為何政府無意將葵涌/荃灣發展為商業核心區?
本帖最後由 bobbycheng 於 2017-6-4 15:25 編輯葵涌,荃灣一帶有眾多工廈
如果將舊式工廈拆卸興建商廈
可以學觀塘,九龍灣發展為商業區
但近年政府傾向將東大嶼山發展為第3個CBD
而非揀選葵涌,荃灣
點解政府無意將葵涌,荃灣發展為CBD?
收地麻煩
政府其實無係東九龍收地拆工廈重建,
只係將土地規劃改變,
所有重建都係發展商自行決定。
其實政府都有係荃葵改劃用途，
只係地產商睇唔到商機而冇大規模重建之嘛。
當年沙士過後，事實上有考慮過觀塘同荃灣二選一。
結果政府選擇觀塘，一來啟德發展，二來近東隧依個先天優勢。
所以樓主問題唔係錯，政府真係做過內部研究。
dennis28a 發表於 2017-6-5 00:46
當年沙士過後，事實上有考慮過觀塘同荃灣二選一。
結果政府選擇觀塘，一來啟德發展，二來近東隧依個先天優 ...
觀塘係近東隧不過葵涌/荃灣直上西九龍公路經西隧去中上環都唔見得耐
依家九龍灣/觀塘區內道路根本負荷唔到轉型
日日都打哂交叉又塞死咁滯
有時真係寧願唔起動好過...
JX9097 發表於 2017-6-5 12:42
觀塘係近東隧不過葵涌/荃灣直上西九龍公路經西隧去中上環都唔見得耐
依家九龍灣/觀塘區內道路根本負荷唔 ...
現時荃灣交通亦唔見得好。
睇下條楊屋道 + 德士古道一帶﹐貨車交收旺季/打風前後﹐足以影響到成個小區塞死晒。
之後警方做野﹐攪埋成條北橋﹐德士古道天橋﹐荃灣路繁忙及擠塞﹐影響埋其他區域。
只係﹐影響唔夠觀塘(東九龍)一帶勁。
幸好係有2條獨立鐵路線連接市區。
而東九方面﹐政府早已計劃建新路﹐駁通油麻地/佐敦一帶﹐只係唔知幾時真係動工。
JX9097 發表於 2017-6-5 12:42
觀塘係近東隧不過葵涌/荃灣直上西九龍公路經西隧去中上環都唔見得耐
依家九龍灣/觀塘區內道路根本負荷唔 ...
如果中環灣仔繞道同中九龍幹線起好，將來九龍東經西隧同東隧去中環時間係相約。
反之葵涌／荃灣只有西九龍走廊同三幹兩條路，以及得西隧叫做暢通。 本帖最後由 JX9097 於 2017-6-6 07:48 編輯
kei_hk 發表於 2017-6-5 14:00
現時荃灣交通亦唔見得好。
睇下條楊屋道 + 德士古道一帶﹐貨車交收旺季/打風前後﹐足以影響到成個小區塞 ...
新路都唔可以完全解決問題鐵路又唔見政府plan
即使起條東九龍線,都淨係駁落去鑽石山
結果都係繼續塞爆觀塘線
若果好似上次咁樂富一段停電一樣死得
個人希望東九龍線可以有遠見少少
寶林<>康翠<>寶達<>中秀<>順天<>順利<>彩雲<>鑽石山<>九龍城/東頭<>九龍醫院<>旺角<>南昌
公司老闆鐘意九龍東可能同望到維港有關 :D 仲有地理上近港島
港島依家由西灣河/太古去到上環都有唔少政府機構/OFFICE 好難再搞
政府要做GE 就係盡快起中九龍幹線 加 沙中線如期完成
黃埔過海因為成本太貴未必起得成
頁:
[1]