香港巴士年鑑 2016 加價

岩岩收到訂購表格, 今年原價 $240 , 訂購價 $200 , 比去年加 $20

封面係 AMNE1 落船

陳生出既年鑑，算罷啦，我都冇買好多年。

guy1021 發表於 2015-12-4 00:17
陳生出既年鑑，算罷啦，我都冇買好多年。

近兩年都係俾哂人寫

希望今年寫返多 D la.....

藍絲老陳寫嘅年鑑，文章質素一年不如一年。咁鐘意擦中國鞋，不如全部賣晒上大陸。



講質素，尚線刊物已經全面超逾年鑑班五六七十後寫手。

PB602 發表於 2015-12-6 00:12
藍絲老陳寫嘅年鑑，文章質素一年不如一年。咁鐘意擦中國鞋，不如全部賣晒上大陸。

其實係年鑑越睇越無方向，本書好似唔知自己定位o係邊。

講真，如果係皮毛野，我上網睇仲快，又使乜俾錢買？
2000 年代我有睇年鑑，2011 年本書翻生後我都年年有買，但真係越睇越失望。
年鑑最大價值講真係接近車廠同巴士公司既消息，但近年比例越黎越低，亦遠不及以前深入，
最大件事係呢幾年介紹新車時猶如 ADL 廣告離誌，除左 ADL，其他廠其他車型就好似無料到一樣。
早年 Centroliner、超級富豪連設計過程都講得好詳細，但翻生後出左 5 年，Scania K230、K310、B7RLE、B9TL 呢o的都好寫，竟然咁耐都無篇正經文講過，架宇通影都唔見。
我知唔係新車型，但香港車計，都係新野吧，巴士公司點解咁多車唔買買佢地，真係無野講到咁？

等去圖書館借

老陳本『年鑑』，真係無任何購買誘因
講得直接點，而家本書只係俾佢班老友、老友既仔女show off 既廣場

去書局睇完可以放番上書架，借都廢事

陳生本年鑑主要都係「名牌效應」，亦可能佢係資深記者關係，佢確係同香港以至世界各地公共交通機構同製造商有密切交往，所以資料豐富同獨家性確係暫時無人能及.  只可惜，就憑佢去年0係本年鑑度過度表露自己政治立場，足以令佢道行一朝喪，成本書每一篇每一句「佔中」、「佔領」有關字眼，通通一句不漏地加上「違法」二字在前，估佢應該係用WORD「取代」功能一次過執，不論篇文出自任何人手筆，全部被改成一式一樣.
寫呢類非政治性文章，根本冇必要借機表達自己立場，亦不恰當.  就算你真係想明示「違法」, 頭一句提就得，使唔使下下全篇文章千篇一律？唔單只，就算篇文係出自陳生手筆，文筆都比以前差0左.  加上依家有競爭對手，而且對手不斷進步中，睇怕陳生都係時候退休，得閒去維園同愛字頭名正言順地表達下政見好過