想問現時有冇廸士尼樂園員工使用R8返工放工?

現時地龍有提供廸士尼員工專用月票通，想問有冇返廸士尼樂園的員工仍會搭R8出入廸士尼樂園呢?

Thx!

住新界西的坐 E 車轉 R8 很正常。

新界東也是, 搭地龍是搵笨 (有職員優惠都係咁話).

都好多架，住屯門元朗天水圍搭巴士快好多

ryulky 發表於 2016-4-19 12:04
新界東也是, 搭地龍是搵笨 (有職員優惠都係咁話).

鍾意巴士就係搭返巴士姐
但職員月票真係平過哂巴士來回程總數wor
我識朋友住屯門在迪士尼做係用職員月票,因為平d

3AD110 發表於 2016-4-23 17:39
鍾意巴士就係搭返巴士姐
但職員月票真係平過哂巴士來回程總數wor
我識朋友住屯門在迪士尼做係用職員月票, ...

只可以講﹐返工坐車係有2類人的﹐一種係會(肯)用錢買時間﹐另一種以錢行先。

前者唔係講緊的士﹐而係有幾種交通選擇的情況下﹐會先選車程時間短的方法﹐只要價錢合理﹐稍貴都無問題。

後者﹐多數都係收入較低﹐一切以錢行先﹐多付時間都會接受。



我記得以前chech 過一次﹐即使近近地青衣﹐用員工月票都係平過巴士的﹐所以可以講一句﹐除非你住欣澳或轉其他車﹐員工月票講點都平過其他交通工具一大截﹐問題只是唔順路的地方(eg. 屯門﹐新界東, 北)肯唔肯付出更多的時間。


當然﹐我唔排除有人月票又有用﹐巴士又會坐。
返工要快&第一程去青馬有位坐而選擇巴士﹐放工唔需要急&青馬出市區無位坐選擇坐鐵。(或倒轉返工要可靠坐鐵﹐放工要快坐巴士)

kei_hk 發表於 2016-4-23 18:11
只可以講﹐返工坐車係有2類人的﹐一種係會(肯)用錢買時間﹐另一種以錢行先。

前者唔係講緊的士﹐而係有幾 ...

仲有一類係直程放工搭R33／ R42 走添

不過巴士最大缺點係R8要等成3／4個字

汀九橋 屯門公路成日塞 R8就拜拜唔等你

dogdog002 發表於 2016-4-24 11:49
仲有一類係直程放工搭R33／ R42 走添

不過巴士最大缺點係R8要等成3／4個字

不過 R33/42﹐唔係每位員工都夾到時間的。

如果夾到﹐一程車有位坐﹐唔計錢的問題﹐絕對係最佳選擇。

大把啦, 搭E34A去到青馬都有好多獨行人士落車行去排R8
反而遊客/一家大細會少