本帖最後由 ryandroid 於 2017-8-14 22:35 編輯
暫時有嘅車廠選址都係唔多可行，最有潛質嘅應該係彩虹邨，其次係坪石邨，呢兩條邨重建問題一直只聞樓梯響，政府可能會趁今次將彩虹邨嘅居民搬去大磡村公屋及其他公屋區，淨返塊地用嚟做車廠兼上蓋物業發展，本身範圍夠大，適合做車廠，又有觀塘綫彩虹站附近，地皮價值可以補貼唔少工程開支，話唔定東九龍綫會加多個彩虹站做轉乘，不過咁嘅話東九龍綫彩虹至鑽石山站應該會喺觀塘綫以南去近返彩虹車廠上蓋物業
ryandroid 發表於 2017-8-14 22:33
暫時有嘅車廠選址都係唔多可行，最有潛質嘅應該係彩虹邨，其次係坪石邨，呢兩條邨重建問題一直只聞樓梯響， ...
彩虹邨同坪石邨被主要道路包圍，即使重建，都要處理嘈音問題，而且如果將彩虹段都放喺觀塘線南側，爬升上彩雲會更麻煩
反而清拆彩虹邨、牛池灣村後，將車廠放斧山道游泳池、運動場及牛池灣村一帶，再用彩虹邨塊地重置運動場、泳池同學校會比較好，尤其講左彩虹邨拆邨之日，就會大執清水灣道/龍翔道路口做立交
個人反而傾向大磡道方案，只係大磡道西延會有相當困難
針對爬升問題，諗緊可否將彩雲站移至近坪石遊樂場和彩興苑一帶，服務三彩、彩興、彩雲同啟業。
出站後沿彩興路上山，於德望以東起一個270度左轉的圈以便爬升至位於利恒樓與德望間空地嘅順利站。
順利站設升降機出口連接利安道同位於空地上嘅上蓋項目，另一端設水平隧道出口連接彩輝邨
我建議東九龍線應該搞大，順便付助觀塘線，應付東九龍既發展
主線:
旺角 - 宋皇臺 - (新啟德) - 九龍灣西 - 觀塘 - 藍田 - 油塘
旺角: 將設於亞皆老街地底，建議連接旺角東站，沿亞皆老街前往宋皇臺
宋皇臺: 將設於宋皇臺遊樂場地底，經大堂連接東西線月台。設有 4 個月台，轉往支線
新啟德: 視乎啟德發展，建議車廠選址 （1）
九龍灣西: 將設於啟福道地底，連接 MEGABOX, 九展，建議車廠選址 （2），沿常怡道、牛頭角道、觀塘道前往觀塘
觀塘: 將設於觀塘道地底，利用閘外轉乘，另設大堂。設有 4 個月台，轉往支線
藍田: 將設於觀塘線月台下層
油塘: 將設於觀塘線、將軍澳線月台下層
支線:
宋皇臺 - 啟德 - 鑽石山 - 斧山 - 彩雲 - 順安 (安泰) - 秀茂坪 (安達 / 寶達) - 觀塘
宋皇臺: 將設於宋皇臺遊樂場地底，經大堂連接東西線月台。設有 4 個月台，轉往主線
啟德: 將設於東西線月台下層
鑽石山: 將設於東西線、觀塘線月台下層，呈十字型
斧山: 將設於宏景花園、蒲崗村道地底，利用自動電梯連接地面
彩雲: 將設於新清水灣道地底，利用自動電梯連接地面
順安 (安泰): 將設於利安道地底，利用自動電梯連接順利邨、順安邨，利用升降機連接安泰邨。預計車站深度將較深
秀茂坪 (安達 / 寶達): 將設於秀茂坪道、寶琳路交界。預計車站深度將較深，配合路線下斜至觀塘，利用升降機連接秀茂坪邨、安達邨、寶達邨
觀塘: 將設於觀塘道地底，利用閘外轉乘，另設大堂。設有 4 個月台，轉往支線
全缐使用 ６卡車，月台預留的８卡長度
全日實行 １+１班次，１班往返旺角 - 油塘 ，１班往返旺角 - 宋皇臺 （經觀塘、順安）
未來可伸延至南昌，連接東涌線
boco1211 發表於 2017-8-16 04:31
我建議東九龍線應該搞大，順便付助觀塘線，應付東九龍既發展
主線:
師兄你啲支線方案係想點行？9字定一班順時針一班逆時針？如果係一順一逆啲咁旺角至宋皇臺嗰段四軌好似好啲，如果行9字咁應該宋皇臺預留第4個月台算啦，assume一班主一班支都只可以做到每邊3分鍾一班。
HUgo8370 發表於 2017-8-16 14:03
師兄你啲支線方案係想點行？9字定一班順時針一班逆時針？如果係一順一逆啲咁旺角至宋皇臺嗰段四軌好似好 ...
其實係 9 字 咁行，咁樣旺角到觀塘就最密車。另外宋皇臺就可能用彩虹個擺法，4個月台3條軌，轉車就過到面就轉到
咁様行就減少咗觀塘線既長途客，分流咗好多落新線個到
mak5052 發表於 2017-8-13 12:09
牛池灣公園原本是堆填區，不太適宜下穿（順利站前也有下穿原為堆填區之佐敦谷公園的問題）
另外，四順設 ...
倡議中的東九龍線深入石層。而石層對上仲有泥層先至到堆垃圾
咁隧道响下面穿過有乜問題呢？
boco1211 發表於 2017-8-16 14:33
其實係 9 字 咁行，咁樣旺角到觀塘就最密車。另外宋皇臺就可能用彩虹個擺法，4個月台3條軌，轉車就過到面 ...
如果以支線模式起，咁將支線併入啟德輕軌又如何？
即係輕軌改用膠輪系統，經宋皇臺、啟德發展區、觀塘碼頭、開源道、協和街、曉光街、秀茂坪道、安泰、順利、彩雲、慈雲山、鑽石山、東頭邨、宋皇臺
但兩個方案都無左分流將北嘅功能，同時政府方案寶琳可以延長去大牛湖、科大
本帖最後由 DIH 於 2017-8-17 12:25 編輯
eternalflame 發表於 2017-8-14 09:39
市區都仲有一個位置可以選擇：將軍澳道以西，已關閉的馬游塘堆填區
我好幾年前開始FF的東西九龍線東段，不論係山線（類似現方案）定海線（經展貿、觀塘碼頭），都係用呢個位做車廠。;P
考慮到山線的地勢及住宅為主應該深入屋邨，相反海線有大型場館、表演及展覽場地、返工人潮，以及疏導觀塘線需要，我主張以重鐵興建海線，山線併入啟德輕軌。輕軌成圈我曾書面提議過，但CEDD無意研究，現在變成規模未知的東九龍線。
此外，我FF的東西九龍線西段有以下方案：:lol
．青衣－荔景－荔枝角－李鄭屋－九龍塘－九龍城－
．青衣－荔景－南昌－大角咀－旺角－九龍醫院－九龍城－
．青衣－荔景－南昌－奧運－油麻地－何文田山－九龍城－
巴士的膠 發表於 2017-8-17 08:23
如果以支線模式起，咁將支線併入啟德輕軌又如何？
即係輕軌改用膠輪系統，經宋皇臺、啟德發展區、觀塘碼 ...
用膠輪系統起可以更容易上斜落斜，同埋車站可以密啲，其實幾好
但係我希望用成條線黎輔助觀塘線，如果主線唔起宋皇臺到觀塘段就冇咗效用。另外，如果膠輪系統冇得好方便咁轉車，或要俾兩次錢，就冇咁吸引，疏導唔到山上轉觀塘線啲客。如果同台轉車加上剩係俾一次錢就冇問題
DIH 發表於 2017-8-17 10:06
我好幾年前開始FF的東西九龍線東段，不論係山線（類似現方案）定海線（經展貿、觀塘碼頭），都係用呢個位 ...
但已修復堆填區承重有限兼唔可以打椿
另外，我都認同宋皇臺-旺角段要四線化，否則只會造成樽頸
不個個人比較屬意政府入將軍澳的方案，有助於將將北-九龍/新界客從觀塘線觀塘段分流出去
同時，海線應該連接觀塘工貿區、旺角、西鐵同東大嶼，咁大西北可以經南昌（西鐵）/東大嶼（西部外走廊鐵路）出入東九，避免大西北客喺啟德轉東西線