九巴 84 周年特約 (1) : 熊貓眼短龍城隧送別遊 - ADS196 (JA8776)
本帖最後由 ctb7k-pc6795 於 2017-4-21 11:34 編輯追開短龍或尾日車的朋友, 應該都會識熊貓眼短龍的源頭,
亦會知在歐二短龍中, 有少數係可以去哂九巴四大廠,
包括本文主角 ADS196 (JA8776), 佢同 ADS197 (JA9302)
可以話係同年同日生於沙田廠, 初期車頭車牌都是方形,
同車尾一樣 (好似新巴歐一二冷鷹咁),
亦一起轉Ｋ廠, Ｌ廠; 2008年轉Ｕ廠先去元朗天水圍區, 再去游走屯門上水 (261);
亦都一起回到沙田埋單 (後者退前北上, 之後再分享)......
講番 ADS196 (JA8776), 年鑑曾提到佢首航係做 284, 好快就轉廠;
架車最後載客一程俾左城隧線 46X, 果更下午只得一轉, 係終極一轉...
以前九巴之友的過檔車 HN9680 都在該單埋尾,
在此想分享下架車尾單.....
架車到站後, 我遇上了一位相熟行家, 佢之前坐左下午的一單
美孚落車後再影, 並跟我一起坐佢終極一單,
連車長都唔信架車第二日唔出......
我朋友話架車表現OK, 上斜也OK, 我起初半信伴疑,
因為在屯廠坐佢果陣, 上斜力水麻麻, 公路表現不算突出,
但其實架車出車率係見得人, 好過同佢走哂四廠的 JA9302.....
分享尾單前, 先貼上 JA8776 下午到美孚入站一刻, 內部,
同埋完成任務前在顯徑落客站短站停留的一刻, 下篇詳述架車表現....
本帖最後由 ctb7k-pc6795 於 2017-4-19 10:00 編輯
JA8776 準時六點開最後一單, 上斜叫做唔錯, 比想像中好好多,
一路都有漸進的加速力, 直到城隧轉車站先至打爆架車.....
在城隧, 架車轉眼就穿越兩個山洞落斜, 估唔到都無影響表現,
一樣的快, 難怪沙田大廠由屯廠重新接收8776之後,
都無俾架車北上, 有都係替車;
(之前果架表現更好的 JA799, 沙田總部都收番架車去掛 281M,
並在總廠路線埋尾, 到期日退....)
轉眼返到顯徑總站, 車長先泊在落客站坑,
除左巴迷外, 亦有位師奶在車前留影;
之後車長就把車子駛入46X 的站坑, 與前車並排,
亦開始拆牌, 同埋拍卡......
當右邊的掛牌車開走後, 我捉緊剎那的時刻, 影佢拆牌後的門位,
之後出站果陣影埋梯位, 架車就光榮地回廠
8776 命運同 799 一樣, 今次係因為到期日係假日,
假日夠車用, 唔出後備車....
分享完畢, 歡迎大家跟相~~
Goodbye and Thank you, JA8776!~~~
頁:
[1]