九巴研發下層加裝屏幕實時顯示上層滿座情況

[tr][/tr]

九巴近年於全線落實手機App到站時間預報，改善有蓋巴士站加裝座椅，逐漸改變市民的乘車習慣。李澤昌透露，來年新車設有免費上網及手機充電服務，正研究在雙層巴士下層安裝顯示屏，實時顯示上層滿座情況，並擬在App引入方便視障人士查閱巴士到站時間功能，冀助乘客出行有預算之餘，也帶來新體驗，開拓客源。 市民坐巴士追求私人空間 李澤昌以九巴早前投得安達臣道發展區新路線為例，認為隨着未來多個新發展區落成入伙，尤其是新界西北人口持續增加，西鐵線日漸飽和，東鐵線未來每列車減至九卡，可見巴士線仍有擴展空間。他相信，開發「點對點」特快線，設立轉乘站轉駁模式，仍是巴士發展的大方向。 李澤昌預告，明年起新車將全數提供免費WiFi、USB充電，規格類似現時龍運新款豪華機場巴士。他強調，縱然面對路面擠塞、脫班加劇、聘請司機困難問題，亦要「急乘客所急」，最少讓外界見到九巴一直努力。 他笑言，留意到愈來愈多市民喜歡坐巴士，尤其是女士，追求乘車有多一點私人空間，可見鐵路雖然快，但並非想像中好， 「人在鐵路車廂內低着頭時，與在巴士望着車窗外風景時，思考的內容和感受也許會有不同」。 研下層屏幕顯示上層客量 九巴商務總監唐東明稱，實時報站功能（ETA）運作良好，能做到誤差正負一分鐘，技術團隊亦正研究在手機程式內，增設支援視障人士查閱下班車到站時間功能，讓科技協助弱勢社群出行。此外，團隊正研發新系統，在雙層巴士的下層位置加裝的屏幕實時顯示上層滿座情況，吸引乘客到上層不會擠在下層，減少浪費載客量，相信於紅隧口等短途客集中的大型車站更有效。 就過海路線將試行過海後分段收費減價，李澤昌對此反應正面，認為過海線於過海後的車站數目少過短途線，停站時同時上落客，不致顯著拖慢行車時間。 此外，九巴facebook專頁受到網民歡迎，讚好數目最近破三萬個like，比他上任前多出十倍，李澤昌稱，企業必須接受及好好運用社交媒體的力量，會繼續透過專頁加強與網民互動，除利用熱門社會話題推銷巴士路線或設施，亦可作為拆解「關公災難」（意指公關災難）的平台，如早前安排直播交代車門爆玻璃意外調查結果。 新聞連結 真係有用???紅隧線好多人都鍾意逼哂係下層

乜唔係試過有綠蛋係樓下裝mon顯示上層狀況被投訴侵犯私隱咩？
仲嚟？

btw 叉電位咪又係得坐窗口嗰個用到，無乜用

HT408 發表於 2016-11-15 23:24
乜唔係試過有綠蛋係樓下裝mon顯示上層狀況被投訴侵犯私隱咩？
仲嚟？

呢啲都係做下樣話自己有心改善服務啫。
不過有做下樣都起碼好過固步自封。
Ps龍運豪華度又跌番一個grade。

新創建2018年行ETA

九巴就話新車全部WIFI+叉電+上層預報

似乎九巴都唔想比新創建追平，亦都引入更多海外有香港無既野

都係個句，有咩高層就有咩服務

1999慎入。

其實外國嚟講，冇記錯新加坡係喺坐墊上加sensor？又或者好似手機咁嚟風口位加裝紅外線sensor都得？樓梯加sensor又如何？純ff。引申至第二個小問題就係，當上層最後一個人未坐低前sensor都仲會話上層有位，引一堆人上去，當然依家都有咁嘅情況。

至於usb，外國大把例子係裝椅背或者兩張凳中間伸枝usb棍出嚟。我關心嘅反而係月檢嘅師傅係咪要逐個窿check哂通唔通電先出得街，而由乘客角度嚟講，佢個窿壞左唔會特登記住佢坐邊個位再話比司機聽再攞去整，一個壞窿壞足三個禮拜係幾大影響。我明白有少少嘩眾取寵，香港人應該都未到一壞窿就投訴，但冧下去到每架車壞十個窿到(當然都有啲誇張，但以九巴嘅車隊規模，唔見得唔會發生)，問題就出現。簡單嘅保養問題，唔知有冇龍記維修部師兄可以講下，月檢有冇加check usb呢樣野？先謝。

利申：usb用過一次咁大把係work嘅，唔work嗰個係我隔離位。

HT408 發表於 2016-11-15 23:24
乜唔係試過有綠蛋係樓下裝mon顯示上層狀況被投訴侵犯私隱咩？
仲嚟？

只要用戲院方式顯示個座位有無人都得掛，當然用體溫同重量去作為感應單位，等人唔駛用行李去霸佔座位

又係嗰句，硬件得，軟件去到2046都唔得呢。
見過有位熱心車長喺置樂叫客上上層3,4次，仲大大聲話好多位，咁又點？
即係俾個顯示你，啲人唔肯去睇，睇左亦唔當一件事，可以點？

新加坡直比情係在ETA既介面入面show埋下班車有無位(多/小)坐/已經要企定係頂閘.

當然因為人地上下車都要拍8仔, 自然可以用real time data去數住車上既人數.

睇得出九巴有心用設備提升服務質素
如果全部新車加WiFi同充電又有人嘈佢用唔著寧願唔要

lsc04d11 發表於 2016-11-16 08:39
又係嗰句，硬件得，軟件去到2046都唔得呢。
見過有位熱心車長喺置樂叫客上上層3,4次，仲大大聲話好多位，咁 ...

其實最有效推人上到上層得車長，你叫佢上佢都唔上，你都仲可以威脅佢地唔上唔開車，但係街客或者站助叫，通常都無人理。所以有無個display根本無意義，純粹係你要就可以睇，但車長一樣要趕人上去。