九巴261P星期一至五調整頭班車開出時間

shakugan2005 發表於 2016-9-4 20:38
唔洗中型巴士, 就算雙層巴士/單層巴士點解一係九巴一係新城? 其他個個都旅遊巴? 頂多都係鐵巴接手當年堆 ...

世事唔係咁簡單, 當年巴士公司唔肯做, 小巴公司捱義氣, 15分一班車慢慢做, 由幾部車做到宜家120部車 (44,44A,44B,44B1,45 呢組路線, 係全港最多車o既一組路線)

到近年, 有聲音話唔夠載, 小巴公司當然想繼續加車, 運輸署當然想轉做巴士。 拎上會傾, 當事人預先同相熟議員打定招呼, 搵司機上去示威, 話攪罷駛，結果當然傾唔掂。另一方面, 問巴士公司肯唔肯開繁忙時間特車試水溫, 巴士公司又顧左顧右, 結果開唔成。

你可以話A巴士公司唔做搵B巴士公司做囉, 但要維持政府同巴士公司, 同埋巴士公司之間o既關係, 唔可以亂o黎。

曾經做過局中人, 會明白到每件事都會有好多唔同持分者o既聲音, 就算連o係巴士總站加個車長休息室都要過5關斬6將先成到事。而運輸署負責屯門區, 靠3對手睇晒全個區o既公共交通(包括巴士, 綠小, 非專) 真係好吃力。

LJ9994 發表於 2016-9-4 23:22
玩野咩大佬有276P唔搞
搞條天北線做咩
大纜都扯唔埋

276P拉唔到洪水橋尾站，要拉到條線洪水橋尾站上公路只可以261食261P或者拉天水圍線。

miklcct 發表於 2016-9-6 11:40
276P拉唔到洪水橋尾站，要拉到條線洪水橋尾站上公路只可以261食261P或者拉天水圍線。
...

點解洪福一定要尾站上公路，而家又唔夠客比你尾站上公路，有線做已經好滿足喇
68X/268X唔通又嘈唔係尾站上公路咩

sutrak 發表於 2016-9-6 11:03
世事唔係咁簡單, 當年巴士公司唔肯做, 小巴公司捱義氣, 15分一班車慢慢做, 由幾部車做到宜家120部車 (44, ...

無錯，就算開繁時特班都好困難就算唔頂閘，只係坐滿，一部巴士已經超過5部小巴載客量
如果九巴只係開兩個班次，已經KO十部小巴，班小巴佬仲唔發哂顛咩

sutrak 發表於 2016-9-6 11:03
世事唔係咁簡單, 當年巴士公司唔肯做, 小巴公司捱義氣, 15分一班車慢慢做, 由幾部車做到宜家120部車 (44, ...

但係68E, 68F, 6X等線未又唔係未開線都已經知肯定唔夠客都照開巴士線而唔係開小巴線; 係另一個方向睇, 睇下鐵路發展成點同埋個收費係點, 鐵路打通北區同元朗區而唔洗兜到去九龍轉線果陣, 上水往來屯門就真係小巴就夠做, 就算唔夠做都會被減班迫人就範

shakugan2005 發表於 2016-9-6 22:22
但係68E, 68F, 6X等線未又唔係未開線都已經知肯定唔夠客都照開巴士線而唔係開小巴線; 係另一個方向睇, 睇 ...

咁呢樣野你要問巴士公司。 相隔十幾年, 巴士公司管理層都換晒班, 取向都唔同。


但係要記住, 要成功開線, 係要經過好多層, 運輸署只係盡力做協調o既角色, 而用巴士去取代小巴, 要o既力度係要好大好大。


就算係乘客層面, 都好多人支持小巴多過巴士, 佢地會覺得小巴開到1/2分鐘一班, 但轉巴士就要10分鐘先一班, 小巴o既話已經到一半路程。
我好記得下繁o係紅橋, 當時D客已經等o左20-30分鐘, 但只係見到一部又一部o既滿載小巴, 我問佢地點解唔行去坐261, 佢地話如果上到小巴, 好快就到上水, 261太慢, 但問題係, 計埋等車時間, 其實261分分鐘仲快, 我唔明點解佢地日日都要賭一鋪。

sutrak 發表於 2016-9-7 10:40
咁呢樣野你要問巴士公司。 相隔十幾年, 巴士公司管理層都換晒班, 取向都唔同。

我係話點解唔一開線果陣就招標巴士線, 唔係話要大巴取代小巴, 係一開始就唔應該走個小巴出黎, 依家出左個小巴出黎先多左D既得利益者搞到要好大好大力度去執

至於乘客方面有陣時真係唔知D人諗咩, 唔止上水來回屯門啦, 好多情況都係, 行多幾步到總站未有位上, 但係都唔會行但又嫌分站冇位坐/上唔到車; 就算比你巴士同小巴一樣走線, 好似西貢一帶都係有一大班人照樣死等小巴, 更何況架261唔係跟B3X咁屯門公路直上, 班人就更加唔會搭, 其實計計埋埋係應該搭西鐵轉276A又快又平