[2016.09] 快運廣島 + 中場觀鳥

九月尾同屋企人搭快運去廣島（UO1822/UO1823），附上小小 Flight Report。
按時序，其實係「中場觀鳥」行先，真正飛行報告會稍後貼出。

第二次在 T2 check-in，第一次用 T2 的出境設施及第一次用中場客運廊。


乘搭 APM 往 T1 東翼，再過對面月台轉車往中場。




首次使用中場客運廊


先到閘口安頓




中場設有躺椅畀人睇飛機


我們的航機 B-LPG


然後開始睇飛機。話明中場，視野好廣闊，望兩邊跑道的降落及起飛都好清楚。
大樓南北兩端設有免費觀景台，但已淪為吸煙台，一般非專業拍攝在大樓內即可。
由於我班機的 205 閘在北段，所以我都只係在北段睇機，主要睇到降落及滑行。
照計在南端應該會見到南跑道起飛情境。

Jet Airways A330-200 VT-JWP


Jin Air B777-200ER HL7743 及 吉祥航空 A320 B-8338


快運 A320 B-LCF "Tebasaki" 手羽先


我唔等你喇國泰 (A330-300 B-LAO)


遠 zoom 港珠澳大橋


華航降落連環圖 (A330-300 B-18307)




遠 zoom 國泰 A350-900


Polar Air Cargo B747-8F


國泰新色 B777-300ER


剛降落的國泰 A330-300


真係有得觀鳥


快運 A320 B-LPF


Peach A320，可見中場頗多 LCC 使用


港龍 A321 B-HTK


港龍 A320 B-HSL


大韓 A330-300 HL7554


南非 A340-600 ZS-SNF


春秋航空 A320 B-8000


港龍舊色 A330-300 起飛


（待續）

以下係飛行報告。

去程
日期：2016年9月24日
航班：UO1822, 13:05 HKG - 17:30 HIJ
用機：A320 (B-LPG)

中場的新型閘口顯示屏


之前唔畀錢劃位，編位在機翼位置，幸好仍能在翼後望到下面。


以下兩張為等閂門時攝。

泰航 A330-300 HS-TBD


國泰 B747-400F(ER) B-LIC


過程非常順暢，13:05 關門離閘，13:23 07R 跑道起飛，無特別可記。

小蠔灣


愉景灣


迪士尼


未來人工島


餐牌


內容與訂票時有分別，但只影響回程。


我在訂票時買了點心 set，臨起飛前空姐親自到座位同我講話起飛後半個鐘派餐。
因為在起飛前三小時 check-in，有大把時間，我地早已在 T2 飲茶，訂這個點心只為試下。


唔錯，有四粒點心加一隻珍珠雞，一個人食絕對夠飽。我就同屋企人分。


珍珠雞都唔少野


本次航班座無虛席。B-LPG 係較舊的 174 座機，legroom 唔錯。


豆豆雲


起飛後大約三個鐘到達廣島。廣島機場建於山上，臨降落前周圍都好多山。


以為尚要下降之際，航機「突然」降落。
事後睇，10 跑道進場燈竟然是咁的：
https://goo.gl/maps/3C7iWTHnJyn

到着


回望客機


－－－－－－－－－－

在六日行程之後回港。

回程
日期：2016年9月29日
航班：UO1823, 18:45 HIJ - 21:30 HKG (Actual 19:02 - 21:22)
用機：A320 (B-LPB)

廣島機場國際線 check-in 櫃檯位於大樓西端


快運在日本的地勤都由 ANA 代辦。
手提行李限制為每人一個跟身袋及一件 7 kg 以下行李，
地勤要求我地秤一下裝住生果的手提袋，結果係 4.5 kg，無事通過。


有一班港龍在我地班機之前 20 分鐘出發，
但因港龍要起飛前 2 小時才開放櫃檯（快運則為起飛前 3 小時），
我地得以較早完成寄行李程序，可以坐下買下野。


非禁區的商店


廣島機場國際線只有 F 同 G 兩個閘口，當晚快運用 F，港龍用 G。


話說，我地班機係 18:45 起飛，由香港過來的航班預定於 17:55 到達。
但該航班在港出發延誤，應該到達時只在別府附近，即係回程航班都一定延誤。



航機大約於 18:23 才到埗。為盡早上機安頓行李，我地早已排隊，
睇住佢落客落行李再上新行李，結果架機大約 40 分鐘後已可離閘。


到了預定起飛時刻仍未開始上機


大約於 18:50 開始登機，出面落雨。


19:02 Push back，19:13 朝東於 10 跑道起飛，轉過幾個彎之後見到廣島市夜景。


今次我亦訂了餐，訂票時剛推出的「套餐」唔知係乜野，後來改餐牌，變成日式牛肉飯。正！


份量及味道都唔錯，叫套餐除了主菜之外尚有綠茶慕絲蛋糕及豆腐，重有一杯熱味噌湯。
我從來未試過搭飛機有熱味噌湯飲，呢個抵讚。


臨降落時見到大帽山山頂幾乎與機身在同一水平


雖然遲起飛，但仍能早於預定時間，21:18 於 25R 跑道降落。
然後滑行，過中場客運廊而不停。


最後於 21:22 泊 outer bay，搭巴士返大樓。
去程慢慢影飛機，回程快快返大樓，最正就係咁。
又再見到出發前影過的 B-LPF。


總結：
今次係我第二次搭快運，上次係 2015 年去東京，由於係凌晨去晚機返所以冇乜好影。
而家識得玩，預先訂餐貪佢有樽水，加上快運簡化了行李收費，
去程 20 kg 回程 30 kg 基本上係梗架喇，25/30 差 $5 梗係買盡佢啦。
呢次旅程撞正佢出多人同行優惠，四人以上機票六折，
我地平均計每人連稅只係 $16xx，我自己有加餐都只係 $17xx，抵到爛。
而家已養成長期客戶，reward-U 都登記埋，
三四個鐘頭機冇戲睇我冇乜所謂，飛機餐又可以自己畀錢買，
傳統公司座位越縮越窄幾乎衰過廉航，出年三月我可能又會搭快運去福岡架喇～　
You get what you paid far，今次我會畀 9/10。

（全文完，多謝點閱）

原來機上即場買餐價不需跟樽裝水，但網上預計必須加 $5 買水。

一月果陣小弟都去過廣島，因為岩岩開線冇耐又唔係旺季，回程機票連行李都係五百蚊有找，抵到爛
本身冇俾錢劃位，check in時要求地勤俾最後一排的座位我，都沒有問題
登機後先發現原來最後一排位只有我一個人

不過果次就差少少搞到全機乘客要滯留廣島一晚
原因係航班延誤，同埋全部乘客入晒橋之後先發現引擎故障要馬上維修
(我仲好記得部機係同樓主去程坐的一樣，因為聽到有乘客睇到部機有LPG字樣，就問飛機係咪用LPG做燃料)
由本來的1855變到2130，差半個鐘就會過左機場關閉時間冇得飛...
如果係某航的話，應該已經上左報


















另外，HIJ位於海拔較高的地區，長期都受大霧影響
前年就有部韓亞的A320在HIJ降落時因高度過低炒爛左ILS天線，搞到機場冇ILS用
之後幾個月都有唔少航班因天氣問題而需要取消，該A320亦同時報銷

https://en.wikipedia.org/wiki/Asiana_Airlines_Flight_162

OTIS401 發表於 2016-10-23 14:20
一月果陣小弟都去過廣島，因為岩岩開線冇耐又唔係旺季，回程機票連行李都係五百蚊有找，抵到爛
本身冇俾 ...

我想問「通過旅客搭乘券」係咩來？

直到現在，Google 衛星圖仍然見到隻韓亞 ：

幾個月前座 UO 去廣島來回都有預訂飛機餐, 四個人去平均每人 $1500, 飛機餐難食到, 真係貼錢買難受, 小弟出門少, HKE 係遇過史上最難食飛機餐.

我係吾介意上機比錢買野食, 座 LCC 佢地都要賺錢, 但真係比左錢, 諗住有廚叉飛日本 (沖繩外) 同級味道普通質素飛機餐, 但真係 Sorry.

空姐見我地好禮貌又好好傾, 來回程派完飛機餐都有比問卷我地填, 但又無比其它客.

下次座吾座 HKE, 又真係只會 Last Option, 怡家劃位行李加哂價, 飛機餐難食, d 人又吾買行李搏哂朦拎上機打爆行李架, 我地四個人夾埋只係搵一個位放個袋都難, 最攞命係時間表任佢改出發前二星期先 Confirm 作準, 我又要租車 Book 酒店要咁大 Risk, 以後情願一人比多幾舊等 JL NH 出特價飛, 一係座廚叉線, 一係吾去, 真係吾想座蝦蛟燒賣.

DIH 發表於 2016-10-23 14:33
我想問「通過旅客搭乘券」係咩來？

直到現在，Google 衛星圖仍然見到隻韓亞 ：

證明此乘客已經通過了登機閘口的檢查




當時開始登機後不久就爆鑊，但是已經有部分乘客在登機橋上
地勤便向所有已經通過閘口的乘客派發此膠牌，並讓他們回到候機室繼續等候
當重新開始登機時，持有此券的人便可以直接通過閘口，無需再出示登機證「過機」

tridents 發表於 2016-10-23 14:44
幾個月前座 UO 去廣島來回都有預訂飛機餐, 四個人去平均每人 $1500, 飛機餐難食到, 真係貼錢買難受, 小弟出 ...

行李架爆滿問題，在亞洲的廉航來說非常常見
尤其是日本航線，唔少人為左慳果幾百蚊托運費而博大霧，明知件行李超重都要帶上機，當啲規則冇到
唯一辦法就是盡早到登機閘口排隊