|
我有位網友分享以下真實故事，在其他討論區你可能會看過，但都請分享出去，希望更多人知道，不要受騙:
＝＝＝＝＝＝＝＝＝＝＝＝
其實網上真係好多人揾食，去年一只股就賺左幾十仡。
只嘢個莊揾班靚仔靚女去夜場網上識人，呢班人隨便一個group都有500人，有幾 十個group，為左網上識人呢d老千莊什麼區都入， 有組織咁入去金融，美容，時裝，汽車。。。先做個星級會員跟住一大班枚去捧，等d魚游埋黎，慢慢熟左就叫人聚會食飯，出黎果班個個身光頸靚，全部靚仔靚 女，約人去飲去食仲耐唔中請埋你，帶班網友周圍去投其所好，又帶你去d公司有乜discount，一來摸清你個底，有水就慢慢引你入局。
人性係個個貪便宜，跟住又成日曬買乜買物，好似好有咁，你好奇自然會問，咁就慢慢引 你入正題點解揾咁多錢，咪炒股囉，有貼士，開頭個個中，一個傳一個，跟住炒到飛天，班打手見到D有水嘅魚仲可以入埋錢同你一齊炒。 到你越炒越大，跟住就爆中嗮招，做金融真係好黑暗。 只嘢最低市值8000千萬炒到上200仡。
所以係網上大家唔好咁天真，依個世界冇咁多筍嘢無條件俾你執，冇人咁得閒日日係到寫自己做乜盤又日日贏幾多，唔好咁幼稚。 cont.
仲有你地要好留意自己個身份証copy,你知唔知係香港開無限公司，只要你將ID copy send 去稅局，有個回郵地址就開到，本人都唔洗出現，班老千有你張copy 就可以去幫你開家公司，你係完全唔知嘅，有間人頭公司就可以做好多嘢。
大家可以去稅務局查下，自己有無不知情下被人開了公司。
| 
