賽果真係冇咩好討論, 除左睇平時嘅民意, 大台一早已經定好來年力棒邊個, 那人就會有好好嘅待遇, 2016年最明顯睇到女神級的李佳芯的上位, 刻意安排佢同兩大電視男演員廖啟智 方中信主演《律政強人》, 播映前的宣傳片段來來去去只得兩大男主角跟她三人, 好似成套劇得佢一個女角, 連受訪片段入面兩大男角都不留情面喺佢面前講TVB欽點Ali拍佢地, 佢地感受到好大壓力咁話, 直至部劇臨出街前的宣傳片段先見到另一女主角黃智雯的出現, 實在叫喜歡睇演技的觀眾為黃抱不平.
平心而論, 李佳芯的樣子的確可人, 至於演技呢, 個人只覺得佢識唸台詞, 可是連合格線都未到, 節奏 聲調 力度都未夠火候, 距離飛躍進步還有很大空間, 跟在大馬奪最佳男配角的楊明同類. 咁睇啦, 無綫一年三地搞頒獎典禮, 每個頒獎典禮都可以話唔同地方觀眾有唔同口味, 自然可以同一個獎分三次頒俾唔同藝員, 夠晒公平.
個人認為「飛躍進步女藝員」應該係大馬已經攞左嘅劉佩玥的囊中物, 全年由《實習天使》演到《幕後玩家》, 在角色上和演技上均有明顯的進步, 最重要係佢嘅進步唔止網民會討論, 連師奶同中年男士都會留意得到, 這才是有目共睹又實至名歸的飛躍進步.
《城寨英雄》和《EU超時任務》的搭檔王浩信 朱千雪奪獎係意料中事, 亦因為《城》氣勢太強, 高收視但各樣表現平均的《一屋老友記》全晚只得張頴康一人奪「飛躍進步男藝員」, 若非他在大馬奪獎時嚴肅發表愛的宣言, 以及他也有份演出《城》, 恐怕《一》連一個獎都沒有.
也相信, 張頴康在大馬的愛的宣言如此感動觀眾, 內部指定各得獎者上台一定要多謝屋企人支持, 可惜得獎者係咪個個都咁想多謝屋企人, 或者係有幾真心去多謝, 顯而易見, 最估唔到係連奪得最佳劇集的幕後人員可能一時醒唔起要多謝屋企人, 明知過鐘都要疊住DO姐把聲講要多謝個仔, 驚死被高層秋後算帳, 連同頒發最佳女配角, 司儀抽出馬國明 陳豪 張繼聰三人時, C君話個抽獎箱係「黑箱」, 之後三人講個人估計時口疾疾, 連宣讀得獎者都你推我讓, 唔敢講多半句嘅樣, 究竟大台背後俾左幾多壓力班藝員, 觀眾都睇到汗顏.
仲有, 唔少得頭半晚DO姐 農夫的無聊演繹, 間接同觀眾講今晚呢個真係show嚟. 每個獎宣佈得獎者後, 都影住佢地三個嘅反應, 我明你想以觀眾角度去同電視觀眾同步感受得獎喜悅, 但要得獎者配合佢地嘅演繹, 心裡所有喜悅都只能以演技配合, 最明顯例子有王浩信 朱千雪奪搭檔獎時, 竟要在離座後在鏡頭前停步微笑, 同埋陳展鵬 胡定欣奪歌曲獎時, 上台後停頓一段時間, 就係為左配合佢地三隻嘢的台詞和演技, 叫觀眾點樣投入頒獎典禮的緊張氣氛!
不過, 好戲還在後頭. 11點播嗰個賽後節目, 黎芷珊繼續發功問埋啲唔係呢個年代想知嘅嘢, 例如無論如何都要焗最佳男女主角咀嘴, 呢part擾攘嘅時間足夠去問多一位得獎者的感受, 在第二part想《城寨英雄》演員講呢部劇喺心目中之「最」, 男主持問完連隨捉住身邊的李嘉, 跟住係劉佩玥, 繼而問埋坐得最遠的吳家樂, 可是輪到芷珊問時, 只懂捉住四大主角, 身為得獎者的展鵬待袁偉豪講完即打斷芷珊, 將發言權交俾全劇的big boss歐瑞偉去講, 觀眾就知道他原來在劇中頂左好多苦處, 也無甚怨言.
誰知芷珊姐姐待歐講完感受後, 繼續發揮厚面皮攻勢追問主角, 老實講, 作為觀眾睇見你咁死lur班已經講左好多嘢嘅主角, 都睇得辛苦, 而且套劇有咁多人參與, 唔少都做得很亮眼, 竟然來來去去只識問主角問題, 難怪佢當年可以靠《最佳男主角》攞最佳節目主持, 因為響佢眼裡只得主角, 真係睇到人火都嚟!
咁樣質素嘅主持, 其實一早應該換走佢, 可惜佢背景非凡, 又有一班七八十後由兒童節目開始睇住佢成長, 情感上, 留低係好事, 惟願芷珊姐姐可以跟住時代走, 俾多啲唔同角度觀眾去認識多啲, 不要再局限觀眾的視野. |
歡迎各位版友討論或跟進TVB萬千星輝頒獎禮2016賽果
