今年D公眾假期都好得人驚
本帖最後由 輝(1110) 於 2017-4-24 20:13 編輯如果大家有留意過2017年嘅日曆的話, 都會留意到今年夏天竟然會出現連續四個月無 (星期六以外) 嘅公眾假期, 個71回歸日又咁岩撞正星期六, 對好多五天嘅人黎講係 "名存實亡" , 跟住到10月尾重陽節又撞正星期六, 簡直驚人.{:2_34:}
唔知以前D年份又有無出現過呢D咁 "恐怖" 嘅假期組合呢?{:3_65:}
自己睇啦
http://www.yukz.com/calendar/calendarHK.html
https://zh.wikipedia.org/wiki/%E9%A6%99%E6%B8%AF%E7%AF%80%E6%97%A5%E8%88%87%E5%85%AC%E7%9C%BE%E5%81%87%E6%9C%9F
今年仲有一個惡劣情況，就係多達4個紅日星期六，
同今年類似既年份，最近係2006，都係5月端午，71星期六、10月中秋，但2006年好少少既係，當年「只有」3個紅日星期六。
離題一講，而家既假期，其實係好過97前，97前，每年既紅日星期六，係最少3日，最多6日；而家係最少1日，最多5日(但2046年前都唔會再有，之後唔知)。
尤其對中小學生黎講，而家既學校假期，係多過以前好多。
mckhgc 發表於 2017-4-28 20:47
尤其對中小學生黎講，而家既學校假期，係多過以前好多。
呢個我真係唔明
近三十年黎講, 中小學每年上課日都係200日左右, 點解依家會多左假期?
本帖最後由 mckhgc 於 2017-4-30 11:46 編輯
kiwai 發表於 2017-4-29 17:43
呢個我真係唔明
近三十年黎講, 中小學每年上課日都係200日左右, 點解依家會多左假期?
...
97前，有英女王壽辰(6月其中一個星期六，及其後的星期一)、重光紀念日(8月最後一個星期一，及前一個星期六)，各有2日、即共4日紅日，但當中有3日，係一定星期六及/或8月暑假中，有等如無。
97後，呢4個紅日取消，輾轉換成1999年至今的勞動節、佛誕、七一回歸、十一國慶。
表面上4換4冇加減，但新增既4日，都唔係一定星期六，亦唔會係暑假中，即係變相增加學校假期。
97前同而家既學校假期比較
4大長假(暑假、聖誕節、農曆新年、復活節)不變，散假明顯增加：
97前(當時有，而家冇既，紅色)：
中秋節翌日
重陽節
孫中山壽辰(非紅日，純學校假期，但唔一定放)
清明節
端午節
英女王壽辰
5或6日
而家(而家有，97前冇既，藍色)：
中秋節翌日
十一國慶
重陽節
清明節
勞動節
佛誕
端午節
七一回歸
教師發展日 X 3
(好似仲有幾日「學校自主假期」，但搵唔到詳細資料，姑且不計)
比起97前，減1或2日，加7日，總數11日
以下純個人經驗，只代表小弟母校，不代表全港：
小弟90年代英治時期讀中學，當年散假除以上5或6日，就只有1日家長日翌日，甚麼旅行翌日、運動會翌日，通通冇假，有時旅行、運動會甚至係星期六舉行，星期一都冇假。
而家上網睇母校校曆表，旅行翌日、運動會翌日、中六畢業禮翌日，通通放假1日，旅行仲要以前每年1次，而家上下學期各1次。
而4大長假也不見同昔日有分別，暑假也是7月中開始，另3長假也是各10日左右。
而家D學生成日怨多補課辛苦，又話以前冇咁辛苦，但平時既學校假期，而家又比以前多喎，而家所謂多補課，會唔會係補返平日多左既假期？
97年前都冇7，1，咁幾個月冇假都差唔多 DinoNam@FB 發表於 2017-4-29 23:09
97年前都冇7，1，咁幾個月冇假都差唔多
97前冇七一，但6月有英女王壽辰，8月有重光紀念日，分佈得較平均，但較多星期六紅日，而且有2日係8月，對學生係極搵笨
97年前，沒有勞動節、佛誕、七一、十一，其他紅日如下，97後取消的以紅色表示
元旦
農曆年初一至三
清明節
耶穌受難節、耶穌受難節翌日、復活節星期一
端午節
英女王壽辰(6月第2或第3個星期六，及其後的星期一)
重光紀念日(8月最後的星期一、及前一個星期六)
中秋節翌日
重陽節
聖誕節
聖誕節翌日
今年2017年，如果行97年前既紅日的話，就唔會6至9月都冇假，但星期六紅日，就會由4日變成5日：年初一、耶穌受難節翌日、英女王壽辰、重光紀念日、重陽節。
kiwai 發表於 2017-4-29 17:43
呢個我真係唔明
近三十年黎講, 中小學每年上課日都係200日左右, 點解依家會多左假期?
...
根據學校行政手冊：
全日制學校每年上課日數不應少於190日；半日制小學則應不少於209日。
九十年代大部份同學都係讀半日制，自然假期少一點吧！
本帖最後由 輝(1110) 於 2017-5-20 10:48 編輯
mckhgc 發表於 2017-4-28 20:47
但2006年好少少既係，當年「只有」3個紅日星期六。
岩岩上網爬過文, 發現2006年同今年一樣都有4個 "紅日星期六" 喎!:o
http://www.info.gov.hk/gia/general/200504/15/04150114.htm
農曆年初一之前一日 1月28日星期六
耶穌受難節翌日 4月15日星期六
香港特別行政區成立紀念日 7月1日 星期六
中秋節翌日 10月7日星期六
輝(1110) 發表於 2017-5-20 10:42
岩岩上網爬過文, 發現2006年同今年一樣都有4個 "紅日星期六" 喎!
http://www.info.gov.hk/gia/general/ ...
當年年初一撞星期日，根據當時公眾假期條例規定，年初一至三任何一日撞星期日，將以除夕補假，這點我忽略了，謝謝指正。
這種補假方式，如年初一撞星期日，即以星期六補假，一方面提倡五天工作，一方面以星期六補假，實在矛盾。
2010年，又出現同樣情況，當年煲呔在沙田年宵市場，被記者問及相關問題，政府先至肯改做年初四補，以免再有星期六補假既問題。
一直唔知係邊間傳媒機構邊位記者，呢位記者，實廣大五日或五日半打工仔之英雄也！
jessc 發表於 2017-5-18 21:20
根據學校行政手冊：
全日制學校每年上課日數不應少於190日；半日制小學則應不少於209日。
九十年代只係小學半日制，中學已是全面全日制。
半日制小學上課日較多，是因為半日制小學並非五天上課日，而是星期六長短週，即使平日下午校，遇長週星期六，下午校也是上午上課，對下午校學生來說，本身已不慣早起，亦會令星期五晚的時間非常緊逼，再遇寒冷天氣的話，絕對是一大酷刑。
半日制長短週下，比全日制的五天上課，前者每學年會多約20上課日，與學校行政手冊所指「全日制學校每年上課日數不應少於190日；半日制小學則應不少於209日」相若。
事實上，以同樣全日制、五天上課比較，一學年的假期，現在肯定比八九十年代英治時期多(上文已述)，近年常聞90後00後抱怨多補課，又指現在比以往辛苦，其實可能只是因平時假期比以往多，補課只是追回190上課日吧。
頁:
[1]
2