(A6)相片及短片分享/攝影技術討論
(A16)建築物機電裝置及設備 (A19)問路專區 (N)其他討論題目 (V)私家車,商用車,政府及特種車輛 (Y)hkitalk.net會員福利部 (Z)站務資源中心
(B0)香港巴士車務及車廂設備討論 (B1)香港巴士廣告消息討論 (B2)香港巴士討論 (B22)巴士迷交流天地 (B3)巴士多媒體分享區 (B13)巴士車輛相片庫 (B18)香港巴士路線相片集
(B4)兩岸三地巴士 (B5)外地巴士討論 (B6)旅遊巴士及過境巴士 (B7)巴士特別所見 (B71)焦點巴士動向 (B72)廣告巴士追蹤最前線 (B8)路線資料表擂台
(B9)巴士車隊資料庫 (B11)巴士精華區 (B15)舊掛牌資料庫 (B16)新加坡巴士 (O1)omsi討論區 (O2)omsi下載區 (O3)omsi教學及求助區
(F1)交通路線建議 (C2)航空 (C3)海上交通及船隻   (D1)公共交通有關商品 (D2)汽車及其他模型  
(M1)小型巴士綜合討論 (M2)小型巴士多媒體分享區 (M3)香港小型巴士字軌表   (R1)香港鐵路 (R2)香港電車 (R3)港外鐵路

 


 45 12345
發新話題
Share |


打印

基本識女仔技巧

基本識女仔技巧

呢度有好多板友都問,
要點先可以較易識女仔,
小弟有時間,
打少少心得啦。

1.被動係大忌
   小弟見好多板友都係被動,
   令結識過程困難重重。

2.要打開話題,
   係應該由身邊日常會發生既事講起
   (如:事業,學業,八掛野)
   之後慢慢講到共同有興趣話題,
   就可以有排傾,
   亦從而彼此認識更多。
   (傾計係結識任何人好重要一步!)

3.急進亦係大忌
   做任何野都要有先後次序及計劃。
   連朋友都未係,
   就想人地做女友,
   唔俾你嚇死就奇。

4.約女仔出街一定要早到
   就算你要等人都唔好要人地等你。
   要一個女仔呆呆等你,
   就算人地唔話你你都唔好意思。
   守時亦係做人美德。

5.交女朋友一定係發自內心
   唔好有玩玩下/搵水泡/騎牛搵馬心態,
   否則就算有拖拍都唔會長久。

6.遇到問題要忍讓
   要講道理,
   而唔係一開始就你惡哂。

7.顯出應有風度
   送人返屋企,
   永遠讓女仔行先,
   都係應有表現。

8.太自我係大忌
   如果只係成日顧住/諗住自己,
   唔理他人感受,
   就真係搵鬼要你啦。

小弟暫時諗度咁多,
非常歡迎接力及補充。#8)
亦歡迎討論#

TOP

9. 太冇主見亦係大忌
 唔好乜野都「是但」
 有d 女仔係唔鍾意男仔太過遷就佢r
 搞到佢好似好麻煩同好霸道咁
 而且咁樣亦缺乏男子氣慨
 俾到女仔既安全感欠奉
Abusing dead rule -> Denial of reality

TOP

Joe兄都講左唔少重點,
等小弟亦都獻醜講些少啦...

10. 唔好成日諗住、計住人地下一步會點樣,
     然後自己就要點樣做。
     女性都係人,而人唔係每時每刻都係只講理性而無感情的動物。
     只要一有感情呢樣野出現,就總會有些少偏差。
     有計劃係好,但係唔好俾計劃綁死自己。

11. 一開波識人唔好即刻諗住要追人。
     雖然有人係可以一識即追而又成功,
     但係人地得唔代表你得。
     想成功而又求穩陣的,
     最好就係多花少少時間了解一下對方,
     同埋唔係個個女仔都接受一開波就有猛烈攻勢,
     咁樣只會嚇走對方。
期待花開燦爛

TOP

繼續加...

12.如果成日亂諗野又係唔好,
    唔好郁D就要生要死,
    就算你為情自殺,
    都唔會有人可憐你。

13.唔好斤斤計較,
     我諗冇人鐘意俾人計住哂嘛。

我諗好多唔只係識女仔而有用,
而係做人都要既應有表現。

TOP

繼續講,板主不如加埋佢入精華啦....

14. 做人都要有一點幽默感。
     好多人都會話自己講得笑,
     但係真係俾人笑的時候又要接受唔到,攪到面黑黑。
     如果認真係唔玩得的,我寧願你話唔係好講得笑,
     千祈唔好打腫塊面充闊佬,
     到時有咩事真係自己搵來衰,
     仲要俾人背後講到面都黃呀....
     不論面對同性異性,
     呢樣野都千祈唔好犯,
     犯左真係幾乞人憎。

15.  仲有,如果你約女仔出街,
       第一次最好約一d唔會太過high,
       但係又可以俾到少少空間你兩個傾計的地方。
       例如話,千祈唔好諗住約去一餐六七百蚊的地方,
       反而如果你識得搵的,
       應該係搵d中價,環境唔好太嘈的地方,
       例如酒樓、茶餐廳、香港的麥記、KFC一類多細路的地方,
       就真係諗都唔好諗。

16. 細心,即使係有拖拍的人都要留意一下。(講緊自己)
      約會之前,最好check一下天氣,
      要帶傘子的,真係唔該記得帶,唔記得就好去買。
      如果平時唔係好多用傘子的,
      最好事前練習一下,以免篤親人地.....

17. 出街前亦請留意一下自己的衣著。
      不論你平時係唔係吊腳褲、個頭成個雀巢咁款(起身之後唔駛整已經係咁),
      如果你係約high地方的,如只接受formally dressed的地方,
      千祈咪走去著左返學果對黑皮鞋,
      仲要之前練幫對鞋上一上鞋油都慳返果種。
期待花開燦爛

TOP

我又搭咀:

18. 忌粗聲粗氣
     同女仔講野應該溫柔一點, 唔可以將平時對男仔o既大聲, 傭俗市井feel,
     粗口等等show出黎, 尤其係講粗口, 女仔唔鍾意聽到.
     粗口不離口, 就算唔係女仔睇, 其他人都會覺得你人格有問題.

16a. 引申下jason哥講o既細心. (多數人落雨就cancel唔去街啦掛~?)
       好簡單如袋一包紙巾出街.
       以前我都唔會拎紙巾出街, 諗住食飯就搏間餐廳派紙巾,
       冇o既就食飽入廁所洗洗咀.
       但係到有女仔問你要紙巾個時點算呢?
       就算你有袋住, 佢冇問你拎, 你都可以留意下佢幾時需要紙巾,
       佢自然會知道你細心.

[ Last edited by transbus on 2005-7-19 at 11:55 ]
無黨派市民

TOP


咁如果咁不幸地佢同你無乜所謂「共同興趣」咁又可以有乜解救?
多啦A夢

TOP

嘩...燦大佬,我幾時變左做呀哥輩ga?
我呢d small potato來的,
咁叫我唔慣ga...

落雨好多都唔會cancel ga...
反而要準備多些少野就真。
約左鬥車果日落雨,你都唔會容許對手話cancel啦,係咪?

準備定tissue呢個point真係好好,
好多男仔都未必會帶tissue出街,
但係女仔一出親街就要有呢樣野,
始終佢地一去親洗手間就一定用得著....


[ Last edited by 307 on 2005-7-20 at 00:49 ]
期待花開燦爛

TOP

引用:
fokck  在 19.7.2005 22:34 發表:

咁如果咁不幸地佢同你無乜所謂「共同興趣」咁又可以有乜解救?
咁呢樣野就好睇時間的。

如果係剛開波的時候,
其實可以多講一d唔同的話題,
例如可能今日講下你聽收音機、睇電視見到d乜,
睇下講邊一類野的時候可以打開到話匣子。
當然,同時間應該要留意一下對方講乜野多,
因為一個人多數都會講比較多自己喜歡的事物,
總無理由成日都要講埋d自己都唔鐘意ge事物呱。

但係如果過左一段時間之後,
呢個情況都仲出現的話,
咁看怕你都要駛出移船就磡、投其所好喇....
即係話,你唔單止要知道對方鐘意乜野,
仲好需要惡補一下有關對方鐘意的野的知識。
例如話,佢鐘意睇衫,
你都至少要知道有咩流行牌子、有咩類型的style...

記住,共同話題唔一定係要你兩個都一齊鐘意的野。
必要情況下,你係需要去遷就一下對方的。
期待花開燦爛

TOP

引用:
fokck  在 2005-7-19 06:34 AM 發表:


咁如果咁不幸地佢同你無乜所謂「共同興趣」咁又可以有乜解救?
有時搵野討論下係倩趣黎,
當然你要有理據支持論點,
但係當然係要理性啦。

我同女友都係無乜所謂「共同興趣」,
但係又可以拍咁耐拖,
可能係大家都覺得自然啦。

TOP

 45 12345
發新話題
Share |