港鐵鍾情強國制列車,貪平不理安全!?

kei_hk 發表於 2017-1-16 15:52
最可悲係某面書群組﹐一有大陸車的消息﹐自然有人post "中國的會...."。

但你在入面講 "中國車未爆﹐日 ...

其實有冇了解過點解的人會憎大陸野啫，就係一個國家連最基本嘅生活所需(如食物、奶粉)同大形基建(如房屋、天橋)都做唔好，你會指意該國生産嘅運輸設備會做得好?
就好似樓上所講西鐵單野，部車一岀事人地日本仔都即刻派人來跟進，並承諾會全綫列車更換有關設備，直到宜家都無事無干，可以睇得出日本仔嘅處事態度同講得出有毒氣不會傷害環境和人員嘅分別。你話宜家大陸車未爆過炸唔等於佢係安全囉。

053h4 發表於 2017-1-16 20:38
其實大陸食品安全係有問題但至於話大型基建有問題

好話唔好聽，大陸高鐵跑左咁多年，咁耐有一單溫州出現 ...

好搵唔搵走去搵溫洲單野嚟spin ?  諗清楚好wo
就係批死大陸野，係咁多

(唔好同我講咁把炮唔好用made in china嘅野，我從來都係講處事態度嘅問題)

Sienta 發表於 2017-1-16 19:57
其實有冇了解過點解的人會憎大陸野啫，就係一個國家連最基本嘅生活所需(如食物、奶粉)同大形基建(如房屋 ...

你要知道
IKK爆火牛果陣仲係KCR
KCR做野同MTR好唔同
畀着起移家嘅MTR出呢件咁嘅事我肯定MTR打死唔認話係舊牛嘅問題
會話係保養問題

你話KCR唔使畀錢換我就唔係好信
日本人好極最多畀平啲條數，睇你肯唔肯換
大嗱嗱幾百萬我會願意白蝕咩
同埋千九03年已經出左廠，話係日本佬嘅問題都好難信
小弟記得06 07年果陣香港落左好鬼多場大雨，仲要出左好幾次黑雨，果舊有油嘅火牛畀雷劈咁多次都唔爆好明顯唔關日本佬事

大陸貨真係未必差
小弟住嘅屋苑叫做有啲錢請公司做邨巴(其實咪又係每個月一人夾啲)
曾經有一段時間因為旅遊巴公司換左老世但份屋苑嘅合約未完(其實個新老世都唔想屋苑邨巴)，又要換車，就走左去買部大陸車頂住當先
部車出奇地好用(原本都諗住佢幾日跪一次)，又好力又唔成日壞，迫力皮仲要3年都唔使換，當然都有啲小毛病嘅(例如開工唔夠一個禮拜就斷左條冷氣皮帶…)

小弟手上仲用緊紅米機，三叔爆炸果陣我都未爆
咁人地黑心一件事，又唔見康師傅呀，美的呀，紅米呀果啲爆鑊？
喂唔好一竹篙打死一船人好喎

但都冇法
因為人地報紙雜誌只要大陸爆起鑊上嚟都串到大陸口吐白沫都繼續串
人地咩三叔呀，台灣爆鑊，你睇番啲人嘅反應，再對比大陸出事果陣
造成嘅風氣已經證明傳媒嘅效應幾大
就算果件野實際真係唔會出事，好似我手上用緊嘅紅米機，啲人都係會繼續串話留名爆炸

MTR就唔好攞嚟同親親大陸比
因為MTR移家都仲可以叫係一個政府部門(政府股份依然最大份)
做嘅野似政府都唔出奇

KMBAVC19 發表於 2017-1-16 21:24
你要知道
IKK爆火牛果陣仲係KCR
KCR做野同MTR好唔同

我冇一竹篙打沉一船人呀
我一竹篙打沉其他國家人知嘛
一個受毒霧嚴重污染嘅國家可以賴落煎炒煮炸到
你話部車有問題都可賴落人的因素到
佢所自煮燃發出產嘅野好極有限啦

你話傳媒好做作都係市埸需要啫，啲人鐘意睇冇計架
所以我都冇睇好耐

053h4 發表於 2017-1-16 21:30
JR西日本自己講福知山事故講足廿年講溫州唔正常？

係香港某間鐵路先下下有野都收收埋埋唔比人知咩事咁

你係咪搞錯重點呢? 我從來都係講緊處事態度問題，你就話大陸咁耐先得一單溫洲事故，用量化數據來spin
重要果單野事後處理完全失當，完全無助改變對大陸人處事印像

Sienta 發表於 2017-1-16 19:57
其實有冇了解過點解的人會憎大陸野啫，就係一個國家連最基本嘅生活所需(如食物、奶粉)同大形基建(如房屋 ...

如果係盲目去反﹐沒有理解過事件的事實﹐係最可悲的事。

日本車係爆過﹐唔通用admin權力去刪文﹐便是沒有發生過這件事?

這不是客觀持平的表現。


正如上面都有唔少例子﹐根本係同中國製列車毫無關係﹐只係巧合地中國列車經過。
在未知事發原因﹐甚至已經知道事發原因﹐証明係全是外在因素﹐都係要屈係中國車的問題﹐難道大家覺的無問題嗎?



MTR 自己訂中國車﹐自己講明由列車開始生產的一刻﹐已經派人睇實﹐如果真係出問題﹐車廠真係有責任。
但係﹐MTR自己都派人上去﹐這個人又做什麼﹐有沒有叫停車廠的錯誤及要求修正?  


其實﹐大家心知一個事實﹐根本成部車有唔少部件都唔係 MIC﹐而係聯合國生產﹐於中國做組裝。
當出問題之時﹐大家又有沒有考究過邊一方面出問題?



我自己不會概括去評論那一款車係好﹐邊一款車係差。
只會用相同的條件客觀去做比較﹐行係行車時車廂中國車會比英國車寧靜﹐車廂英國車比中國車好。

係要講 "黑心車"﹐請先提出資料理據﹐否則便是老屈﹐難以公平持平去睇每一件事。

KMBAVC19 發表於 2017-1-16 21:24
你要知道
IKK爆火牛果陣仲係KCR
KCR做野同MTR好唔同

爆牛係因為件貸出廠時已經有瑕疵

有好多嘢唔係行內人跟本唔知道，更加好難講好定壞，好似隔離巴士版咁，當大家可惜緊AP咁靚嘅德國貨都無得留低，
但又會有站友走出黎話部車『金玉其外敗絮其中』，
咁究竟佢係咪一部好車，定只不過曾經係一部好車，定一直都唔係好車呢？我就真係唔敢定斷啦~

我地哩啲好多都只不過係純粹愛好者，同真正用家/買家/維修人員嘅視野好唔同，
單單講列車底盤組件嘅排列、底盤剛性點樣影響營運情況，我地大部份人都唔知，
頂多留意到部分西鐵千九拆左動力卡裙腳，KCR第一卡D201唔過關......等等咁簡單
仲未計Tender裡面唔知有無開埋啲神奇要求
(例如：中國中車有無派員工長駐港鐵、港鐵有無要求中標車廠需要讓港鐵員工長駐監工、etc)
我地無睇過份Tender，亦無睇過bid果份tender喺點，其實好難講

假如中國中車開出嘅承諾係 結構保養十年，期內有壞以一換一，包送包換包247技術支援，句開放車廠讓港鐵員工長駐監工，仲要投個最低價俾你，你批唔批？
假如人地標書技術過關，又有保養承諾，仲要係最低價，你唔批，反而係違法，係咪？


咁當然，車廠員工嘅操守，又係間間廠都可以好參差，大陸員工唔跟SOP就係常見問題，
所以先要港鐵員工長駐監工

中國車，以重鐵計，作為唔係每日都撘嘅乘客，暫時算係不過不失，車靜冷氣足行車穩，係啲裝飾同配色差咁啲
無司機果條線，咪啲裝飾靚左，但配色差左
輕鐵極少撘無意見，高鐵同假千九就更加唔敢講啲乜嘢.....