當年試搭798既將南客回流，絕對會有可觀客量
如果成 20 分鐘一班，都係坐得滿窗口，可以叫符合需求。
你又肯定佢加到 10 分鐘又係坐滿窗口？
你講得完全無錯，將軍澳區大部份巴士線非繁條數係好難睇，
只係因為其他區打救，加上兩繁成續唔錯，佢地可以正常生存。
682 唔係因為東區流水客，同埋佢繁時高客量幫手，你認為佢可以生存到今日？
單係 290 系，都比兩繁空載率拖垮唔少盈利，
你認為新巴會咁傻，將一條明明賺錢既 798 去投放多餘既資源？
所以 798 真係一般，真係夠客，就一早加左佢非繁 15 分鐘一班。
非繁將南客本身少，好多時都係10個或以下（尤其往將軍澳方向）
拆完之後將北條線個客量唔會差得去邊
問題只係將南條線非繁有幾多客
所以至話要搵繁時將南尾站線試水溫
如果試出嚟班班企人頂閘，放心，非繁肯定唔會得個位數字上公路（去商業區堆線個繁時：非繁乘客比例都無咁懸殊）
紅字：
290系兩繁空載？願聞其詳....
咁我有講過 89 轉車會係觀塘轉？有唔少人係黃大仙轉車，仲落觀塘塞車？
如果 74X、277X 可以近少少彩虹站，可能會吸引好多。
另外，既然源禾路既朋友可以行，咁點解 798 要兜入尚德、坑口圈？佢地都可以行去將廣、厚德上車。
74X/277X要轉都去九龍灣啦，點會去彩虹轉？
我無意同你拗源禾路班客搭緊邊條線（拗完大家都係唔信對方，又無數據支持）
事實上，對於早繁行源禾路，我唔算太反感（仲可以減低塞車風險）
但好簡單咁講
如果798要做源禾路、第一城、石門、馬鞍山、大圍等眾多地方，就要拆線+不同時間不同走線
一來要用唔少資源
二來隨時會搞到新巴14號咁複雜
你個idea並非不可行，但逼切性無將軍澳拆線、提早沙田頭車咁高
|
|
|
|
|
|
|
|
|
798少將南學生客，並唔係因為客源不存在
少客，原因有兩個
1. 港鐵有半價
2. 798走線對將南，特別係調景嶺毫無吸引力
|
|
|
|
|
|
|
|
|
單憑學校數量就話有好多學生客（仲要係住沙田返將軍澳添）未免太武斷
如果你所言屬實，有好多學生客兼且將南直出可以引晒佢地全部放棄半價，咁將南應該開到線去晒全香港十八區 |
|
|
字大只顯得人自大
|
|
|
|
|
|
條線夠直接，有班學生係會放棄半價搭巴士
印象中98D某學校放學時間都有班學生客放棄半價搭佢返將軍澳
可以吸引到幾多學生客回流？
未必去到796X個level，但加埋教職員執下執下應該都執到半車客 |
|
|
|
|
|
|
|
|
大把火炭體藝學生搭798返將北
問題係，體藝本身100%自行收生，先有咁多跨區客（賽馬會真係把砲）
將南堆二流中學又會有幾多個跨區？
|
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
