G 蛇短龍尾日閒遊彩雲油旺 - ADS36 (GS5777) (14 Feb 2014)
本帖最後由 ctb7k-pc6795 於 2017-5-27 11:23 編輯今年一掃光的九巴短龍一路都係巴迷熱列討論的型號,
而家就回到過去, 貼番九廠3+2 次批短龍 最後服務...
本文主角 ADS36 (GS5777) 新出係荔廠, 曾經行走 105,
但好快轉去九廠長駐清水灣道一帶的 91M,
到91M 轉大車定轉金就轉掛7B, 唔少行家都話架車好力水....
一路行到 2014年情人節,最後一程被安排行走九龍中長途流水線 "10"做兩味車,
行到晚上八點多榮休.....
當日下午我在廣華醫院見到 GS5777 在對面線掛10號牌去大角咀方向,
就決定坐車去聖佐治大廈等, 由於有塞車, 我有足夠時間去迎接架車,
並趁佢埋站就留影, 難得車頭都算原裝, 有齊車廠車身廠的水牌,
車牌位都同新出一樣......
上左車, 車長似是不費力地輕踩油門驅動架車, 輕鬆地回到彩雲,
果陣開始天黑, 5777 小休之後就會再開終極的一單,
我就由頭坐佢到大角咀最後一站福全街就落車做最後留影,
剛岩紅燈, 我就影佢門位側面同尾, 結束這送別........
頁:
[1]