kitarolo 發表於 2017-8-4 07:34
270B係有港鐵或
欖隧轉乘作為代替品……
但好難要求全部乘客咁「醒目」
簡簡單單佢肯改西九龍中心開已經好好多，橫掂大把位，司機可以預早少少去到等，乘客又可以安全舒適等車。
HT408 發表於 2017-8-3 12:10
黃埔站無可能再起落去，除非拆咗黃埔花園
你一個人身體有事唔代表其他人都係咁 ...
你認為路邊廢氣對人體冇害？香港肺癌比率咁高你認為同空氣污染無關？你唔係以為身體好就唔會生cancer卦？
Kaix 發表於 2017-8-3 11:49
食足一個鐘塵，仲衰過食煙，等多幾次真係生cancer
我係同一個站等過一次10分鐘有車都已經頂唔順，下次搭 ...
要糾正你一點先
香港呢幾年黎車輛數目係不斷攀升緊
主要幹道平均車速都相繼降低
上繁告士打道東行呢幾年黎由原本平均33.3km/h跌到16.7km/h
而早年2010前九巴係流失咗唔少乘客，直到近三四年先再回升
要認清香港係已發展地區，而家班中產，買部車有幾難？香港文化都同日本唔一樣，香港人明顯比較自私自利，頂唔順港鐵擠逼就會用自己方法出行，巴士也好，小巴也好，揸車都好，甚至的士都有，唔同日本，鐵路逼爆，要等三四班，就預早啲，繼續逼上去
廢氣排放？又唔係我吸，話之你地
車位？而家又唔係個個都返中環喺中環泊車
唔嫌貴嘅，大把地方可以泊啦，唔泊停車場，仲可以泊一啲少啲抄嘅巷仔橫街
甚至我相信應該有一部分返中環嘅會泊架車喺上環/西環/半山再駁番其他車返公司
事實係有啲人覺得揸車好過逼鐵
你會覺得逼鐵冇所謂，但唔係人人都咁諗
你話等一個鐘車等多幾幾次會等到生cancer，咁成日逼鐵吸哂二氧化碳，都可以影響工作效率㗎
根本呢啲係長距離通勤必然會產生嘅問題
再者，九巴已經全面推行ETA，減少咗呆等嘅機會，而270B頭車飛咗北河街站，明顯屬人為失誤、個別事件，咁就怪罪於成個巴士服務系統，除咗無限放大都唔知點形容
要解決問題，起多幾廿條鐵不如除咗起動九龍東，起動番新西，減少長距離跨區通勤嘅機會
觀塘線黃埔再過海，現有走線已經講明冇可能再咁做，而家接近全部基建項目落成日子都一拖再拖，證明再起新鐵路完全唔夠快舒緩問題，你都係去simcity/minecraft起番個鐵路網四通八達有齊20條港鐵線嘅香港啦
P.s.: 北京上海有十幾條鐵路線，但班次比起港鐵紅綠藍呢……
本帖最後由 Kaix 於 2017-8-6 01:56 編輯
Ricky403 發表於 2017-8-5 17:23
要糾正你一點先
香港呢幾年黎車輛數目係不斷攀升緊
糾正左我d乜?? 車輛數目係不斷攀升，但駕車上班率同人數並冇上升之餘仲微跌左，由2011年年中的6.6%(191,892)跌至2016年年中的6.5%(185,970)，其中值得留意係港島區居民駕車上班率更由8.2%下跌至7.6%，巴士上班率由34.5%下跌至29.3%，港鐵上班率由26.6%急升至36.3%，原因係乜唔駛多講，費事巴迷傷心，巴膠一向堅持的謬論「鐵路通車>巴士減班>迫人駕車」一擊即破，另外新界居民駕車上班率由6.14%至6.10%保持平穩，反而九龍居民駕車上班率由4.38%微升至4.47%，相信係因為西九填海區偽豪宅多左人到東九返工，交通極度不便，往來東九缺乏東西向港鐵，相關巴士又疏又慢
香港駕車率比東京仲要低得多，所以你個一大段野個前設已經錯哂
中產屋苑車位:住戶比例係1:5，私家車在香港注定永遠只係小眾玩意
泊架車喺上環/西環/半山再駁番其他車返公司?? 你肯定上環/西環/半山有位?? 真係天真過天真嬌，西環/半山居民自己都冇位泊，會容納到幾多跨區泊車客??
起動九龍東/新界西就唔駛額外交通基建?? 政府係咪搵左你做顧問，起動九龍東零基建，結果九龍東依家未起動已經塞死左喇，根本唔起多1-2條鐵路入去係搞唔掂，香港發展密度極高就注定左人均道路面積同人均車位數目極低，你起動邊一區咪邊一區塞囉，起動XX根本冇解決問題，觀塘居民真係多得起動九龍東唔少，多左區外人塞入黎，野又搶貴哂，而諷刺係觀塘居民仍然大半跨區上班
工業興旺時期都做唔到起動新界西，今時今日香港以金融服務業為主就更加做唔到，唔係你起棟商業大廈就吸引到公司由中環搬入新界，屯門元朗上水沙田依家夠有商廈喇，係咩公司租呢?
沙中線一通，荃灣線過海段少2-3成客，北港島線一通，港島線中環-北角段少3成客，荃灣線過海段再少多1成客，紅隧巴士架次起碼少一半，唔駛黃埔-北角已經好好多
東京、大阪、名古屋、首爾、北京、上海、深圳係神級唔駛講，
新加坡市中心一定都係玩緊simcity，台北都係
台北捷運圖有大量未出現的路線、車站。
Kaix 發表於 2017-8-6 01:42
糾正左我d乜?? 車輛數目係不斷攀升，但駕車上班率同人數並冇上升之餘仲微跌左，由2011年年中的6.6%(191,89 ...
你都係冇回應到路面擠塞加劇嘅問題
告士打道東行車速可以由平均33.3km/h跌到平均16.7km/h，無論點計都好，喺鄰近路面環境冇大變下，都一定係因為多咗車行呢一段路
大老山隧道幾年前仲係避塞車之選，而家搞成點？;P
你用揸車返工比例去講
先唔問你堆數據邊道黎
東京鐵路網明顯遠比香港發達，但揸車返工比例居然仲高過香港
係咪代表盲目以鐵路取代巴士嘅諗法會適得其反？
要留意喎，運豬成日話保鐵，原因得兩個: 環保、港府係港鐵大股東
如果證明唔到瘋狂起鐵會達致環保嘅 (假如參考東京，中九龍幹線計劃加多條貫穿九龍東西鐵路)，運豬保鐵，反對派一定會嘈，選擇、港鐵服務穩定性、舒適度、通勤時間，已經有排嘈
回埋你港島區數據，點解港島區跌得勁？咪就係西港島線、南港島線囉
新橙點對待西區南區線，好多版友都知道
九龍區你用缺乏東西向鐵路黎解釋，但升個%，都係0.09%，呢0.09%流向一條新鐵路線，可以有幾多客？綠線而家已經搞緊提升信號系統，呢個時候幫綠線再倒米，提升信號系統嘅效益肯定大為降低 (雖然沙中一期已經做緊呢樣野)
巴士又疏又慢，所以咪一直有人提議搵條巴士線做到類似2X走線做東西九
不過九巴對待西九龍、中九龍，態度一般
上環/西環/半山嗰度，純粹係個人估西隧上繁車輛流向，西隧上繁呢幾年黎突然慢車，一定係車多咗，可能係新嘅車，都可能係紅隧轉投過黎嘅車
咁講，可能有啲走去灣仔一帶都唔定
駱克道港灣道平日大量路邊泊車，你搵日去頭睇下就會知情況到底係點
起動九龍東/新界西，係一個嘗試去減少通勤時間嘅計劃
等巴士固然等得多會吸廢氣，搭鐵同人逼咪又要吸人地啲二氧化碳
通勤時間一長健康就會受影響
觀塘大塞車，可以塞得勁當然要本身車多，但成因往往都係部分仍然存活至今嘅工廈太多貨車上落貨，貨車由小路排番出大路，部分車又可能懶快想打尖，結果頂死哂後面啲車，咁攪法擺落荃灣、葵涌都好，都會大塞車
新界西唔會有大公司搬入去，咁細公司呢？個個都咁渴求office喺中環，嫌租金未夠高咩
沙中二期嗰度，想黎今日的我打倒昨日的我？;P
你之前先話過要兩條過海鐵路先負擔到個人流㗎喎:lol
北京呢啲財大氣粗，啲人又夜麻麻都仲造野，大陸又大把兼價農民工做呢啲，緊係可以起得好密集
東京全部都係經濟起飛嘅時候起，嗰時又係財大氣粗，加埋地勢比較平坦，自然又係可以起到密集
喺香港已經發展好起哂樓嘅地方再插幾條鐵落去
先唔講收地 (收人地可以賣錢嘅地？小心人地請大狀司法覆核你喎:lol) 同建築難度，造價已經可以嚇死人
田二少建議過一條西部外走廊 (算比較合理)、一條屯九鐵路 (唔合理)
都有好多人建議過東鐵四軌化整快速班次……
可以估下呢啲項目造價要幾多，要幾多年先回番哂起條鐵嘅成本:lol
仲有如果要掘開一段亞皆老街兩邊各一線起一條東西向鐵路，九龍區啲路會發生咩事……呵呵呵:lol
利申一點，我唔反對起鐵，但認為起鐵應該慎重
起鐵本來就比開新巴士線用多好多時間，人力物力
而家地盤工啲人工講緊三級跳咁劑，但就算係咁嘅人工，對於好多人黎講都只係勉強可以接受 (冇計，港人天生唔夠毅力，亦都唔多家長肯俾仔女做地盤)
客源唔係話好充足，或者好大潛力嗰陣，起條鐵黎把鬼？嫌只到南昌年代嘅西鐵唔夠吉車？ (仲要吉七卡車)
扯開哂，270B單野，如果要起一條由新界東去九龍西嘅鐵路，可以摸下建築難度、可見造價同埋可見客源
況且都唔關擴展鐵路服務事，係有人鍾意加油加醋放大喳嘛:lol
九巴提醒番相關站長270B星期六、日班次不得牌中載咪得
本帖最後由 MB452 於 2017-8-11 00:05 編輯
ctb234 發表於 2017-8-3 10:54
一定要E MAIL 俾交通投訴組,做九巴一鑊!
呢個係嚴重錯誤.
以前277P一個鐘一班都試過脫班:@打上去九巴，佢只係回覆一句「車長缺勤」
就算打上去交通投訴組，佢地都只係會話「提醒巴士公司注意」
根本無任何罰則，巴士公司根本唔會驚
本帖最後由 kitarolo 於 2017-8-11 07:58 編輯
MB452 發表於 2017-8-11 00:04
以前277P一個鐘一班都試過脫班打上去九巴，佢只係回覆一句「車長缺勤」
其實30分鐘或以上
都缺人脫班,真的要
罰得特別重,迫使公司
犧牲密車線救火,尤其
只有上下繁數班,雖然
抽277X影響更大,整條
幹道擠塞無法回車就豁免。
另一篇類近討論， #16
我建議嘅辦法。
尋日又出事;P
https://www.facebook.com/NorthDistrictTrafficConcernGroupHK/photos/a.627076594145846.1073741829.611320465721459/729538547232983/?type=3&theater
270B撳錯270A，行到一半先知