青嶼幹綫全綫封閉作緊急檢查, 巴士服務受影響 (2145 已重開)

053h4 發表於 2015-10-26 12:58
香港巴士早繁出車超過95%, 咁多年早繁鐵路故障, 最終都只係靠港鐵處理故障先清到客

上次下繁將軍澳同觀塘 ...

即使有船﹐都係面對用接駁巴士一樣問題﹐而且仲死得慘過巴士。

便是等位泊岸上落客。


巴士都仲可以求其在路邊便可上落客﹐船係唔得的。

東涌碼頭有2個泊位﹐1個用升降台1個用樓梯﹐自己估下高速船用唔用到樓梯的一邊上落客﹐用到的話上落客要幾耐時間。
荃灣無記錯的話1個公用碼頭用樓梯位(1個泊位)﹐1個珀記使用中的碼頭﹐駁船有2個泊位﹐好似無得較高低﹐是否配合到外援船﹐又係一個迷。


用慢船﹐一個單向航程又要幾耐。


到時除了一大班人等船外(這無法避免)﹐仲出現一堆船等泊位的情景。

053h4 發表於 2015-10-26 12:58
香港巴士早繁出車超過95%, 咁多年早繁鐵路故障, 最終都只係靠港鐵處理故障先清到客

上次下繁將軍澳同觀塘 ...

緊急應變方案唔會可能百分百替代到原有服務，正如樓上話齋用現有資源補得幾多得幾多
就算最接近100%替代的環型電網，一面爆鑊要靠另一面，轉變期間都有幾分一秒跳掣，穩定性都係差佐

無疑動用全港可調動的載客船隊，係無可能應付正常出入大嶼山客流量。
但你考慮漏佐一點，如果係長時間封橋，市民係會改變生活習慣去應付替代方案

同將線繁時爆鑊唔同，將線大部份通勤係返工返學，彈性唔大。
相反出入大嶼山除佐返工返學，相當大部份係本地/出外遊覽
去接機送機、去迪士尼大佛遊覽，好容易改變甚至取消行程
住愉景灣嶼南咪如往日，搭船出中環再算
飛機可以臨時改飛深圳、澳門，甚至取消航班
頭等商務艙貴客，速遞急件等出動直升機送出市區也未嘗不可
剩低要處理的客流會少一大截


14年佔中，雖然佔領區涉及多條主幹道，但交通反而無咁擠塞。因為少佐好多人楂車，港鐵大幅加班，唔少人改佐去唔受佔領地區消費。
08年黃衫軍佔領曼谷機場，無取消的曼谷航班改飛芭提雅，經曼谷轉機改哂去其他機場
非出入泰國不可，都改用布吉清邁等。事件過後，曼谷咪仍然係亞洲航空樞紐。


仲有，呢個case真係要用船，道義上唔會唔幫，現實上租船錢一定唔會少。
珠江隨時安排珠三角班客搭直巴，再用自己船隊賺呢筆錢都唔出奇
平日泊哂避風塘載得客的船更加唔駛講


再講長期封橋的可能性，除非係損壞到total lost，否則檢查過後係可以按受損程度局部通車，
例如好似樓上話齋，來回開一兩條行車線。機鐵減班慢速行車頂住檔先。
但撞橋果下封橋檢查就點都走唔甩。

外國有不少使用數十年的橋樑，當發現結構耗損，唔係全條封閉，而係限制重型車輛行走，直至維修工程完成