九巴邀請供應商提供「客流統計系統」

九巴刊登 EOI 告示，邀請供應商提供「客流統計系統」。

以下是九巴對客流統計系統的功能要求：
- 計算巴士內乘客人數
- 計算巴士上層乘客人數，並於下層顯示
- 採用 3D 立體鏡頭技術或其他技術
- 準確度超過 90%
- 需於完成行程後自動 reset counter
- NTP 時間較正
- 能夠應付擁擠環境
- 與車門訊號配合計算
- 能於不穩定的網絡下運作，避免數據傳輸有問題
- 提供後台系統
- 免費為九巴提供測試
- 配備 3G/4G 功能
- 提供訓練及全日支援等

最近九巴搞咁多 IT 野，之前就 ETA、Wifi 呢 d 就方便乘客，
而家就搞統計系統 ……

呢幾年九巴野心真係越黎越大，係唔係睇準港鐵食唔哂堆客開始想搶返堆客返黎

AVD1 發表於 2016-11-18 15:27
最近九巴搞咁多 IT 野，之前就 ETA、Wifi 呢 d 就方便乘客，
而家就搞統計系統 ……

可能換左話事人(好似)﹐目光唔同左﹐識得利用資訊科技去提升整個營運效率。

今次個統計系統﹐最少會有3個用途。

1. 在ETA 系統顯示班車的當時載客量。

2. 上層剩餘座位數目。

3. 真係內部乘客統計。



首2項乘客直接得益。


但係第3項才是殺食之處。

當巴士公司全面掌握乘客的需求﹐知道那一個時間時段不同的客量﹐仲知道那一個車站上/落幾多人﹐便可以靠這些數據﹐去制定更理想的時間表﹐安排特別加班車。

同一時間﹐想一條線cut班甚至取消﹐更改路線(採取更直接的走法)﹐都可以靠這一堆數據﹐說服所有反對的人。

利用數據﹐達到巴士公司想做的計劃。



你話MTR客量太多﹐九巴要攻這市場﹐這樣我認同﹐不過都係要過政府一關﹐容許開新線才可以主攻。

單靠舊線去發圍﹐成效唔係太大。但可藉著乘客的上落車數據﹐睇下點去開一些特別線﹐加開特車去改善服務﹐慢性去搶MTR的客源。

若有數據做基礎, 更了解乘客需求. 可幫助優化巴士線 (特別在港鐵唔到的地方/ 轉多次港鐵線先到的地方)

如果想要更直接的乘客數據, (例如我坐948 + 788 返工, 有時會坐249M + 地鐵... ) 更需要取乘客的8仔記錄...
不過法律問題要Solve, 呢樣更加可怕, 相信冇咩人同意同意巴士公司咁樣做...

其實唔洗攞晒所有數據，淨係用八達通編號已經好有代表性，
如果攞唔到八達通編號，單單攞到轉乘記錄都已經好有用

唔知黎緊九巴會唔會宣傳佢地已經發展出 智能車務 系統？

ps. 可能未來載通國際會好似港鐵咁，專攻公共交通顧問市場
始終全世界都吹緊低碳環保風，公共交通市場有排搞

honwai1983 發表於 2016-12-10 11:53
若有數據做基礎, 更了解乘客需求. 可幫助優化巴士線 (特別在港鐵唔到的地方/ 轉多次港鐵線先到的地方)

如 ...

其實巴士公司而家都可以靠自己手上的交易紀錄(卡編號+路線及方向+交易時間)做分析﹐都可估到大既的客流量﹐有無潛在的客源可開拓。


簡單講﹐有你張卡早上948去香港﹐但係無回程﹐即係你早上返工坐巴士﹐放工用其他交通工具。
有你張卡早上248M去MTR車站﹐即係長享一帶的交通需求﹐唔係主要工商區域+MTR車站﹐可視為用其他交通工具。

如果針對性去做﹐睇一段時間及有多重乘車模式的乘客做分析﹐配合巴士的GPS定位(與相關交易的八達通機裝在那一部巴士資料做比較)﹐來回程的交易紀錄﹐更推算出他們的上落車位置﹐都可得出客源會係那一區去那一區。


當然﹐以你的情況來講﹐誤差率係好高﹐特別係948一程﹐原因係聯營線關係﹐唔可能問新巴取交易紀錄做分析。
但唔少路線﹐都可靠自己的交易紀錄做分析﹐而且準確度唔差的。特別係同一日來回程唔同的卡號﹐可以抽出來睇下是否有多路線選擇﹐同埋選擇的原因。


點去運用這些大數據去分析﹐絕對係一門高深的學問。
好多時係要針對不同的case去做分析﹐要 case by case去做﹐所以都要花好多時間處理。



純粹以卡號及相關交易紀錄作為分析數據﹐不牽涉私隱問題﹐亦無將交易紀錄與其他人分享﹐法律性問題好低。