K.C.R2007 發表於 2017-7-20 12:39
唔太認同
日本三大都市圈(東京都市圈、名古屋都市圈、京阪神都市圈)人口密集，交通需求龐大，圈內一樣依 ...
你都識講新幹線係城際，都市圈內通勤通學又點用到新幹線??
東京我就唔見有人橫濱/大宮搭新幹線去東京都心返工喇，
起碼要去到熱海/高崎先有人搭新幹線去東京都心返工
以東京大都市圈為例，有邊條線有需要改軌行新幹線?? 我一條都諗唔到，
大多線去到80-100公里距離左右就停或者冇再連接另一個大城市，
我就唔知改軌行新幹線黎做乜
只有東海道本線、中央本線、東北本線、上越本線、信越本線、常磐線有城際功能、
但東海道本線有東海道新幹線、中央本線有中央磁浮新幹線、
東北本線有東北新幹線、上越本線有上越新幹線、信越本線有北陸新幹線，
常磐線冇並行新幹線，但常磐線出左東京大都市圈後沿線人口不多，
主要服務沿海小鎭(包括福島核電站)，根本不值得改軌行新幹線
關西方面，京都/米原方向有東海道新幹線、京都/敦賀方向有北陸新幹線，
神戶/姬路方向有山陽新幹線，奈良/名古屋方向有中央磁浮新幹線，
唯獨南下和歌山方向冇新幹線，但和歌山縣對出已經係海，
和歌山市之後已經冇城市
本帖最後由 DIH 於 2017-7-21 17:23 編輯
K.C.R2007 發表於 2017-7-21 00:14
先唔講我是否同意師兄你嘅論點，敬佩師兄確實分析得夠詳盡，打咁多字辛苦曬
真心我都唔係工程友，你講得 ...
我知道你所提及的最高車速。我用平均車速係因為平均車速才對乘客有實際意義，尤其係新幹線以外，乘搭距離在250km以下的路段。某段距離增加極速作用唔大，停站、待避及因其而來的加減速時間唔會因為改軌而有所縮短，而前面亦有板友講過煞車時間的規定。日本正正因為在來線受多種限制（軌距只是其一而非全部）難以再大幅提速而選擇興建新幹線。
你在#1話「日本鐵路應該進行全面的在來線改軌」，我就不假設只係繁忙路段改軌，在這前提下鄉郊線彎多路窄基建過舊的問題不能迴避。如果係抽一小部分有潛質的路段加建標準軌方便新幹線乘入就有得諗，先決條件：線路平直、多人使用、比起完全新建新幹線可節省成本而又不會大幅影響效益。暫時例子有青函隧道，札幌－旭川都可以。全國做就真係規模太大效益太低。
由於起始條件不同，日本與歐洲（包括英國）的鐵路採取了截然不同的發展模式。日本真係好多山，如果要有平直線路就要興建大量隧道及高架橋，但一個世紀前日本並無條件如此開發。因此當年用了窄軌，多數山區鐵路都沿河而建，彎彎曲曲，導致現在提速困難。
簡單總結：目標極速在160以下可以興建／改良在來線，目標極速在200以上應該直接起新幹線。
本帖最後由 qunow 於 2017-7-22 13:14 編輯
- 即使新幹線，喺市區迷又一樣要減速運行以降低噪音- 都市圈部分路線改軌既話唔使搞直通運轉牙
- 日本人百幾年前就已經諗過要改軌，但係都係冇做到
何解關西大部分私鐵,關東京成東急用標準軌?
proschebus 發表於 2017-7-22 16:05
何解關西大部分私鐵,關東京成東急用標準軌?
東急唔係標準軌，京急就係
樓主睇得明呢條片講緊咩之後再返來吧:
https://www.youtube.com/watch?v=D9UwKTNzmAs
本帖最後由 K.C.R2007 於 2017-7-23 18:33 編輯
DIH 發表於 2017-7-21 10:00
我知道你所提及的最高車速。我用平均車速係因為平均車速才對乘客有實際意義，尤其係新幹線以外，乘搭距離 ...
睇黎我同師兄你係個別路線存廢問題上係存有共識的
其實我舉出英國鐵路最高時速200嘅例子只係想同日本做個對比黎證明情況有幾令人擔憂，又並唔係真係希望日本在來線玩到200或以上
不過我承認自己舉例子時無做好聲明，令尼度大部分人都假設左我想日本在來線玩到200
講返正題，其實我又唔係真係奢望日本在來線提速到200或以上咁誇張
我自己前面都講過日本自從有左新幹線，城際運輸嘅職責已經由新幹線主力承擔
對於一條主要職責轉爲新幹線的接駁工具和都市內民衆的日常通勤通學的在來線來說，可以提速到130-160已經勁到爆，又可以大大節省佢地花費交通上的時間
玩到200或以上以日本現時條件和需求沒有可能，但至少有130-160都好過宜家大部分路線偏慢嘅情況
K.C.R2007 發表於 2017-7-23 18:23
睇黎我同師兄你係個別路線存廢問題上係存有共識的
其實我舉出英國鐵路最高時速200嘅例子只係想同日本做個 ...
在來線有幾多時間要行到這速度?
加上本身安全法規所限, 更改軌距提速根本不切實際.
窄軌行160根本無問題, 那改軌幹嗎?
本帖最後由 alex_yu1992 於 2017-7-23 22:08 編輯
其實根本唔係加唔加倒速嘅問題，而係太多線用共軌同月台。你話加就加倒咩，佢地果邊情願加卡都唔加班
DIH 發表於 2017-7-21 10:00
我知道你所提及的最高車速。我用平均車速係因為平均車速才對乘客有實際意義，尤其係新幹線以外，乘搭距離 ...
講到多山嘅問題其實睇睇北歐
對比起英國，北歐的挪威同瑞典兩國更加多山，平地更加少，鐵路線迂迴曲折程度同日本無咩兩樣
但兩國的在來線採用標準軌，有不少主要路線已經有一百多年歷史，一樣可以輕易踩到160，經過提升的同樣可以踩到200或以上