大家鍾意林夕定係黃偉文??
當然...我係指佢哋嘅詞啦;P我個人比較上鍾意Wyman d詞多過夕爺...
因為Wyman雖然唔係讀中文出身
但係佢呢十年填詞技巧真係好咗好多
由最初期《你沒有好結果》、《活得比你好》
到近期《浮誇》、《葡萄成熟時》等等
好明顯見到佢功力比以前真係好咗
就攞《浮誇》同《葡萄成熟時》為例
《浮誇》一開始就係講出一個人完全唔起眼,冇人留意到佢嘅存在
「有人問我 我就會講 但是無人來
我期待 到無奈 有話要講 得不到裝載
我的心情猶像樽蓋 等被揭開 咀巴卻在養青苔
人潮內 愈文靜 愈變得 不受理睬」
跟住就講出呢個人點樣引起大眾注意...
「自己要攪出意外 像突然地高歌
任何地方也像開四面台
著最閃的衫 扮十分感慨
有人來拍照要記住插袋」
副歌就講明我係浮誇,但之所以做咁多嘢出嚟
都只係想引起大眾注意吓佢嘅存在:
「你當我是浮誇吧 誇張只因我很怕
似木頭 似石頭 的話 得到注意嗎
其實怕被忘記 至放大來演吧
很不安 怎去優雅
世上還讚頌沉默嗎 不夠爆炸
怎麼有話題 讓我誇 做大娛樂家」
第二段就講起呢個人小時候點樣不受注視
令到佢認為要做得浮誇先會得到人家注意到佢r
「那年十八 母校舞會 站著如嘍羅
那時候 我含淚發誓各位 必須看到我
在世間 平凡又普通的路太多
屋你住哪一座
情愛中 工作中 受過的忽視太多
自尊已飽經跌墮」
跟住自己仲發出不滿
點解力撐自己係冇問題~
「搏人們看著我 算病態麼」
「幸運兒並不多 若然未當過就知我為何
用十倍苦心 做突出一個
正常人夠我富議論性麼」
最後一段副歌仲以控訴形式...
依家夠唔夠浮誇呢?
大眾注意到我未?
「我舊時似未存在嗎 加重注碼
青筋也現形 話我知 現在存在嗎」
臨尾用呢兩句做總結:
「我非你杯茶 也可盡情地喝吧
別遺忘有人在 為你聲沙」
到最後...依然要大家唔好遺忘我嘅存在...
《葡萄成熟時》以葡萄釀紅酒來比喻愛情
一開始就講呢個人談戀愛總是失敗,令人感到沮喪
「當初的堅持 現已令你很懷疑 很懷疑
你最尾等到 只有這枯枝」
就算嗰個人點樣努力去「經營」一段段嘅感情
結果始終都係「所得竟不如 別個後輩收成時 」
人總係渴望有一段細水流長嘅感情...
可惜自己到依家都仲未有,而其他人就已經做得到
但係...即使「失收」,人人都仲係要繼續去守
「但見旁人談情何引誘 問到何時葡萄先熟透
你要靜候 再靜候 就算失收 始終要守 」
副歌一開首就叫大家唔好灰心
要從錯誤當中學習
「日後 儘量別教今天的淚白流
留低 擊傷你的石頭 從錯誤裡吸收」
跟住就帶出時機始終會熟透
只係大家仲未知道幾時先至係豐收之時
「也許 豐收 月份尚未到你也得接受
或者要到你將愛釀成醇酒 時機先至熟透 」
第二段一開始就講到主角開始沮喪...
因為佢唔明白點樣先至可以去愛?!
「應該怎麼愛 可惜書裡從沒記載」
Wyman話唔緊要~~因為:「錯的愛 乃必經的配菜」
臨尾主角終於知道...
「我知 日後 路上或沒有更美的邂逅
但當你智慧都蘊釀成紅酒 仍可一醉自救」
最尾亦都用咗「誰都心酸過 那個沒有」
講出戀愛總係有苦有甜...
至於夕爺方面,自從有病之後,歌詞水準好飄忽
而且佢對愛將嘅歌詞(e.g.千嬅)係特別好
對於其他歌手或者一d新力軍就會比較上差
但係即使好似千嬅咁...歌詞有時亦唔算好
好似《烈女》咁
副歌尾「呸呸」就真係異常突兀
佢唔加呢個字首歌都仲好地地
但一加呢兩個字就顯得好怪...
但我亦都唔係話夕爺一首好歌都冇...
好似近期古巨基嘅「花灑」就算唔錯
從歌詞之中可以睇得出夕爺係有心機去填
而歌詞亦都流露出人生嘅道理
總括嚟講,我個人覺得Wyman填詞的確進步咗好多
而夕爺有時就好似俾人感覺好求其...但求交到貨
我唔係想踩夕爺嚟捧Wyman
平心而論,前十年夕爺的確係樂壇一個不可多得嘅填詞人
夕爺填出九十年代嘅流行歌曲
近幾年Wyman有超越夕爺之勢
喺夕爺水準每況愈下,Wyman亦都比以前好
所以我覺得Wyman開始超越夕爺水準
歡迎討論...但切勿罵戰 個人較like Wyman,佢d詞好到肉... 引一句便知節兩:
越問越傷心... 明明知道彼此不再情深, 何必追問遠近
林夕係強d, 但係我鍾意係以前初初出道無耐的林夕
自從林夕幫twins寫左d勁commercial的歌之後, 真係有點兒減分
何謂「動作很流華」?
設計對白:
劉德華: 我無端端多左個花名 原帖由 2ac 於 2006-6-5 20:54 發表
引一句便知節兩:
越問越傷心... 明明知道彼此不再情深, 何必追問遠近
林夕係強d, 但係我鍾意係以前初初出道無耐的林夕
自從林夕幫twins寫左d勁commercial的歌之後, 真係有點兒減分
何謂「動作很流華」?
...
係「動作很劉華」:lol 原帖由 2ac 於 2006-6-5 20:54 發表
引一句便知節兩:
越問越傷心... 明明知道彼此不再情深, 何必追問遠近
林夕係強d, 但係我鍾意係以前初初出道無耐的林夕
自從林夕幫twins寫左d勁commercial的歌之後, 真係有點兒減分
何謂「動作很流華」?
...
劉華竟然用作形容詞..(唔知乜黎, 字典有冇?)
更引申劉德華之簡稱
wyman都甘拜下風啦:handshake 原帖由 JX9097 於 2006-6-5 17:53 發表
《葡萄成熟時》以葡萄釀紅酒來比喻愛情
一開始就講呢個人談戀愛總是失敗,令人感到沮喪
「當初的堅持 現已令你很懷疑 很懷疑
你最尾等到 只有這枯枝」
就算嗰個人點樣努力去「經營」一段段嘅感情
結果始終都係「所得竟不如 別個後輩收成時 」
如果大家曉得飲紅酒
都會領略到《葡萄成熟時》曲詞中的苦澀味
首先,《葡萄成熟時》歌詞與編曲非常配合
若您飲紅酒飲至半醉
聽呢首歌係特別好聽
第二, 歌詞的確可從兩個不同角度留意,
一.帶出對個人對感情堅持的痛苦
二.這是一首勵志歌,由歌者鼓勵朋友放棄一些沒必要的感情
我以往不是Eason的支持者
而去年留意到 u87 專輯的可聽性
尤其是《葡萄成熟時》,《阿牛》,《浮跨》這些佳作
不禁想起1984年譚詠麟的《霧之戀》專輯、
1986年陳慧嫻的《反叛》專輯 及 1991年張學友的《真情流露》專輯
以上各專輯都極具可聽性,製作非常認真
如果論填詞人,
我較欣賞鄭國江,向雪懷,簡寧,黃偉文及黃凱芹
[ 本帖最後由 n281 於 2006-6-6 01:52 編輯 ] 近年好喜歡黃偉文d詞,
好寫實,講得好中,但又好有意境~~
例如近期既'落花流水'
'流水 像清得沒帶半顆沙
前身 被擱在上游風化
但那天經過那條提壩
斜陽又返照閃一下 遇上一朵 落花'
一路聽可以一路想像到個情景~~
原帖由 2ac 於 2006-6-5 20:54 發表
何謂「動作很流華」?
設計對白:
劉德華: 我無端端多左個花名
...
大概係動作很像劉德華~~
之前一直有行內人叫劉德華做劉華 原帖由 DY8711 於 2006-6-6 12:17 發表
近年好喜歡黃偉文d詞,
好寫實,講得好中,但又好有意境~~
例如近期既'落花流水'
'流水 像清得沒帶半顆沙
前身 被擱在上游風化
但那天經過那條提壩
斜陽又返照閃一下 遇上一朵 落花'
一路聽可以一路 ...
對！
"落花流水"只係睇歌詞唔聽音樂的話，好似睇緊故事咁~ 將整個故事的背景、角色帶出來~
可以在簡短幾句歌詞中帶出一個一聽/睇就明的故事，而冄能配合音樂唱出，
真係嘆為觀止…