領展已選定17個商場物業進行招標
本帖最後由 cklee19810419 於 2017-9-20 10:40 編輯據本地傳媒引述消息報道，領展已選定17個商場物業進行招標，並於今年12月截標。該批商場分布於馬鞍山、葵涌、屯門、九龍灣及粉嶺等，料市值達145億元，涉及規模歷來最大，屬意由一至兩個買家購入。
消息指，是次出售的每個商場市值，均超過5億元，價值較以往出售的商場更高，包括由整合屯門安定和友愛村商場而成的「H.A.N.D.S」商場，2014年從嘉里建設購入的黃大仙現崇山商場亦在放售名單之列。
估唔到HANDS 都賣，用咁多錢裝修，以為會自己KEEP 長線，可能效益無想像中咁好
現崇山商場，似乎都少人行，引唔到人流去行，做唔到協同效益?? HANDS點都唔及市廣場同V City鬥
始終地理位置上輸蝕
現崇山又係輸地理位置
既唔近地鐵站,附近亦都冇地標吸人流
所以好難做得起
今次加入已翻新商場, 以及鄰近市中心/人流暢旺的商場, 即係等同賣樓前豪裝一番, 新買家用一筆錢除左買商場地理位置, 仲買埋佈置同商舖組合, 變相防止新買家於短期內重新部署商場用途, 賣價亦更高.
若領展於條款設限, 例如於某年期內不可大幅修改商場用途及商舖組合, 裝修不可大改, 以及不可於某年期內轉讓, 就可以避免過去有人承接項目後於數月內再轉售圖利, 影響領展聲譽.
不過, 除非上述年期係以十年計, 而再轉售的對象亦只限領展回購, 否則再轉售圖利係唔會根治得到.
此外, 田灣商場已經終止改為學校, 新動向似乎會主攻旅客生意, 不知居民會否支持. 現崇山其實都無乜點谷過
而且無有蓋通道過去港鐵站都幾大缺點
黃大仙中心太齊全 又賣，今次仲要係有較具規模嘅商場，而亦有附近有物業嘅商場，咁係咪會抵消咗協同效應呢？其實協同效應可以係共用停車場、分享管理資源等等
另領展好似放棄葵涌，之前賣石蔭、安蔭、葵興，而家到葵芳同石籬
講起現崇山，都係嘉里果陣好好多，領展買咗之後越做越頹（同樣越做越頹仲有南豐廣場）
頁:
[1]