新巴702海麗邨方向搭回頭車問題

今日我在又一城總站搭海麗邨方向的702，去西九龍中心轉又一城方向的702去長沙灣站，以往海麗邨方向係可以搭反方向的車拍卡係唔會扣錢，不論邊個站上車都好。今日我再搭既時候，竟然扣我$3.7。我想問新巴係唔係改左一定要在海麗邨上回頭車先可以免費？還是車長校錯八達通？

如果按新巴網站資料
又一城回程班次
可以由怡靖苑開始上車

咁似乎係漏左轉方向

如果無記錯，要係半小時內再拍卡上車。

上水站長 發表於 2016-11-6 21:12
如果無記錯，要係半小時內再拍卡上車。

又一城去大南街應該唔駛30分

而根據新巴網，限時係45分

頭先打過新巴熱線，佢既答案係「原意比人去泓景臺，唔係比人去長沙灣站」。即係佢地改左程式一定要去海麗邨轉車。

win350 發表於 2016-11-7 08:16
頭先打過新巴熱線，佢既答案係「原意比人去泓景臺，唔係比人去長沙灣站」。即係佢地改左程式一定要去海麗邨 ...

講真，你咁坐法我都係第一次聽

win350 發表於 2016-11-7 08:16
頭先打過新巴熱線，佢既答案係「原意比人去泓景臺，唔係比人去長沙灣站」。即係佢地改左程式一定要去海麗邨 ...

官方答法一定係話要係指定地方轉，如果唔係指定地方轉，就算車長set 錯方向都無水回

要查證係咪加分段限轉乘地點，可以睇下車長八達通機寫有幾多個分段

好似好多年前都聽過相關問題，除左時限比正常既轉乘計劃少D時間之外，好似話海麗邨係一個「分段」，泓景臺又SET另一個分段。
尾車都專登要延長至泓景臺啦
板主嘈長沙灣站轉唔到去泓景臺就有得講，如果樓主咁樣轉都可以有優惠，好多人都會「無心地」享用了這個優惠，你認為SET機的人有冇諗過呢個「BUG」呢？

正如7,76乘客可唔可以香港仔上車，然後去石排灣買一買野，補番差額轉出去？

呢個問題問得出，你都幾冒險，好鍾意走「LA」

lsc04d11 發表於 2016-11-7 21:20
好似好多年前都聽過相關問題，除左時限比正常既轉乘計劃少D時間之外，好似話海麗邨係一個「分段」，泓景臺又SET另一個分段。
尾車都專登要延長至泓景臺啦
板主嘈長沙灣站轉唔到去泓景臺就有得講，如果樓主咁樣轉都可以有優惠，好多人都會「無心地」享用了這個優惠，你認為SET機的人有冇諗過呢個「BUG」呢？

正如7,76乘客可唔可以香港仔上車，然後去石排灣買一買野，補番差額轉出去？

呢個問題問得出，你都幾冒險，好鍾意走「LA」

我好希望樓主情況只係車長到又一城未轉方向開始回程……

有人話乘客轉乘走罅，呢個係巴士公司Set轉乘問題，
巴士公司無權控制乘客轉車期間行街買餸等等
（更何況今時今日要轉車十居其九係因為乘客配合巴士公司「重組」）；
想乘客唔轉車做其他事，唯一方法就唔好叫人轉車（例如開新線填補） 。

醒目坐702的話，富昌至嘉頓一帶去九龍塘方向唔好直接上車（車費$3.7），
而係過對面黃金至南昌站先坐海麗方向，再轉車返九龍塘（分段$3.3+轉乘$0.0）。
此優惠由第一日加$3.3分段開始已存在，亦有人用（包括自己）。

poohpter 發表於 2016-11-9 00:40
我好希望樓主情況只係車長到又一城未轉方向開始回程……

有人話乘客轉乘走罅，呢個係巴士公司Set轉乘問 ...

為左4毫子至少用多半粒鐘, 係唔係醒目就好難講

702呢個轉乘本身講明係俾四小龍果邊用, 代替總站搬左
你咁樣醒目地搭, 係總站上車, 算唔得上係走"罅"
但樓主個case係擺明走"罅", 因為佢連總站都冇去