請問當年城巴如果買密龍唔買黃老太會否好D

bjbus 發表於 2016-9-7 22:19
其實城巴可以買九巴退役雞堡，長都長蘭樣板同中巴的退役珍寶仲方便，
換埋副康偈就prefect
...

1. 九巴雞93年時仍未大批退役
2. 買一堆易生銹、個樣殘破不堪嘅Metsec寶返嚟，除咗倒自己米重有乜嘢用？
3. 珍寶換康偈(當你講緊LT10)？吉偈本身慳油易維修，換康偈做乜？重未計珍寶個波箱根本頂唔順一部咁高輸出嘅引擎

查實喺Atlantean之中，AN68(坡柴個型號名)已經比上一代PDR系列可靠好多。李日新都話過如果AN68可以配6LXB同Voith D851，就係嗰個年代最完美嘅車型

唔諗城巴買批熱狗返黎用佢幾耐先，城巴想買密龍，但有冇諗過九巴肯唔肯賣先？


俾我係九巴高層，當年又唔多夠車用，批車賣俾競爭對手，即係倒自己米咩。

九巴其實畫左圖紙準備將批密龍改返做冷龍，但要跟好多樣野，計埋成本不如買新車好過。如果批車係城巴手上，相信都唔會裝冷氣

stevensiu 發表於 2016-9-8 19:02
唔諗城巴買批熱狗返黎用佢幾耐先，城巴想買密龍，但有冇諗過九巴肯唔肯賣先？

竟然城記會經常翻身車隊,我想將密龍變冷龍機會也不少吧

當年城巴批車幾時要
九巴蜜龍又幾時出牌
九巴肯讓, 丹尼士又交到貨咩?
當年某D路線用到11米(最簡單例子98)?

當年密龍仲遲過城仔批2/3頭出牌, 你確定一批咁新的熱狗, 真係解決到問題?

仲有, 當年連自己2/3頭都有部分要九巴幫手裝車身, 就算俾你買到, 請問響邊裝車身?

EN1504-201 發表於 2016-9-7 23:39
1. 九巴雞93年時仍未大批退役
2. 買一堆易生銹、個樣殘破不堪嘅Metsec寶返嚟，除咗倒自己米重有乜嘢用？
...

其實理論上係改用到851, 黃老太我記憶中有OPTION用VOITH的。

不過先唔講城仔大方向係盡快全冷，冇人會蠢到為一款用三兩年嘅車抬波箱再申報改裝試車，更加唔好講當年根本唔會有100個多餘嘅VOITH D851出俾你咁易買到(因為當年冇乜用851的車退)。

仲有最大問題係 老九批寶, 係冇風油軑搞到工傷上法庭出哂名, 阿爺冇可唔知, 更加冇可能咁水魚的

stevensiu 發表於 2016-9-8 19:02
唔諗城巴買批熱狗返黎用佢幾耐先，城巴想買密龍，但有冇諗過九巴肯唔肯賣先？

其實九城應該點睇都唔係對手, 最少競爭程度都唔會夠中巴先。

城記接中巴線, 買一大批車交貨期搞唔掂, 老九有幫佢手裝車的。

tomchen 發表於 2016-9-7 19:27
邊度可以快速搵到一百部 metrobus 賣家？

其實問題反而唔大, 更大問題係, 就算俾你買到批MCW, 車齡同車的狀況, 隨時比批黃老太更大鑊...。

bjbus 發表於 2016-9-7 22:19
其實城巴可以買九巴退役雞堡，長都長蘭樣板同中巴的退役珍寶仲方便，
換埋副康偈就prefect
...

1. 老九批寶比中記批更唔掂, 雞又未打算退。

2. 當年中巴係冇可能賣車俾城巴。

3. 你估抬偈係砌積木? 仲要當年預買批熱狗玩兩三年, 你做?

HB00610 發表於 2016-9-9 02:34
其實九城應該點睇都唔係對手, 最少競爭程度都唔會夠中巴先。

城記接中巴線, 買一大批車交貨期搞唔掂, 老 ...

當時一定唔係競爭對手 (連中巴亦如是)﹐九巴係九龍+新界﹐城巴當時接了26條中巴線(如無記錯的話)﹐除了聯營過海線外﹐全部都是港島區﹐完全同九巴無衝突。

但係如果問今天是否競爭對手?
我會答一半半啦﹐最少政府再無限死地區性專營權﹐令到新城可以在九巴地區開新線﹐點都係競爭存在﹐但係殺傷力幾大﹐九巴自己才知。


講番當年 network 26﹐上面都有人提及﹐便是城巴除了買入一批2手車外﹐新的冷氣車都大手買入﹐當中都要九巴幫手去做裝嵌﹐講到尾都係錢的問題﹐同埋你唔幫手都會有人叫你盡量幫手(即係要比面去接單)。

可見當時城巴要車係幾急﹐如果唔係有星洲的2手車﹐相信城巴要周圍搵足夠的車都唔係一件易事。


實情當時城巴都係搵唔夠車用的﹐都要向KCR﹐嶼巴﹐以及一些旅遊巴公司去租車﹐以增加車源去營運﹐要新買的冷馬逐步投入服務﹐才慢慢退租用回自己的車。