方國珊E22A康盈方向試入調景嶺站，網民鬧爆車縮水！
方國珊經常性為民攞資源，今次爭取係要E22A康盛方向入調景嶺站，佢話目的係減少日曬雨淋不過方小姐試車就用部12米，改路重要入咗12.8禁地彩明街。
如果真係改咁樣走線，真係唔知幾多人上唔到車要等多半個鐘。
其實所謂日曬雨淋，有幾多人真係喺呢個位等車番康盛？入彩明街已經俾新巴話阻住地球轉要唔經，方小姐你重要拉條線入去做乜？
其實唔入彩明街，直行停彩明苑站再經尚德迴旋處入返將中得唔得？
我諗方大姐所講嘅日曬雨淋係指班客落車之後, 到行入彩明苑同都會駅之間的步程, 而唔係有幾多人會響HKDI門口等車去康盛.
而我唔太認同呢個改道建議, 兜多左路就係為左班客唔駛日曬雨淋, 此風實在不可長, 容乜易以後全港所有路線都被要求兜到家門口, 浪費乘客寶貴時間.
要建議係咪應該先要求起有蓋行人路呢, 阿方大姐? 入彩明街唔係問題，到時A29P日日出65XX唔好投訴就得;P
不如早日爭取E綫有ETA好過啦
然後將廣寶盈又話日晒雨淋，就轉埋入將軍澳站；
跟住就到新寶城海悅豪園話日晒雨淋，又轉埋入坑口站；可能跟住富寧話行得遠，又兜兜過去；
然後就到新都城話落車要開遮，又轉埋入寶林總站，然後怡心園話不如你停返我門口啦，又話要 loop 多圈寶林，條線應該 180 分鐘都未行得完一單。
其實依家連頭班車 110 分鐘都成日行唔完一單，
係唔係仲下下經左你樓下都唔夠，一定要停到正門口？
淨係講將軍澳市中心, 將來要拉條線入去, 如果每個屋苑都要停正門口的話, 我睇佢到時幅地圖, 肯定畫到爛都未畫完. E22A仲唔夠長咩...
咁拉法天黑都未返到康盛啦:L
將南堆交通燈係完全唔順燈,由頭站開始係可以停足每盞燈到將廣尾站,每盞燈起碼停約1分鐘
而家仲要停多2盞燈,+埋多左o既路程,車程多約5-8分鐘,睇落唔多,但兜黎兜去感覺好暈,後勤區仲轉唔夠咩
搞搞下會唔會唔覺意咁兜埋去日出康城