101X早繁堅尼地城方向實際上能夠吸納到甚麼類型客源？

alsonchc 發表於 2015-12-20 23:36
1758坐641東行咁早  當然係好快....我經常往返中西區同藍田都係坐641,  
最快嗰次我計過
如果喺會議道尾 ...

唔出奇，我都試過年半前等成 30 分鐘都未有車，最後等左 45 分鐘。奈何去到新巴時段，根本九龍灣淨塞番出觀塘道都搞左陣，
兩巴又唔夠車去做 641，結果真係亂晒大籠，特別係新巴時段。

但好奇怪，641 因為會展站工程，其實菲林明道塞車情況無以前咁差。
結果近期 641 竟然多返唔少灣北客上番，仲要以前 641 下繁尾車，
過常去到灣碼係無人上車飛站，而家經常都有幾個客等佢。

dennis28a 發表於 2015-12-21 03:00
我可以切切實實答你，正常情況下一定無可能 101 快過 641 到紅隧口，單係平日下繁，柯布連道去巴路士街， ...

我試過有一次，坐 641，去到柯布連道過左架上緊客的 182，然後去到鴻興道天橋，見到果架 182 入緊隧道。
果次係坐 17:00 班次，仲要菲林明道唔係塞車，係轉入會議道先塞左兩個字，結果 17:49 去到裕民坊。

當然果次係灣碼總站未封。

事實係灣仔道慢但相對最穩陣，仲有內街客源保證，又可以幫 101 清客，641 行灣北就做唔到，而我唔認為灣仔內街唔需要一條快線。
灣仔北返觀塘，根本 101X 會議道加站就已經可以，東行規定行龍和道又可以避塞車，當然要起碼加多兩班車

而只要上到鵝頸橋，要入紅隧根本好快，因為有巴士專線；出隧道後仲可以靠右線飛燈避塞車，只要上到東九廊就係神仙，
相反如果行東隧去觀塘，下繁除左東廊東隧外，觀塘迴旋處根本唔係人咁品，分分鐘塞返去藍田站

101 慢，係因為出隧道後仲有一堆塞車位先出到觀塘

而你都好清楚，641 塞起上來，唔一定快過 619

我諗乘客需要的，除左快，仲有穩定…
根本下繁只係得將軍澳道以東南行東隧真係好過行紅隧，又有條現成而少客的 621，何不改 621 入境處走做晒藍田客，然後灣仔內街用紅隧特快解決？

dennis28a 發表於 2015-12-21 03:15
唔出奇，我都試過年半前等成 30 分鐘都未有車，最後等左 45 分鐘。奈何去到新巴時段，根本九龍灣淨塞番出 ...

有同路人反而我覺得唔係唔夠車 係兩巴唔想放資源落條線

又塞車 又載唔滿
放落601 619菲林明道個燈位外線可直去仲無咁塞
即使一樣咁塞 咪由佢塞
實班班爆晒過海 由其英皇道都有一大班客

好似版友提議 行灣仔道都係一個建議
就要放棄會議道十幾二十個獨市客
但計返應該仲有so

S3BL100 發表於 2015-12-21 04:35
我試過有一次，坐 641，去到柯布連道過左架上緊客的 182，然後去到鴻興道天橋，見到果架 182 入緊隧道。
...

拉埋621出灣北建議唔錯wor
而家條線下繁喺軒尼斯道真係吊緊命

但係我諗到....麗港城嗰條粉皮鄧x駿又會話無車由銅鑼灣返
學307咁喺維園兜返個小圈解決佢
我再大膽d 621行啟田道轉入觀繞落麗港城 擴闊藍田客源
即早繁有690 下繁就有621

621 641就似788 同789咁分家 救兩返條線

alsonchc 發表於 2015-12-21 10:16
拉埋621出灣北建議唔錯wor
而家條線下繁喺軒尼斯道真係吊緊命

銅鑼灣唔係問題，舊年 RDP 621+641 = 141 果陣一樣係飛銅鑼灣，灣北尾站，
而鄧生的反對理由並唔係唔做銅鑼灣，而係被兜啟麗九龍灣，反而如果係麗港城後行觀繞入啟麗，佢會收貨

跟 307 做銅鑼灣就免了，多行的路段都塞車
反而可以考慮回程加經上環，中上環一段改行電車路，而家 621 中環走線根本做唔到好多中環客

做啟田道亦免了，九巴應該唔會想城巴搶佢地 603 生意，
反而我覺得可以麗港城後經觀繞同將軍澳道上秀順或安達臣，擴大客源

621 改完後，其他觀塘區下繁特快就唔駛俾東隧綁死，我覺得可以變晒做 101P 119P 141 灣仔道紅隧東九廊走，尤其 119P 141 真係比而家對應路線快好多好多

S3BL100 發表於 2015-12-21 11:00
銅鑼灣唔係問題，舊年 RDP 621+641 = 141 果陣一樣係飛銅鑼灣，灣北尾站，
而鄧生的反對理由並唔係唔做銅 ...

真曬氣鄧XX........一條紅隧過海線去九龍東點麗港城完先去啟德!?621下繁而家咁既客量, cut你都正路啦! 仲同你補償

(sorry, 一諗起山頭主義我就火都黎)

其實你講話去程東隧回程紅隧都有根據~982X 182X就試緊玩哩D
但...回程班次不嬲唔睇好
唔相信182X會點好法............

仲有, 其實641都唔少藍田回程客
無埋621就無特快lu

S3BL100 發表於 2015-12-21 04:35
我試過有一次，坐 641，去到柯布連道過左架上緊客的 182，然後去到鴻興道天橋，見到果架 182 入緊隧道。
...

咁都只係一次，但正如我上文提過，1700 開果班 641，唔塞車夠膽死係 1720-25 左右係世貿落橋，仲要唔只一次，我係見過近百次咁既情況。
扣返 10 分鐘會議道浪費時間，結果係講緊 40 分鐘上環去到裕民坊。

反而灣仔道，你 5 點半前都仲叫好少少，5 點半後，我真係由柯布連道行去 288，去到大家樂仲見得番部 101。
灣仔道塞起上黎，無 20-30 分鐘都無可能係柯布連道排到上紅隧口，有次上 111 都搞左我 25 分鐘至肯入紅隧。

特別係連會議道塞車情況都有改善既時候，何必要令 641 脫班情況惡化？
點塞法，641 都唔會用超過 20-25 分鐘都未離開灣北，但行灣仔道最低消費 20-30 分鐘入紅隧，真係值嗎？

另外，我好清楚 641 點塞，係中環上車，都最少快 619 5－10 分鐘，只在乎值唔值得為左依幾分鐘而呆等 641。

咁641快過101入隧道就唔系好出奇ge，因為641又唔系跟原始版本的104(繞經灣碼版)咁樣遊花園，而灣北亦都沒104咁大客量(最初要分3個上客站)...

不過，果句囉，641唔系一條值得做好佢ge路線黎...

S3BL100 發表於 2015-12-21 11:00
銅鑼灣唔係問題，舊年 RDP 621+641 = 141 果陣一樣係飛銅鑼灣，灣北尾站，
而鄧生的反對理由並唔係唔做銅 ...

其實又係紅隧同東隧之間既老問題

應該咁講，紅隧快，並非因為紅隧唔塞車，而係因為紅隧有巴士專線
同樣道理，東隧慢，並非因為東隧塞車，而係因為東隧無巴士專線

我會覺得，要解決東隧塞車拖慢車程既情況，治本方法係劃條巴士線等眾東隧線可以打尖
否則係咁掟堆東隧線去紅隧都唔係辦法
尤其灣仔道入紅隧，巴士排隊既情況其實已經相當嚴重，每個鐘再多十幾二十班119P/101P/141並唔理想

dennis28a 發表於 2015-12-21 20:28
咁都只係一次，但正如我上文提過，1700 開果班 641，唔塞車夠膽死係 1720-25 左右係世貿落橋，仲要唔只一 ...

641，我依舊覺得加停金鐘，用373走線入東隧最理想
告士打道雖然一樣塞車，但車龍至少會蠕動，唔似菲林明道燈位般隨時停你半粒鐘完全零位移
如果要照顧軒尼詩道客，可以參考104/2，上軍器廠街天橋前兜一個圈