其實九巴app無車唔該唔好倒數啦

Quanta 發表於 2016-10-8 20:04
樓主唔係講緊delay咁少事而係直頭無呢班車

呢個情況我都見過

我都試過吾止一次,  68E 30min 一班, 如果係冇車, 吾該九巴正確顯示, 我可以行出大馬路搭68M , 而吾係响度等多半粒鐘, 浪費乘客時間.

新顯示？

neosan 發表於 2016-10-14 18:52
新顯示？

舊顯示...

九巴套ETA仲有另一個問題就係計時間會越計越快,
就好似尋日星期六, 我睇224X, 下段頭班車係開15:00,
通常都要近一個鐘車程先返到啟業, 但ETA居然顯示15:29就會返到總站,
實在無咩可能, 結果又係不斷顯示到達/離開, 都唔知搞咩...

chamberlain 發表於 2016-10-12 18:20
我又真係未試過冇左班車咁誇張

無左班車即係假班次，班車根本無開，
通常都係因為站長無刪走預定但無開既班次，
個別總站開既路線問題係特別嚴重，例如將軍澳呢邊翠林同坑口北都係特別差，有時 95 會出現 20 分鐘總站開 3 班，都唔知邊班先係真有其車。

有時呢o的假班次o係後面分站o既到站時間會一直有「預定時間」幾隻字，
但多數情況都係無，直接放蕉皮。

九巴套 system 人手干預部分太多，
準確度的確唔太理想，但一般開左車既真班次報時都唔會太差，唯獨有個別路線同分站倒數時間係經常失誤。

3ASV174 發表於 2016-10-16 23:13
無左班車即係假班次，班車根本無開，
通常都係因為站長無刪走預定但無開既班次，
個別總站開既路線問題係 ...

真心想請教一下: 九巴套系統人手干預/操作主要係邊一個部分?

套系統實際營運上站長或其他員工需要做咩野先可以確保到站時間準確, 沒有出錯 (例如假班次, 班車根本無開)?

感覺上聯營線港島總站開出既班次, 班車開左幾分鐘 (甚至係半個鐘) 先出現到站時間呢個問題, 係因為要人手確認架車開始載客, 而唔係系統detect架車由總站/中途站開出就自動出到站時間...
有錯請指正.

九巴同新創建套系統分別主要喺邊?
新創建套系統人手操作是否較少?

Mueller 發表於 2016-10-17 01:07
真心想請教一下: 九巴套系統人手干預/操作主要係邊一個部分?

套系統實際營運上站長或其他員工需要做咩野 ...

最大問題係靠人手輸入開車時間，但開車之後明明收唔到 signal 都仲繼續倒數，
另一樣野就係疑似人手加既交通資訊，有時根本多到出唔到到站時間。

不過老九純 GPS 接收準確度真係差過新城好多，佢o的報站都仲要靠人手輔助轉，呢個時候即係話其實佢個 ETA 都係斷估，欖隧線慣性報錯時間可能係呢個原因，
唔似得新城可以仔細到連架巴士係去緊個站定埋緊個站都分得到。

3ASV174 發表於 2016-10-17 02:01
最大問題係靠人手輸入開車時間，但開車之後明明收唔到 signal 都仲繼續倒數，
另一樣野就係疑似人手加既 ...

我之前試過搭25A嘅單層youngman，用telargo報站機每當去到一個車站(i.e. 報站機出站牌logo)嘅時候，果個站嘅eta就唔會再出現呢班車嘅時間

即係話，telargo以里程計+GPS輔助去斷定架車是否到站呢件事，係十分準確
亦都令到ETA資料係比起九巴果種按照GPS位置去假設到達、到達/離開準確得多

p.s. 當晚搭另一架用LECIP嘅單層youngman@11，架車到站果陣ETA冇呢個反應

Ming@5119 發表於 2016-10-17 02:44
我之前試過搭25A嘅單層youngman，用telargo報站機每當去到一個車站(i.e. 報站機出站牌logo)嘅時候，果個 ...

城新其實一時時，每星期起碼有四個朝早喺百德新街等25A返學
十次裡面永遠有三四次係同九記預定班次個情況一樣
ETA時間到咗，班車原來冇開到
之後結果到再下一班車先真係有車

唔知係咩原因了

3ASV174 發表於 2016-10-17 02:01
最大問題係靠人手輸入開車時間，但開車之後明明收唔到 signal 都仲繼續倒數，
另一樣野就係疑似人手加既 ...

欖隊線慣性預計抵站時間通常離真實抵站時間相差幾遠? 係唔係永遠都係相差一個特定時間 (例如3分鐘)? 定還是每次相差唔同時間?

另問呢個情況係唔係只限出隧道之後嗰個站? 入隧道之前嗰個站會唔會出現呢個情況?
此問係因為隧道裡面無GPS訊號, 就算架巴士喺隧道停左唔行, 九巴ETA系統都應該會繼續倒數.

其他隧道巴士站, 例如三條過海隧道收費廣場北行站有無呢個問題?