究竟而家巴士公司開新線用乜準則？
有啲路線只係同原有路線差一兩個站就要開做獨立路線，有啲基本已經「全面分拆」嘅路線實際上仍然只係原有路線嘅特別班。好似條373咁，嗰陣開啲乜978、978A同978B，諗住已經可以全面分拆嘅啦，大家根本上已經完全行唔同地方，正線行東隧分支行西隧，點知去到今時今日都重係373嘅特別班次。而268X全日咗已經喺九龍同68X關係唔大，都仍然重係68X嘅特別班次。最經典嘅例子莫過於265B嘅特別班次265S，正線去旺角，分支去大埔，都唔知邊條友咁都會批嘅。
相反，有啲路線明明同佢原本嘅路線服務範圍幾乎一致，只有一少段有分別，部分情況下甚至連服務時間都作出安排實施聯合班次，但係就屬不同路線。好似港島條學校線93同93A，兩者係獨立運作，40同40M亦都係獨立運作。其它類似例子有681同681P，甚至37B同37X。近年開辦嘅路線之中，有部份開之前我真係估唔到竟然唔係以特別班次嘅形式開辦，而係直接當新線咁開。當中觀塘條83A我點睇都覺得佢係83X，但點知原來開出來係獨立路線，有回程優惠嗰期搭83X去83A返係無優惠嘅。而978係373嘅特別班次，982X係182嘅特別班次，307C係307嘅特別班次，咁照推論諗住980X同981P都係當680（680X）同681P咁開，點知原來呢兩條係全新路線獨立運作。而家條47A重離奇，其實同佢前身47X除咗縮短咗個終點站之外重有乜分別？咁都可以當係全新獨立路線？
依家開新線最怕比人拎黎招標
九巴近年都中過唔少招:L
老實講呢堆線點獨立唔獨立除左巴迷同八折期間外真係who cares;P八折又係任佢group路線組，用車又唔係話獨立線無得互相拉，當然樓上咁講就真，管理上拆線插新旗就點都叫住分枝先，一有機會比佢獨立成線就點都變獨立嘛，如果唔係又比運吉拎去招標就陰公。
即管睇下運吉再下年RPP會唔會所有新線或分枝線都拎出黎招標（港島例外）;P
GK3258 發表於 2017-2-20 23:20
老實講呢堆線點獨立唔獨立除左巴迷同八折期間外真係who cares八折又係任佢group路線組，用車又唔係話獨立 ...
做統計嗰班人會care啦，計投訴數字會一齊計，計財政會一齊計。
miklcct 發表於 2017-2-20 23:41
做統計嗰班人會care啦，計投訴數字會一齊計，計財政會一齊計。
So what? 今時今日價錢又唔係同條線財務狀況掛鈎，即係唔可以獨立個別線加價，營運狀況又唔係同佢啲統計資料有關，巴士公司近來加減班根本同啲數字無乜關係，根本佢點計係對乘客0影響。
68X同268X點會關係唔大？
無68X繼續慢碌長沙灣道點造就到268X特快直出旺角？
頁:
[1]