黃埔線與地面交通實時比拼

AVD1 發表於 2016-10-25 11:16
如果係祈徳尊個邊上車，根本一開始就應該揀坐西鐵線。
講真，30X 起西鐵線去到紅磡個陣就已經流失左唔少 ...

如果MTR可以分咁啲黃埔客落地底
出旺角或者都會搭30X

昨日傍晚都想搭,但一開ETA空白一片
都係行遠啲去荃灣西站算

phykk45 發表於 2016-10-25 11:23
西鐵唔到黃埔, 紅磡站行過去要15-20分鐘

咁仲有綠小 o既，
不過就算行過去 15-20 分鐘都好過起紅隧口塞 15-20 分鐘

phykk45 發表於 2016-10-25 11:10
我以前係船底返工, 在祈徳尊上車45分鐘到黃埔, 但放工最耐試過100分鐘先到荃灣, 所以放工搭港鐵好啲
...

行去眼鏡搭紅小啦, 唔使半個鐘就到千色店

kmb兄 發表於 2016-10-24 13:11
港鐵只係去到青衣機鐵站，對41影響近乎0

MTR 對41的影響(真係去青衣)﹐早在西鐵通紅磡已經發生啦。

黃埔去青衣﹐28分鐘。
紅磡去青衣﹐21分鐘。

當你2個站都唔近的情況下﹐2邊站都係相約的步行時間﹐紅磡站時間上會著數少少的。
但配合部$2機﹐黃埔站最終車費會平$1。

exspeed 發表於 2016-10-25 11:37
行去眼鏡搭紅小啦, 唔使半個鐘就到千色店

眼鏡果個位係要call車接客嘅，即係要等下一班先上到車，等車你預10-15分鐘
同埋正常20~30分鐘到葵涌廣場，30分到千色店我諗係加士居道唔塞車先得

exspeed 發表於 2016-10-25 11:37
行去眼鏡搭紅小啦, 唔使半個鐘就到千色店

其實紅小真係好睇你去荃灣邊忽，
假如講緊碼頭個邊，而你又起黃埔個頭，
沿住條行人天橋直上紅磡站坐西鐵真係一個唔錯 o既 choice。


不過當然如果你起紅磡廣場個邊，紅小真係走唔甩囉 ……

AVD1 發表於 2016-10-26 14:32
其實紅小真係好睇你去荃灣邊忽，
假如講緊碼頭個邊，而你又起黃埔個頭，
沿住條行人天橋直上紅磡站坐西鐵 ...

紅磡廣埸去紅磡站﹐你識的穿過家維村(彿光街角落燈位入﹐停車場出)﹐再穿出去直上天橋﹐急步行20分鐘係得的。

計起上來﹐時間都唔會差太遠﹐但肯定唔需要冒塞車風險。


註 : 太耐無在紅磡區浦頭﹐唔知而家紅VAN 班次密度。

kmb兄 發表於 2016-10-26 14:50
紅磡去沙田呢，幾多分鐘？
照你咁講85應該全部取消

上面針對鐵路與41的比較﹐會唔會因為地鐵通黃埔而吸納更多的客往返青衣至紅磡。


未有西鐵通紅磡﹐41有一定優勢﹐因為其他方法要轉車﹐只係41衰在車疏及旺角易受塞車影響。

去到西鐵通紅磡﹐當時都會有一批人都會按情況﹐改投西鐵 > 南昌>東涌線>青衣 這一條路。
那個時間﹐已經可以搶了41的一批客。

日常的通勤客﹐如果真係仲係想坐巴士﹐那時到現在都係坐緊41。
如果發現巴士唔夠鐵路快﹐又或者出美孚轉紅VAN 比較貴﹐鐵路會係更好選擇﹐當時已經改投鐵路﹐唔需要而家才轉投鐵路。


我唔會講黃埔站搶唔到41的客源﹐但未必係好明顯﹐殺傷力未必大。
因為多年前已經鐵路的選擇﹐當時來講鐵路與41比較﹐鐵路都有一定優勢﹐便是班次及行車時間可靠。

你可以講﹐青衣山上的人係要在青衣轉車才可坐MTR。但係加了黃埔站都唔會改變這一方面的問題﹐即係成個情況根本無大改變。
青衣山上人如果覺得MTR去紅磡區係比41(或美孚VAN) 更適合﹐在西鐵通紅磡年代﹐早已轉投西鐵﹐唔需要等而家通黃埔才去轉投MTR。

kei_hk 發表於 2016-10-26 14:53
紅磡廣埸去紅磡站﹐你識的穿過家維村(彿光街角落燈位入﹐停車場出)﹐再穿出去直上天橋﹐急步行20分鐘係得 ...

其實紅小始終都唔係巴士，堆司機係會識避塞車位，仲有佢地 o既技術
所以真係睇去荃灣邊頭，去千色店個邊，我都係建議紅小。