10598C 發表於 2017-6-22 01:17
有版友講過 將軍澳係環狀發展 每個區都有一條線(A, C同D線) 所以將隧轉車站冇錯係對將軍澳客嚟講係比較雞 ...
係咪唔會有小巴停巴士轉乘站？
dennis28a 發表於 2017-6-22 02:07
參照返屯轉經驗，似乎九巴唔多再會搞 93U 依類物體出黎，
如果要搵地方掉頭，就更加唔會選擇藍田站去塞車 ...
其實我地忽略左一個好重要嘅地方係康城未來可能有唔少車會行將藍而唔會行將隧 相信到時候九巴將藍線唔會好多 最多得一條296D 相反新巴應該多唔少 例如796P好大機會行將藍 但係694綁住啟田又唔可以行將藍 換句話嚟講 到時候新巴係將隧使用率遠低於九巴 或者係話比較混亂 結局就好似而家老隧轉車站嘅798同682咁非常雞肋
至於九巴會唔會做U線 個人覺得係有機會架 睇下好似251A 251B咁 而落藍田站走線亦都可以好似跟13S咁行啟田道避塞車
至於上繁拆線 如果跟你咁拆 你尚德+寶琳係諗住好似而家三條邨巴線由尚德開之後沿寶順路直去景林再兜寶琳 定係好似296M咁果種先 因為兩者係唔同方向 而且如果係跟296M 到時候寶琳裡面嘅線又會逆走 如果要康翠寶琳線跟尚德寶琳線咁逆走 寶琳北路一帶嘅客又做唔到
其實好簡單一個問題 尚德班友根本唔會贊成你尚德開再都寶琳先出公路 因為而家佢地已經有三條邨巴線 除非係唔影響佢地車程情況底下延長(如296D改由山上開) 咁樣佢地都可能制
所以 其實尚德都係歷史遺留嘅爛攤子 因為根據尚德嘅道路網 其實佢地最好就係同將南先一齊做(例如將南假若所有線跟E22A行 尚德就會係尾站 如果係調景嶺站開就會係開出第二個站之類咁)
其實都係一個問題 似乎當初比新巴入將南係一個錯誤 而家兩巴之間唔設轉乘 雙方只顧自己插旗同搶客 結果不但冇改善居民交通 只令路面交通更加混亂 變相間接地將班客推落地鐵
li1872903 發表於 2017-6-22 06:42
係咪唔會有小巴停巴士轉乘站？
冇嘅 純粹FF 下 唔駛太認真
本帖最後由 li1872903 於 2017-6-22 09:31 編輯
10598C 發表於 2017-6-22 07:41
其實我地忽略左一個好重要嘅地方係康城未來可能有唔少車會行將藍而唔會行將隧 相信到時候九巴將藍線唔會 ...
點解起左將藍隧道就一定要搬走現有將軍澳隧道線，而唔係開新線？296d行將藍唔係比起行將隧仲兜遠左仲要做少左寶達同藍田班客，九巴會肯咩？
況且起好將藍隧道之後將隧塞車問題應該會大大改善，行將藍仲有咩優勢？
li1872903 發表於 2017-6-22 09:27
點解起左將藍隧道就一定要搬走現有將軍澳隧道線，而唔係開新線？296d行將藍唔係比起行將隧仲兜遠左仲要做 ...
拿 唔好搵交嗌 我話最多只有296D改經將藍目的係方便尚德客直去尖沙咀 我係冇考慮比寶達一帶落轉車站搭車嘅客 而且嚴格嚟講寶達客都可以落轉車站搭98D
而點解要改行將藍係因為疏導將隧擠迫問題 而且可以行更快嘅路去其他地方
至於開新線 都係果句 有冇資源？有冇需要？我話改行將藍 係果啲行將藍會快左嘅線 而所以攞296D做例子 但係都係果句 好大機會九巴唔會搵線去將藍 最多係去機隧嘅線 因為將藍落機隧好可能冇咁塞車