[珍寶波子機- CAV波掣] 轉波手勢示範
本帖最後由 hkitalk.media 於 2017-5-22 17:44 編輯片段及介紹由板友DD2113提供
本帖最後由 hkitalk.media 於 2017-5-22 19:42 編輯
[珍寶波子機- CAV波掣] 轉波手勢示範
前言:
Daimler Fleetline 珍寶，GUY Arab 紅蕃頭等使用半自動波箱 [需用手控轉波，左腳無需踩離合器] 的巴士，至今已在香港街道上消失了二十年。
當現代巴士使用自動波箱後，新一代似乎對半自動波掣的認識有限，也不清楚操作技巧。
就等小弟示範一次吧。。。如有錯漏，請指教:
左手中指至尾指應放在波掣邊緣作支點，只用姆指操控"波子機"那粒圓球，就非常就手，順暢。
[注意:
只示範手勢，如真正駕駛巴士，不要在兩秒間轉晒四個波呢～
還有，在巴士上操作時，此波掣一般固定在軚盤下方左邊，不需要用右手扶穩，右手應該用來控制軚盤]
https://www.youtube.com/watch?v=oZ7CV9U0uA8
望落就梗係似灣岸，但如果真係揸住架打波子的巴士時，你好似灣岸咁操作的話，應該四條鈴的螺絲俾你挫斷晒，車上乘客亦會不適
正常係要在每次轉波時在空波停兩秒，將轉波的手勢放慢呼油，再入波
九巴曾經有試過有一批後期珍寶及丹拿F型一輛D600，中巴亦部份LF及SF2-31，以至城巴坡柴，以外置電腦模式將波子機變成全自動操作，但電腦不懂空波呼油的動作，變成轉波挫的現象，九巴有試過有架裝有轉波電腦的珍寶在站頭維修組檢查時，發現有8成車鈴螺絲被挫斷，所以後來九巴將全數自動變速的珍寶改回半自動操作，當然中巴及城巴裝有同款波箱的巴士，有部份是沿用自動波直至退役(應該SF3-31是改回半自動的)
gordon 發表於 2017-5-23 23:01
望落就梗係似灣岸，但如果真係揸住架打波子的巴士時，你好似灣岸咁操作的話，應該四條鈴的螺絲俾你挫斷晒， ...
冇錯, 所以說明 只示範手勢.
使用它來操控時, 當然要配合車速及路面環境, 唔可以太快轉波.
gordon 發表於 2017-5-23 23:01
望落就梗係似灣岸，但如果真係揸住架打波子的巴士時，你好似灣岸咁操作的話，應該四條鈴的螺絲俾你挫斷晒， ...
講起司機嘅轉波手勢，我今年喺英國都搭過幾部半自動波巴士，基本上可以分三種：
1. 多數都係正宗揸法，轉高波時首先入空波，同時鬆油門，兩秒左右（有時再等耐啲，視乎引擎轉數跌得夠低未）先至入下一個波，然後踩油門；拖波時先入空波等一等，再補一補油，然後入低波
https://www.youtube.com/watch?v=TGYAyLZ12Og
2. 少數係完全唔喺空波停留，直接將波棍推落下一格，亦唔用油門配合，每次轉波都會大力chok一下
https://www.youtube.com/watch?v=Mpf-04D0_Q8
3. 我最唔鍾意嘅揸法，就係轉高波時首先鬆油門，向前舂一下之後先入空波，然後亦都唔等太耐，波箱brake band未曾鬆晒，引擎轉數亦根本未跌得夠低，就已經入咗下一個波，於是又chok一下，真係......我寧願佢直接推落下一個波算數:L
https://www.youtube.com/watch?v=TmUSHw80Oxo
師兄所講嘅「呼油」，即係補油？應該淨係拖波時先至需要。
至於自動波，如果係拖波嘅話，就算係80年代嘅Hydracyclic+LVA45轉波電腦，都係每轉低一個波就會舂一下，特別係臨停定時轉返一波，因為佢拖波時唔會入空波同補油。
而加緊速嘅話呢，至少由70年代中開始，CAV同利蘭自已嘅轉波電腦都識得喺轉波前入空波同cut油門。除咗會冇咁chok，更重要嘅目的係減少波箱brake band嘅損耗，避免brake band喺踩緊油時咬合。
想問吓坡柴轉波似唔似佢？
https://www.youtube.com/watch?v=LLLO2vfaDs8
以我理解和以前觀察:
1 用手指公推圓波頂不太穏陣, 應該推圓波底接近桿的位置
2 一波轉二波其實唔駛靠左邊借力, 而且按圓波右邊向下推唔就力,
用掌心或兩三隻手指向下推就得
3 二波轉三波同樣唔駛靠左邊借力, 輕輕推一推去番空波就好易
入三波
咁同棍波有咩分別？唔洗用左腳踩極力子？ 本帖最後由 kei_hk 於 2017-5-26 22:08 編輯
HE7921 發表於 2017-5-26 21:11
咁同棍波有咩分別？唔洗用左腳踩極力子？
差不多等同現今車輛的自動波配 + - 波制﹐你想用邊個波便自己轉去﹐同一時間係不需要司機操作極力子﹐左腳會好得閒:lol
但係﹐同現今的自動波車唔同﹐現今所謂的 +-自動波車﹐其實都係全電腦運作﹐在合適的情況下按 + 或 - 才會手動轉到波﹐在唔合適的情況下﹐電腦會發揮保護作用唔執行司機的轉波指令或 在要轉波的情況下﹐司機都無做轉波﹐電腦都會幫你轉波的。
而珍寶這些車係半自動﹐除左唔需要用左腳去配合轉波之外﹐司機係要根據行車情況去轉用合適的波﹐再無其他設備幫司機轉波。
我聽個一個傳聞﹐便是城巴19號車皇﹐以前都係用類似的半自動波箱﹐某日行屯門公路時﹐司機入錯波﹐結果係成個波箱散晒報廢。
傳聞真定假﹐留待他人引證。
ricky619 發表於 2017-5-26 10:54
以我理解和以前觀察:
1 用手指公推圓波頂不太穏陣, 應該推圓波底接近桿的位置
記得以前細個﹐見司機都轉任何一個波都唔需要用力的﹐輕輕一撥便可﹐全部都好順的。
除左 R 波之外;P
頁:
[1]
2