重組通宵線網絡 II（新界東區）

其實九巴高層有講過話會著手改善深宵線服務，方便深夜要搭車既人

以呢個前提下

最大爭議只係，一晚拎多廿部車出黎玩化唔化算

不過對於大部份夜晚覺覺豬既香港人黎講，唔會明苦況

日頭一至兩個鐘車程，深夜衰起上黎變兩至三個鐘

N車本身已經疏，又比人話唔夠客就周圍兜
坐到佛誕都未落到車

kay 發表於 2017-2-8 07:03
其實九巴高層有講過話會著手改善深宵線服務，方便深夜要搭車既人

以呢個前提下

如果大家針對焦點係用車。如果我話成個Project，其實只需加４部車，我唸大家就唔會話嘈呢樣嘈嗰樣。
條數可以咁計：
N200只需用5部車，其餘由203C及208做柯打。堆柯打過2:00收工，然後搵N118, N171做多一轉柯打。埋到尾就有5部自己車行。(+5)
N214全程只需48分鐘，5部車攪掂。(+5)
N216可以由現時11部車，減6部車出黎，15分鐘一班時段用16或26做柯打又得。(-6)
N237應可加至20分鐘一班，加四部車就得。(+4)
N241可以由現時11部車，減3部車出黎，15分鐘一班時段用41A或42A做柯打又得。(-3)
N260，N269唔使加車；(-)
N73由10部車減至4部車，270S, T270柯打用270A及N273就得．(-6)
N271可以由現時10部車，減4部車出黎，15分鐘一班時段有271做柯打又得。(-4)
N273　30分鐘一班，因為柯打270S緣故，用5部車。(+5)
N280　20-25分鐘一班　用車都只係5部；20分鐘時段由281M及280X做柯打又得。(+5)
N281取消 (-9)
N283　20-25分鐘一班　用車都只係5部；20分鐘時段由281A做柯打又得。(+5)
N287　20-25分鐘一班　用車都只係5部；20分鐘時段由87D做柯打又得。(+5)
N293　提速減2部車 (-2)。

數字遊戲，視乎點玩，有心要做，巴士公司可以點做都得。25部車同4部車，並唔係一個問題，最重要係有能力編到更就得。

佢可以撥資源用７部車做條一定蝕死的N373，巴士數字鍾意點玩都得。

KC3555 發表於 2017-2-8 16:06
如果大家針對焦點係用車。如果我話成個Project，其實只需加４部車，我唸大家就唔會話嘈呢樣嘈嗰樣。
條數 ...

言下之意「柯打」就唔係用車唔係成本？
OK, 不過如果唔係有心轉移焦點既話，
應該留意到我唔係淨係提25架車既問題

PF2802 發表於 2017-2-8 22:38
言下之意「柯打」就唔係用車唔係成本？
OK, 不過如果唔係有心轉移焦點既話，
應該留意到我唔係淨係提25架 ...

九巴連N373都開個陣

樓主既建議，天馬行空極有限...

不過通宵線依然停留係班次疏、周圍兜既局面

係除左有好過無之外，有無更好空間發展？

唔通好似港島咁，咁細個地方，都要將N8一開3
N8/N8X聲稱聯合15分1班，到頭來係30分2班咁益咩

PF2802 發表於 2017-2-8 22:38
言下之意「柯打」就唔係用車唔係成本？
OK, 不過如果唔係有心轉移焦點既話，
應該留意到我唔係淨係提25架 ...

何解25架就一定回應你？根本我就無諗住回應你。因為我站的觀點係計較如何解決將有必要通宵性的乘客問題，我回應kay，係因為佢明白我寫呢一堆嘢嘅核心表達。依家幾乎所有通宵線都有日間線做柯打，再一絕可以取消所有N線字軌，全部由日間線做柯打都得，而且九巴都唔計一切柯打喺條線當係用車度。
你要堅持你嘅只有賺錢去做，老實講，所有通宵線根本不應該存在，無一條有賺。甚至陳祖澤所講６成蝕錢路線都取消哂吧。
仲有Ｄ非繁忙時間載空氣路線周街都係，叫哂佢哋取消非繁忙時間囉，巴士公司多謝你，政府多謝你，環保機構更多謝你。
因為根本你地位同我定位完全不同，而且現時有部分柯打都係載空氣，又係成本。
仲有，宜家通宵線，就算你哋話N260同N269出旺角好，基本上有一半乘客都係車長同廠務乘客。如果唔係N260當日唔使話Cut到半小時一班，但俾人叫停。

仲有我係除咗N216係會較以前慢５分鐘（要落車等）之外，其餘N241, N271, N281（取代品）全部都較以前快咗。況且，巴士喺彌敦道坐10分鐘-15分鐘，大家會意識到跟住跳車唔會訓，定係坐30-50分鐘唔湯唔水跳車轉車個人會辛苦D？
加上我目標唔係淨係旺角北行，而係新市鎮南行到其他地方返中班同早班嘅人，擴大網絡可以叫大家轉少程車。
其餘因素，的確係條線嘅責任，因為小巴想走多轉而擅自更改走線的緣故，就算個客反應唔切，責任絕對喺條線身上。

當然，最好梗係所有通宵線入哂尖沙咀唔使要N200最好，N237, N260, N269, N293, N73一眾路線通通入哂尖沙咀就最好添。但變咗埋站又多咗時間，到最後咪又係要加時去解決。

回應你到呢度為止，我無諗住要人認同我，只係我從很多人需要角度，我站在前往每個地方乘車介意程度去構思呢個網絡。

而家尖沙咀唔使轉車變左要轉車
先係問題既重點bo
N200就算一分鐘都好啦
下一程又係要等咁耐
點解要支持先?

KC3555 發表於 2017-2-9 00:11
何解25架就一定回應你？根本我就無諗住回應你。因為我站的觀點係計較如何解決將有必要通宵性的乘客問題， ...

其實你係覺得我既回應太無理定係垃圾得濟唔想理?
無諗住回應咁就唔好回應啦嘛, 我本身唔知你唔接受批評
如果你淨係鐘意睇D志同道合坐埋圍爐取暖既回應, 下次可以係內文寫埋啊
而家發難發悔氣有乜用啫, 我既回應都唔算唔係打橫黎下嘛?

我都講左如果你係用家角度當然合情合理呀, 作大D都仲得添
但係要面對實際情況囉, 唔係話咩通宵乘客幾淒涼就搞場大龍鳳,
巴士公司立場, 深宵無肉食開多班車都牙痛咁聲, 但係唔做又唔得,
所以先有270S, N283呢類產物服務需求比較大既時段,
而唔係開全晚線運空氣咁戇居

其實點解坐30-50分鐘再轉車係辛苦, 坐10-20分鐘轉車就唔辛苦?
點解要意識到跳車唔好訓呀? 我本來可以訓足全程喎,
人地本身可以一程車由尖沙咀去到新東九東喎,
條條線都快左, 就係得N216慢左,
沙田區內客又要轉車仲要話「轉乘也是好事」, 特別好恰?
按照「轉乘也是好事」, 其實而家個個都係靠轉乘
我呢D都係用家角度啦, 打劫人地, 「大家」可以轉少程車,
仲要係搞足四條線, 你呢D咩道理黎?
呢D所謂建議上到區議會都收你檔

N260, N269 延長旺角唔係我話既, 係閣下既建議
我只係表示不反對,
而家又話半車都係車長同廠務乘客, 是否自打咀巴?
假設延長既原意係想深入旺角吸客,
但係前文你已提及606S減左班,
我觀察之下尖沙咀滿足唔到606S, 旺角又有紅小車鏈
咁呢個建議又是否不恰當呢?

出建議除左用家立場亦應該要係營運商既立場作出考慮,
我夠知通宵搭車辛苦, 咁所以普遍通宵更人工都係高D囉
所謂很多人既角度, 其實佔社會好少部份,
唔好話我涼薄, 現實就係現實

其實N373開既原因真係路人皆見,
點解要咁天真用黎為自己辯護呢?