20170828 81c 見聞
事緣當日下繁六時多, 本人坐81c 北行方向至中電對出, 由於連接窩打老道的道路因某些事件全封(不知咩事, 只見有消防車, 但未見塌樹), 結果該車連同前面嘅271一齊駛入亞皆老街至九龍醫院停下。本人好奇應該如何行走, 故詢問車長, 車長表示已通知公司, 要求帶路。當然下繁六時, 大把人在車上鼓燥, 當然有人插司機, 點做司機嫁咁都唔識行, 有人又話點行點就得, 咁簡單都唔識啊, 又嘈一輪, 及後幫手嘅員工到埗, 司機表示唔舒服, 要叫白車。我因為趕時間, 結果提早落車去坐鐵。
首先, 我都覺得司機應對乘客嘅態度同方法係有待改進, 但乘客指責我覺得不合理, 因為改路, 有任何事,車長需要負責, 而且我相信車長係有機會不曉得如何從九龍醫院兜回獅隧。 另外私家車可以行走嘅路唔代表巴士可以行走, 我當場亦有為司機說項。
當然我亦覺得車長有少少玩野, 想玩群眾壓力迫人收聲, 但是如果大家在場, 又有咩意見呢? 歡迎討論! 我只知部分司機未必清楚哂車站附近有咩大廈地標，所以都唔好期待個個識臨場改路 樓主, 當時我都在車上(架車係都普車身電躉), 坦白講當時我都有諗過由上層走落下層, 叫佢繼續向前行到世運迴旋處掉頭, 但見佢唔肯行而作罷...
至於佢態度方面, 佢都係被人(尤其口罩阿伯)挑釁在先, 之後再面對乘客不斷出言侮辱, 佢冇出聲同乘客爭吵, 都算克制.
而擾攘一輪後, 九巴前線人員安排81C唔知後多班車嘅KZ9268去現場接乘客離開, 而口罩阿伯上車後大聲讀出涉事司機之姓名及職員編號, 呼籲受影響乘客投訴:L 本帖最後由 Jacob 於 2017-8-30 22:48 編輯
最穩陣世運迴旋處左轉太子道東，之後跟85上聯合道咁返獅隧，因為都唔知佢窩打老道封邊度。
上到浸會唔知可唔可以竹園道落龍翔道，見隻彎幾直，石躉度又好多軚痕。
搭的士會由太子道東右轉喇沙利道，再左轉蘭開夏道，右轉入返窩打老道，不過唔知巴士行唔行到，感覺上應該唔得，同埋唔知封邊度。 安東尼 發表於 2017-8-30 19:54
樓主, 當時我都在車上(架車係都普車身電躉), 坦白講當時我都有諗過由上層走落下層, 叫佢繼續向前行到世運迴 ...
最後KZ9268點行返去獅隧？
照你描述，個口罩阿伯分明挑釁攪事啫，個司機平時淨係行自己條線，唔識行其他路都好正常，就算有乘客提供路線佢都要考慮條路巴士行唔行到同埋有冇乘客需要喺受影響車站落車，唔係口罩阿伯鬧就解決得到
咁跟著停車果架 271 又點 :D
正路是唔是世運 九龍城 樂富 龍翔道上獅隧 :D who_r_u 發表於 2017-8-30 23:24
咁跟著停車果架 271 又點
正路是唔是世運 九龍城 樂富 龍翔道上獅隧
如果真係跟你個行法，既然都飛晒窩打老道啲站，比我就直行太子道東上大老山入大埔喇;P
阿伯阿伯聲大大又無準，咁叻自己去揸。好憎這些老人家，一點都唔可愛，一點都不值得人尊重。
覺得司機好慘。
最後個阿伯班車點返沙田。
Jacob 發表於 2017-8-30 22:47
最穩陣世運迴旋處左轉太子道東，之後跟85上聯合道咁返獅隧，因為都唔知佢窩打老道封邊度。
上到浸會唔知可 ...
有個阿叔都叫司機行喇沙利道, 但真係唔知窩打老道封到邊度, 去到嗰邊又話封咗, 就真係唔知點算。 香港電台交通消息係咁講：
「因修剪樹木，窩打老道地面行車線往沙田方向，近亞皆老街的全線封閉。 (HKT 17:56)」
當然，當時在現場唔會知道由邊度開始封，等公司安排係最合理的做法。被乘客鬧完之後心情欠佳，可能會導致血壓高或影響思維，的確會影響駕駛安全，司機報稱不適可以理解。
頁:
[1]
2