hkitalk.net 香港交通資訊網

 找回密碼
 會員申請加入


(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 [熱門] [精華] (B3)巴士攝影作品貼圖區 [熱門] [精華] (B3i)即拍即貼 -手機相&翻拍Mon相 (B4)兩岸三地巴士討論 [精華] (B5)外地巴士討論 [精華]

Advertisement


(B6)旅遊巴士及過境巴士 [精華] (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛 [精華]
(A6)相片及短片分享/攝影技術 (A10)香港地方討論 [精華] (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 [精華] (C3)海上交通及船隻 [精華] (D1)公共交通有關商品 [精華]   (Y)hkitalk.net會員福利部 (Z)站務資源中心
(R1)香港鐵路 [精華] (R2)香港電車 [精華] (R3)港外鐵路 [精華]   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表        
 

Advertisement

 

hkitalk.net 香港交通資訊網»論壇 (B) Bus 巴士討論區 香港巴士討論 (B2) 又一城地區只值有 203C+702?
開啟左側

[問題] 又一城地區只值有 203C+702?

  [複製鏈接]
GU9338 發表於 2016-6-28 14:34 | 顯示全部樓層 |閱讀模式

                                    Advertisement



http://www.hkitalk.net/HKiTalk2/ ... page%3D1&page=7
由呢個 post #64 忽發奇想

又一城人山人海既情況唔使多講 , 亦都有版友係附近兩間大學讀書
但係行窩打老道既新界東線通常都好少上落 , 而另一邊就只有 203C+702 , 而上落人數都唔多 , 即係往來交通幾乎俾鐵路壟斷

再諗深一層 , 新界東既朋友搭東鐵出入都合情合理 (方便過行出窩打老道) ,
但新界西搭地鐵其實係唔方便 , 甚至要再搭多程駁腳車去西鐵站先 ,
係呢個情況下 , 其實九巴係咪低估咗呢個地區 (大型商場 + 兩間大學) 既需求 ?

我個人覺得 , 拉一條旺角 X 線 (當然唔係 58X 59X 個類旺線) 由深水埗沿 702 條路入又一城 ,
定線唔會太慢之餘 , 又可以從地鐵手上吸到一定數量既長途客 (由巴士公司角度仲可以善用轉車站去唔同地區) , 何樂而不為 ?

唔知各位版友點睇 ?

評分

參與人數 1aPower +200 收起 理由
hkitalk.media + 200 hkitalk.net facebook專頁推介

查看全部評分

請用文明來說服我。
s031096 發表於 2016-6-28 15:07 | 顯示全部樓層
九巴連將208出尖咀行入BU停2個站都懶
都知佢唔志在啦
bjbus 發表於 2016-6-28 15:27 | 顯示全部樓層
提示: 作者被禁止或刪除 內容自動屏蔽
簽名被屏蔽
ckw7a5 發表於 2016-6-28 15:49 | 顯示全部樓層

                                    Advertisement



又一城全香港最方便果個鐵路站係正旁邊, 無乜理由去坐巴士吧?

點解唔做大學生生意?
好簡單, 坐鐵有半價, 有幾多城大學生有意慾去坐巴士?
至於浸大, 我行得去窩打老道上巴士, 不如行多半個街口去半價坐鐵, 就算坐25M/25MS/29A 再轉鐵, 都平過坐巴士, 有乜理由要坐巴士?

 樓主| GU9338 發表於 2016-6-28 15:57 | 顯示全部樓層
ckw7a5 發表於 2016-6-28 15:49
又一城全香港最方便果個鐵路站係正旁邊, 無乜理由去坐巴士吧?

點解唔做大學生生意?

半價係有好大吸引力 , 但唔等於巴士毫無吸引力 , 尤其係越遠既地方
就拎屯門做例子 , 半價後都盛惠 $10.1 , 而時間亦唔算吸引 (>45 分鐘) , 如果要轉多程輕鐵 / K 巴就更耐 ,

咁 $12.8 既巴士係咪真係完全唔夠打 ?
請用文明來說服我。
AVD1 發表於 2016-6-28 16:26 | 顯示全部樓層
本帖最後由 AVD1 於 2016-6-28 16:29 編輯

其實就唔係巴士夠唔夠打個問題,
而係九龍塘個港鐵站位太方便。

倒轉咁講,九龍塘有咩地方值得去又或者需要去?
1)九龍塘站轉車返大陸 - 咁坐港鐵得啦
2)兩間大學 - 大學生^有優惠加上港鐵站又起大學附近有正出入口,又係比港鐵食正
3)又一城 - 直情起港鐵站上面。

我個篇文係睇中又一城有位,
其實起個篇文入面,大部份板友一講南北分家旺角為界時就會諗起旺角東站甚至西面少少 o既大角咀兩個站,但既然向得西行點解唔考慮東面 o既又一城而已。

^ 我一直認為而家有個情況出現就係年輕人係唔識坐巴士,一講坐巴士就頭痛。又或者冇左港鐵係唔識出街 ……
十個入面肯定八個都話坐港鐵最快最方便(明明巴士係快過港鐵佢地都唔知,就算屋企樓下有條直達線去市區都會選擇坐接駁線去駁港鐵 - 總之起佢地個思想入面就係認定港鐵最快最方便)……
LJ7006 = MF5119 = AVD1
neoplan720p 發表於 2016-6-28 16:31 | 顯示全部樓層

                                    Advertisement



既然GU9338兄開左個新topic,咁就係呢到討論又一城啦。

無錯,又一城基本上巴士係無乜優勢,地鐵又有觀塘線,又有東鐵,仲要係正隔離,巴士係難鬥。

***********
但代唔代表又一城完全唔可以有另一條線?
又唔係。
既然新界西北未來個方向,應該係旺角分界(即太子至美孚一條;旺角至尖沙咀一條),而其中一個比較麻煩嘅問題就係太子至美孚果條線,如果唔想塞入旺角,但同時回程要做返太子(因為快線回程只做到旺角),就好難搵總站擺。

***********
既然係咁,拉一條去又一城 / 石峽尾,我覺得一啲都唔過份。
最好果條線係長沙灣道,同所有其他新界西北線做哂轉乘。
問題係,如果而家貿貿然拉一條線過去(唔好話58X、60X呢啲),就算係66X,大興嘅居民都會諗,究竟留架直達車去太子、旺角方便啲,定係犧牲小我,完成大我,將自己條線送出旺角,拉入九龍塘。

但可以幾肯定嘅,係香港人過度自私嘅山頭主義,一定會覺得留條旺角線俾自己用,好過益成個屯門有直車去九龍塘。

************
就咁睇,要拉現有嘅線去做(特別屯門果堆),真係比較難。
我反而建議43C重新全日(當然老九要肯先得),然後兩邊總站各自拉去長宏 / 長亨同埋又一城。
跟手42A九龍段就跟268X行,順手拉埋入老尖(車費問題要另議)。

好處:
1. 青衣南嘅人仍然有42A坐去太子(只限去程)、旺角,車程仲要短左。唯一擔心係車費問題。
2. 拎43C黎做又一城,咁佢係長沙灣道同其他線做轉乘,基本上補差價已經可以。如果拎屯門線去做,就要好似279X咁回水,比較麻煩。

壞處:
1. 如果43C回程照跟702咁行,即係太子 -> 青衣南會突然變左真空,變左要靠轉乘黎取代。但呢批客唔係小數目。
2. 如果43C回程跟104咁兜大圈,太子就做得返啦,但九龍塘真係變左擺車,完全無吸客作用。

評分

參與人數 1aPower +1 HugeC +3 收起 理由
GU9338 + 1 + 3 精闢見解

查看全部評分

古生死左,大家終於可以支持返青衣有合理既巴士服務啦。
 樓主| GU9338 發表於 2016-6-28 16:46 | 顯示全部樓層
AVD1 發表於 2016-6-28 16:26
其實就唔係巴士夠唔夠打個問題,
而係九龍塘個港鐵站位太方便。

你個擔憂 - 完全依賴鐵路不無道理 , 但又唔使太悲觀 ,
畢竟有好多人想有位坐想快 , 就會自己去搵其他門路。

係現實生活中我都識有半價既學生面對港鐵 vs 巴士 , 都會去搭巴士既 , 例如
- 柴灣 - 旺角 , 118 出晒名快過港鐵
- 油尖旺 - 馬鞍山 , 87D (可能懶得轉兩次車?)
- 屯門 - 市區 , 巴士為先 (當區學生好多都識搭巴士 , 可能因為西鐵半價完都同巴士差唔遠 + 轉車過份麻煩)
...

講返又一城個問題 ,
如果鐵路都好方便去到既地鐵站再開巴士線 , 當然係自己攞黎衰 (e.g. 796B) ,
但去到再遠既地方 (e.g. 屯元天) , 美孚轉車出名麻煩 , 會唔會已經唔同講法 ?
請用文明來說服我。
Haydn 發表於 2016-6-28 16:50 | 顯示全部樓層
GU9338 發表於 2016-6-28 16:46
你個擔憂 - 完全依賴鐵路不無道理 , 但又唔使太悲觀 ,
畢竟有好多人想有位坐想快 , 就會自己去搵其他門路 ...

小弟識人住屯元天又係city番學,佢地會搭火車係紅磡轉西鐵番屋企,
當然,經美孚既我都有聽過
GK3258 發表於 2016-6-28 16:59 | 顯示全部樓層

                                    Advertisement




巴士迷往往高估左巴士吸引力,而將所有鐵路長綫睇成巴士一定贏到相當客源。但事實並唔係咁。同鐵路重叠路線,不論長定短,絕大部份市民都已經刻住個鐵字,除非架鐵好唔就腳,否則甚至寧願轉車轉落去
橫看香港巴膠
您需要登錄後才可以回帖 登錄 | 會員申請加入

本版積分規則

Advertisement

Advertisement

Advertisement

Advertisement

Advertisement

站規|清理本站Cookies|hkitalk.net 香港交通資訊網

GMT+8, 2024-3-28 17:07

Powered by Discuz! X3.4

Copyright © 2001-2020, Tencent Cloud.

快速回復 返回頂部 返回列表