你認為全港最好住公屋係邊條邨
之前聽過有d人講新翠邨係全港最好住公屋，原因有以下：1.近市區～一條獅隧或者青沙就去到九龍，而且車費唔貴
2.交通方便～唔少地方可以一程車到達，又近大圍火車站，行過去就得唔駛轉車
3.租金較便宜～83-85年落成既舊公屋，租金較同區和諧式公屋平，除左三房單位，基本上租金好難超過＄2000
4.購物方便～附近有大圍街市同新城市廣場
5.附近康樂設施多～有大型單車徑經過同附近有兩個公共泳池而且邨內康樂設施多
6.空氣好～位於新界大圍，三面環山，附近少工業區，唔似得市區同荃葵青區咁污煙帳氣
除左新翠邨好住之外，仲有邊條邨係仲好住
彩虹邨
除咗幾十年樓齡之外,其柋方面都冇得輸
交通: 地鐵小巴巴士全數到齊
購物: 自己本身已經自給自足,搭一個站去九龍灣/鑽石山更多選擇
康樂設施: 對面就係斧山道泳池/運動場;搭程小巴15分鐘直達西貢, 上天下海乜都得
空氣: 唔算差, 附近建議密度亦唔高 JX9097 發表於 2017-10-24 00:35
彩虹邨
除咗幾十年樓齡之外,其柋方面都冇得輸
彩虹邨 空氣咁都唔差?
幾條幹線公路圍住, 太子道東龍翔道觀塘繞道,
加埋每日幾十萬架次嘅車經過...
Quanta 發表於 2017-10-26 23:58
彩虹邨 空氣咁都唔差?
幾條幹線公路圍住, 太子道東龍翔道觀塘繞道,
加埋每日幾十萬架次嘅車經過...
主幹圍村，佢都叫空氣好真係嚇人，仲有噪音問題.....
每條邨每座樓唔同座向唔同層數, 都可以影響到好住程度, 有人亦會睇重配套, 例如交通 商店 街市 食肆種類 通訊設備等等, 去衡量好唔好住, 好難得出一個標準.
以梅窩銀灣邨為例, 空氣好環境好治安好, 行出碼頭有齊巴士去本島所有主要地方, 又有橫水渡出入鄰近離島, 出中區有直達船, 快慢任君選擇, 船程比住市區可能仲要快, 只係遇著一年三幾日八號風球冇船搭, 買大件嘢冇送貨服務, 過得到自己嘅話, 諗起都覺得好住.
以牛頭角上邨為例, 依山勢而建, 有大量向海單位, 無鐵路/道路噪音和空氣問題, 鄰近市政大廈 商店 大型商場 戲院 泳池 圖書館 體育館 巴士站, 沿牛頭角下邨有蓋行人通道可接九龍灣站及商業區, 邨內有休憩及遊樂設施, 下邨旁有公園, 後山有學校, 衣食住行返工返學一應俱全, 至於租金, 交通費同日常使費抵銷到, 貴租過新界絕對可以接受.
如果住牛頭角下邨向東單位, 配套同向西單位一樣, 而且比上邨更方便, 但明顯地向西單位除了西斜, 還會受大量噪音影響, 所以牛下整體上係咪冇咁好住呢? 啟田村都唔錯，近地鐵站，有幾個巴士站，去機場直接搭總站搭A22又得，配套 商店 街市都齊，近近地去行街可以去APM，唔好處係餐飲 街市野食較貴 我個人覺得富善邨都唔錯，背山面海，空氣一流
其中 3 - 4 座直望吐露港無敵海景，前面仲有康樂設施回歸塔/海濱公園
一定唔會再有樓起晌前面，唔似得翠擁華庭/銀湖天峰咁，比人擋完一次又一次
地點鄰近大埔中心，步行10 分鐘可達，醫院亦在附近，衣食住行既生活圈都方便
交通亦算方便，仲享受左廿幾年免費 K 巴，去邊搵? currypig 發表於 2017-11-12 07:36
我個人覺得富善邨都唔錯，背山面海，空氣一流
其中 3 - 4 座直望吐露港無敵海景，前面仲有康樂設施回歸塔/ ...
香港長年吹東至東北風, 東面正好就係工業邨, 而且有煤氣鼓, 又有衛星接收器, 長遠似乎對健康唔太好. 大興邨 廖文丞 發表於 2017-11-14 18:13
大興邨
有西鐵直達
又有鐵巴同B字頭跨境巴士坐
頁:
[1]
2