[Leeds, UK] Park and Ride的低排過客
九月尾香港上機，係流住汗嘅，曼城落機就凍到打震，只願香港追完車之後有呢種涼爽，可惜只有聞廢氣嘅份。Leeds同香港比，大家都係城市，不過前者規模細好多，車都少好多，偶然街上見部噴黑煙嘅B7L，仍然夠膽大啖吸入相對清新嘅空氣（重口味...）。不過，堂堂北部大城市，豈能如此呢？市政廳較早前落實Leeds Low Emission Zone計劃，入市中心嘅大型車輛如未達歐盟六型標準，將會如倫敦一樣徵收附加費。所以各巴士公司繼DDA換車潮，繼續分批買入新車。部份廠商就趁機借出自家產品到Leeds試驗，一時間風頭無兩。其中小弟一星期間見齊兩架。
第一架 Optare Metrodecker 樣板車，2014年成型後配上OP14 ARE車牌到處展覽，後來換上摩打成為Metrodecker EV，今年換上YJ17 FXX車牌後先到鄰近城市做Park and Ride Shuttle，之後就到Leeds。至於Optare係咩公司？論壇M2版嘅低地台小巴，正正就係Optare出產嘅Solo SR，英國十分常見。佢間廠喺邊呢...Leeds向東走半粒鐘就到，真正Made in Yorkshire。
樣板車到左First，車隊編號編為39500。車內佈置跟倫敦標準，甚至車外亦維持牌布傳統。
大約都見到少少Solo嘅影掛...事實上Optare已經一段時間冇搞雙層，設計上趨向簡單為主。路線PR2由六月新開嘅Temple Newsam P&R site 出發到市中心南面Boar Lane，新路線配新車，總會令人耳目一新。
同Arriva Yorkshire年中投入服務嘅E400MMC合照。
冇錯，下層對頭位繼續用坐墊唔裝全凳。閃亮嘅黃色扶手，為DDA實施後針對弱視人士嘅設計。
上下層均設有尾窗。唔熟設計唔講太多。
巴士試PR2試完兩個禮拜後，會於呢個禮拜落倫敦，繼續擔任Optare形象大使。但係，三年過去，其實仍未有量產車出廠。錯過左DDA換車潮，Metrodecker嘅勝算似乎要靠副摩打搭救。
附多幾幅Park and Ride嘅環保派車。
PR1用車4部B9全部上哂P&R全廣，Elland Road P&R site位於Leeds FC球場旁邊，廣告就用上草皮綠作背景。
PR1嘅B9，已經用左四年了。至於PR2開線時已聽聞有新車代哂兩線共八部巴士，出廠之前就借住Streetdeck嚟用先。
Park and Ride喺廿一世紀嘅英國好受政府歡迎，平日中午十分鐘一班都儲到每班十人度，不過同隔離小城York六個停車場相比，以城市嘅規模同塞車程度嚟睇，Park and Ride似乎幾吃香。期待不久將來PR3 (Stourton，計劃中)嘅成功。
第二架低排過客，另文再述。
頁:
[1]