東大嶼及小蠔灣發展已有初步規劃

JCSCANIA 發表於 2016-5-20 10:39
當然唔會, 你唔明!!以前港英時代, 好多發展新機場, 荃灣,屯門,沙田,元朗,大埔,粉嶺,上水,將軍澳,北大嶼山, ...

香港人最大問題就係短視
話起呢樣嗰樣係大白象，對於自己嘅短視仲會感到自豪
甚至妄想一個發展都政治滲入

係咪唔發展、永遠固步自封就對香港好?

hk20020062 發表於 2016-5-27 21:45
香港人最大問題就係短視
話起呢樣嗰樣係大白象，對於自己嘅短視仲會感到自豪
甚至妄想一個發展都政治滲入

生活所有野都係政治

hk20020062 發表於 2016-5-27 21:35
發展唔一定有益，但唔發展就一定停滯不前

發展同向前是否有遞進關係?

eternalflame 發表於 2016-5-27 21:57
生活所有野都係政治

而家變了政治化為泛民派問題, 唔俾人人住公屋同居屋. 有關私人樓業主同泛民派好朋友..有人講呀!

cy係真係想發展, 給人人住.

hk20020062 發表於 2016-5-27 21:45
香港人最大問題就係短視
話起呢樣嗰樣係大白象，對於自己嘅短視仲會感到自豪
甚至妄想一個發展都政治滲入

係咪唔發展、永遠固步自封就對香港好?

你既理論，仍然停留喺上一代既「發展就是硬道理」思想……

咁講，發展唔係錯，但任何一個發展項目都應該切合社會實際需求同符合成本效益
如果無人買樓，你仍然走去起樓；唔塞車，你仍然決定起路；無人搭，你仍然築火車路軌
你只會徒浪費公共資源而無任何回報
內地好多城市過去十幾二十年正正係咁，為咗GDP，為咗面子，不斷去起樓修路築軌
結果要多二三線城市變咗有樓無人住、有路無車、有鐵路無人搭

內蒙古鄂爾多斯係一個極端例子
當地9成居民投資參與城市既基建發展，高樓大廈不斷起
但最後因為單位賣唔出，個城市變咗鬼城，而當地居民既血汗錢全部無晒
而居民放債投資既金額，高達4000億人民幣，造成嚴重既債務危機
可見過度、盲目、不設實際既發展，後果係可以非常可怕

當然，香港短期內應該唔會搞到咁嚴重
但近年港府為推動基建無所不用其極既態度同做法，我覺得開始過火
好多問題，包括高鐵既一地兩檢、三跑既空域，係完全無解決跡象
一個基建未計劃清楚就做，如果最後搞唔掂，只會徒浪費公帑而無成果

要記住，用公帑係有opportunity cost
現存或者計劃緊既幾項基建，動輒千億公帑，如果擺係其他地方，係可以帶來好大既效益
一千幾百億，講緊可以用來起近三十座科學園
用千億去起條路駁去澳門珠海，或者起條高鐵令香港人去廣州快十幾分鐘，根本就唔係最有效利用公帑既方法
政府資源非取之不盡
發展基建既同時，班高官都成日話唔夠錢做全民退休保障、唔夠錢保障醫療現有體系在未來繼續運作
現時政府既開支同發展模式，對香港人既生活質素係唔係真係有利，值得質疑

講真，沙中線一樣近八百億，但好少人鬧沙中線係大白象，最多問點解建築費會咁昂貴
可以話，好多反對高鐵、港珠澳大橋、三跑、東大嶼發展既人，唔係反對發展
而係希望個發展可以回應到市民需求

最後幾個問題想問你
發展為咗乜？
改善生活質素？吸引外來投資？
何為進步、對香港好？

如果單係以經濟角度去考慮
香港未來最大既危機，其實係2047之後既前途問題
講真，全球咁多國際企業選擇香港，而非上海或者其他內地城市，作為落腳點既原因
不外乎健全既法律體制、透明既政府架構、廉潔既社會、自由既經濟體系、言論自由，即香港所謂既核心價值
先不論政府或者建制派覺得點，事實係唔少人覺得上述咁多項核心價值喺過去幾年有明顯倒退
2047之後能否保持僅存既制度優勢，今日無人答到，政府亦缺乏討論
正正就係咁，香港既營商環境係存在非常大既不確定性
可惜政府非但無去解決此問題，反而將基建發展同香港既吸引力劃上等號，然後歸咎反對者唔顧香港長遠利益。悲哀。

以改善生活質素考量就更加顯出發展並唔係一定好
生活質素唔係單單以錢衡量，居住環境同work life balance都好重要
香港前幾年點解會喺宜居城市排名前列，好大程度上係因為市區同郊野只係一箭之遙，而郊外既環境保護得好好
可惜近期既發展基本上完全無尊重到環境保育
淨係發展大嶼山諮詢委員會話要填平石壁水塘就已經夠恐怖

要香港好，發展根本唔係硬道理
硬件配套一定要加埋經濟軟實力、環境保育，先可以改善香港整體既生活水平
如果為咗發展而所有其他嘢都唔顧，發展既社會成本效益又唔講，香港，死得

（多言了）

eternalflame 發表於 2016-5-27 21:57
生活所有野都係政治

生活都關政治事咪又係你班傻人搞出嚟
原本搵男女朋友有冇需要衡量埋對方係熱狗定藍絲? 結果一方唔鬧警察就反面
原本大家見工有冇需要封鎖自己個 FB 驚死獵頭 HR 睇到政治立場? 結果黃絲就驚到收埋晒成個 timeline
原本大家睇電視有冇需要分埋呢個係咪黃絲電視台? 結果節目悶到又跟亞視風都話好睇
搞到生活都係政治都係多得班你傻人以為自己好醒乜鬼狗屎垃圾都撈埋政治嚟講，以為自己真係政治家

大嶼山至港島新鐵路，走線太長，成本太高，而且經過嶼南保育區，建議改動如下：
第一期：興建港島西 - 交倚洲，隧道預留四軌行車
利用其中兩軌將港島線西延至交倚洲，令交倚洲可以直達港島核心區，其餘兩軌留待第三期使用。

第二期：興建交倚洲 - 竹篙灣鐵路，連接迪士尼線，迪士尼線按照當年計劃全線雙軌化，欣澳站向北擴建新月台
迪士尼線取消使用特色列車，改為通勤鐵路，由欣澳經迪士尼至交倚洲，配合欣澳發展。
東涌線乘客可於欣澳轉車到交倚洲並接駁港島線，為東涌新市鎮擴建後（東涌東、東涌西、小濠灣）分流部分東涌乘客往港島。

第三期：東涌線欣澳至小濠灣一段擴建至四軌，並新建支線由小濠灣至港珠澳口岸人工島
配合小濠灣及東涌持續發展，加上預期港珠澳大橋使用人次將慢慢增加，及交倚洲進一步發展，所以新增以下鐵路線：
港珠澳人工島 - 東涌東 - 小濠灣 - 欣澳 - 迪士尼 - 交倚洲 - 港島西區 - （連接北港島線）- 香港站 - 添馬 - 會展
此線將會取代欣澳至交倚洲之通勤鐵路線，另外為東涌提供另一條往港島之路線

第四期：港珠澳大橋人工島建雙軌鐵路至屯門碼頭，連接西鐵屯門碼頭延線
港珠澳人工島至會展線向北延長，經屯門碼頭連接西鐵線，經屯門、兆康、洪水橋、天水圍、元朗，再連接北環線至落馬洲
此線可以連接福田口岸、屯門、港珠澳大橋及迪士尼，並為屯門居民第供第二條往港島之鐵路線，及方便大西北居民來往交倚洲商貿區

以上工程可分期進行，第一期因要四軌應該最貴，但考慮到交倚洲係日後商貿核心區，及早起四軌比起日後加建更化算。

其他項目喺以原有設施上加建，而嶼山沿線有預留土地，所以問題較交倚洲 - 喜靈洲 - 梅窩 - 東涌走線簡單。

PB602 發表於 2016-5-31 21:46
大嶼山至港島新鐵路，走線太長，成本太高，而且經過嶼南保育區，建議改動如下：
第一期：興建港島西 - 交倚 ...

其實迪士尼綫升級為市區線後（即迪士尼綫延長至港島時），可否將其接入將軍澳線直通？

建設係好事，但社會資源有限。
與其浪費公帑實行全民退保，
又或者浪費金錢係唔係必需既交通基建上，
倒不如優先選擇與陸地相連既填海工程。


相比起東大嶼山，我認為更有成本效益既填海地點係昂船州西南海域。
先撇開保護海港條例既問題，昂船州既位置適中，距離九龍&大嶼山都唔係好遠，交通基建比較完善，
公路可以由竹高灣灣連接青沙公路，鐵路可以東延迪士尼線，接駁南昌站甚至進一步東延，
交通基建既耗費可以減少，更多資源可以留俾社區。

Hopuco 發表於 2016-6-4 14:45
建設係好事，但社會資源有限。
與其浪費公帑實行全民退保，
又或者浪費金錢係唔係必需既交通基建上，

昂船州西南海域我認為不適合
一來主要航道進出貨櫃碼頭
二來貨輪有嘈音同空氣污染問題
我認為最適合的係將軍澳灣可以再填