epsilon 發表於 2017-2-21 13:49
宜家好「流行」一樣嘢，叫做上車盤。
問題係，買上車盤嘅人/家庭，財政能力其實唔算真係高。
市建局其實一直都唔收蚊地，
收得嘅所謂蚊地，收左都係要黎做保育
房署就更加唔會同你玩蚊地，
正常一棟公屋嘅用地，點都係大過私樓，
仲要係私人發展商可以同你玩奇則，幾百平分呎嘅地都可以開黎做地盤起樓，
房署就頂多劃做公園就算.....
另外，上車盤呎價分分鐘比大盤貴，
仲有幾隻叫 精品服務式住宅 同 Studio flat嘅單位賣緊，又係勁細但係又極貴，
做生意唔係開善堂，唔會理你經濟好唔好，樓貴但你5按6按跳樓都要買，發展商唔會唔賣俾你~
當年八萬五年代，屯元天、將軍奧 有人要嘅咩？
peterson 發表於 2017-2-21 15:57
市建局其實一直都唔收蚊地，
收得嘅所謂蚊地，收左都係要黎做保育
叫URA唔收購蚊型地/零碎地，我用到觀塘市中心呢種規模去做例外，即係話蚊型地/零碎地都根本唔細。
就算URA只交出一半蚊型地/零碎地，可起到公營房屋單位數量都已經好可觀。
同埋你睇睇最近北角、觀塘(南)等等OZP改劃嘅住宅地有幾大同畀邊個起樓，先講蚊型地唔起公屋。
居屋又普遍可以起得細座過公屋，市區重建地盤改起居屋唔見得唔可行。
本帖最後由 s3n370 於 2017-2-22 20:25 編輯
epsilon 發表於 2017-2-21 16:12
叫URA唔收購蚊型地/零碎地，我用到觀塘市中心呢種規模去做例外，即係話蚊型地/零碎地都根本唔細。
就算UR ...
問題係市建局收樓要用市價，
政府就算大把儲備又可以買到幾多？
就算做都係搵D未起過樓嘅新地皮，
或者係拎D低層社區設施大樓，改為綜合發展
點睇都可行過收市建局地盤咁玩
另外新建公屋同居屋係通用設計
唔存在居屋佔地細過公屋
S3BL470@98A 發表於 2017-2-21 21:07
屯元天，主要是窮人及低下階層的人。
而將軍澳，主要是中產及有錢人。
將軍澳flat我知有好多, house又有幾多?
屯門東南 青山灣 掃管笏 小欖, 元朗錦田 米埔 牛潭尾有好多house, 仲有有田有地嘅原居民, 你話呢堆人窮?
epsilon 發表於 2017-2-21 13:49
宜家好「流行」一樣嘢，叫做上車盤。
問題係，買上車盤嘅人/家庭，財政能力其實唔算真係高。
私樓新盤係咩"上車盤"丫，
政府同發展商响前面講漏佐"毫宅"兩個字咋嘛？
能力唔高但都夠嘅，正路點都係細舊平樓起步，
再一步步換大換新
新私樓响多數年代都唔係要黎上車
其實最有效短期解決樓價問題個人認為應該
1.向地產商徵收土地閒置稅,凡係投得土地後超過半年都無任何郁動,就必須徵收40%土地閒置稅
2.徵收物業增值稅,凡係賣樓賺既差價全部用作交稅,即係賣出樓價減當年買入樓價如果有賺,所有賺出來既錢全部用作交稅
如果咁做,就算政府賣唔賣和諧式公屋樓價都一定跌,就算真係賣,都唔會好似樓上所講出現天價公屋,因為就算轉手有錢賺,d錢全部用作交稅,根本上就一蚊都袋唔到
GF4070@49X 發表於 2017-3-6 01:09
其實最有效短期解決樓價問題個人認為應該
1.向地產商徵收土地閒置稅,凡係投得土地後超過半年都無任何郁動, ...
1. 香港啲地其實好少閒置，起完地基唔起做住暫時停車場反而多見
不過咁，只要發展商話地基有問題/更改樓宇設計/起完攞唔到入伙紙...一樣可以hold住棵樓唔賣/賣唔到
2. >2.徵收物業增值稅,凡係賣樓賺既差價全部用作交稅,即係賣出樓價減當年買入樓價如果有賺,所有賺出來既錢全部用作交稅
咁收物業增值稅，只會令到啲業主更加無可能買左會放返出黎！
咁想樓價跌都無可能~
peterson 發表於 2017-3-6 04:05
1. 香港啲地其實好少閒置，起完地基唔起做住暫時停車場反而多見
不過咁，只要發展商話地基有問題/更改樓 ...
小市民的建議未及周詳係可以理解，但政府的政策都係差不多層次先最大鑊
茲舉以下三例
1. 收緊大價樓按揭
表面上係想藉降低按揭成數，減低爆破風險。
同時細價樓無收得咁緊，減少對上車客影響
問題出在細換大難度增加，從換樓客放出黎的細價上車盤源減少佐
細價樓較寬鬆的按揭成數，亦變相鼓勵用家用買多個細單位去增加住用空間，
而唔係細換大，又係令上車盤源減少
2. 非首置雙倍/15%印花稅
表面上係寓禁於徵，減少買多個單位投資意欲
但投資客好快就用借名買樓呢招破解
更大鑊係令本身持有多個一個單位0既人士，
一賣即輸15%，更加楂實唔肯賣
3. 買一後賣N個單位不符退稅資格
其他辣招有無效，都仲可以話眾說紛紜
呢單野政府終極上訴成功，少有地全城嘩然
唔係唔尊重法庭裁決，而係法庭判決顯示佐政策條文同原意——令辣招唔會影響換樓客——不符
既然買一賣一可退稅，係想唔影響換樓客，
咁買一賣N，令市場多佐單位available，
個人認為唔單止應該退，係應該退多D去鼓勵賣樓
政府仍然唔去亡羊補牢，咁其實係想壓樓價，定係屈多幾銀？
本身全球QE令銀紙貶值，有能力都盡買資產
出咁多辣招唔知減到幾多需求，但二手供應減得仲顛
可供應貨源歸哂邊，大莊唔再舞高先奇