希望214落地後, 可以好似當年701咁大改道, 變成一條順路又做到新客源的路線.
就咁睇現時定線, 回程行荔枝角道的確兩頭唔到岸, 既對長沙灣道 青山道來講太遠, 而對將來起滿晒公屋的深旺道來講又係好難吸引人用.
既然係轉出去, 不如狠心一點, 回程興華街 興華街西出深旺道, 由碧海藍天掃到去南昌邨, 然後轉出北河街街市, 經南昌街上埋石硤尾 白田, 睇佢都係當214流水線用, 同702亦非正面對撼, $7.9有人當區內買菜返學線其實好好執.
對家條招標線796C因為西九有網絡, 可以用轉乘取代填海區一段, 減少跟自己友702重疊, 即使796C有特價$4.6, 走線差加上人流少, 冇人搭佢來回填海區與工廠區一帶好正常, 而2A美孚-荔枝角道一段就有唔少客, 不過只收$5.8, 唔夠和味.
長沙灣填海區暫時仲未有車去畢架山 豐力樓 橫頭磡 黃大仙 鑽石山 牛池灣 四順 秀茂坪 安達臣 藍田 油塘, 呢啲位完全獨市, 用另一啲路線去改唔係話咁易, 有新線開把握機會去做都講得通, 咁對填海區嚟講, 214 296C包晒成個九龍東咁滯, 佢地亦都應該感恩. 長遠計, 回程行深旺道的214會變成雙向有客, 何樂而不為, 點都好過行荔枝角道兩頭唔到岸, 冇地鐵又冇客的地方, 就算獨市都搵唔到人來搭.
另外, 嫌214慢, 就應該增設繁時特快班次, 不停黃大仙 橫頭磡 豐力樓 畢架山, 直接用龍悅道上落大埔道 欽州街, 既可保2B 2F地位, 亦對來回東西九的長途客有利, 而正線214在該特快班次服務時間內只維持有限度服務, 已經足夠. |
