觀塘道交通嚴重擠塞（請利用鐵路服務來往東九龍地區）

回想起, 兩三年前某星期五亦都試過有壞車在偉業街近觀碼阻路, 導致東九龍交通癱瘓幾句鐘, 跟樓主貼出九巴的提示, 偉業街/敬業街和成業街一帶相當接近.
呢個位其實平日下繁都會塞車, 但唔係唔郁得嗰隻, 而今日係因為多車由敬業街等轉入成業街, 形成惡性循環, 偉業街和開源道被敬業街塞死, 成業街車輛走唔到, 有如單線行車的敬業街頂住其他車輛利用茶果嶺道或偉發道離開, 而開源道再將車龍擴散到觀塘道, 東.西行龍尾經常到九龍灣站和藍田站, 更甚好似今日咁黃大仙站, 觀碼迴旋處擠塞將偉業街西行車輛block死埋, 觀繞落橋位都有事, 造成癱瘓.

今日收工搭地鐵到觀塘站, 六點四個字觀塘站總站個個巴士站都排滿人, 東隧.將軍澳.藍田.秀茂坪無一倖免, 對出觀塘道東行靜到咩咁, 車流俾開源道block住, 得番隧道叫做有一線生機, 翠屏道馬路任人行, 搵架車都難.

S3N280_FX8032 發表於 2016-1-23 00:36
其實有冇辦法改善到觀塘區類似的嚴重塞車情況再出現，因為今日觀塘區嚴重塞車情況好跨張，平時如果塞車龍尾 ...

興建六號幹線 (藍田隧道及中九龍幹線)

EX-TL 發表於 2016-1-23 00:45
回想起, 兩三年前某星期五亦都試過有壞車在偉業街近觀碼阻路, 導致東九龍交通癱瘓幾句鐘, 跟樓主貼出九巴的 ...

昨日情況有Ｄ唔同

事源昨日1600左右有架私家車違法停係敬業街同興業街交界
有架貸櫃車由興業街左轉敬業街 被私家車阻礙無法轉灣..
搞果單都接近半粒鐘..

結果咁就搞死東九龍

nokia_hk_fans 發表於 2016-1-22 23:57
[中伏者第一身經歷]

由九龍灣站搭E22返麗港城，

你算好彩啦，我搭嗰架296C 1647東京街開(遲咗7分鐘！)，1729到啟業，之後開始塞，1741到九龍灣站，1746到牛下，1757到觀塘道休憩處，原封不動十幾分鐘，之後慢慢塞，1906先到觀塘市中心

不過有三十幾個乘客一路留守到尚德

kks 發表於 2016-1-22 22:09
另外今日到站時間系統出現了很多平時較少出現的訊息（見附圖）
不過唔係條條線都有，搵過好多東九龍線見到 ...

我想問下附有特別訊息的班次 實際行車次序究竟係點?
例如第一幅圖, 259D第一班車已經行車受阻, 但點解第二班車又可以3分鐘後到站?

同埋點解當日九龍灣站西行線都行車受阻?

JZ3968 發表於 2016-1-24 14:02
我想問下附有特別訊息的班次 實際行車次序究竟係點?
例如第一幅圖, 259D第一班車已經行車受阻, 但點解第 ...

都一樣係第一行係第一班即將到站巴士，第二行第二班，第三行第三班，如此類推
但相信因為係人手逐架逐架巴士熄 ETA 改為打 D 擠塞地點、「行車開始緩慢」字句入 ETA，未必班班車都打足晒（尤其當晚車務亂晒，亦有中途起載車）
第一架車應該係位處比第二架車更接近鑽石山站（例如在彩虹邨）

亦因如此
去到新屯門中心，到站巴士仲show緊「交通阻塞＠啟泰苑」，應該係唔記得取消番D特別字句

不過相信果晚負責管理 ETA 既人應該都已經盡力
始終幾百架巴士塞住車龍，好難逐架逐架改晒就真GE

gu9434@24 發表於 2016-1-23 18:58
昨日情況有Ｄ唔同

事源昨日1600左右有架私家車違法停係敬業街同興業街交界

補充下吧
果部是benz， 白炸見到冇拖走
部貨櫃頂死左，所以東九死左
今次差佬選擇性執法為主，
與首相什麼年尾提貨冇大關係，不要再亂放原因出來誤導年輕板友了

差佬選擇性執法，從容老闆車，迫害塭食車已不是新鮮事，
中環發生的，觀塘更嚴重，因觀塘大小都有，而且路又窄

只怪觀塘是建制派的地區
容許交委會那個洪廢物主政
3彩對外交通，九灣cancer 位，觀塘塞車，新清落山，冇一樣野搞得掂的