PoohPoohJoe 發表於 2018-1-3 22:22
當年比人話大白象唔係因為無需求而係當初一路都係講預期載幾多幾多客
而無人提過新西發展會有幾多人口增 ...
其實以新界西人口，西鐵的確應該一開即爆，將軍澳02年人口40萬，將軍澳綫都一開即爆，03年單單元天人口已經50萬，開頭少人到咁一定係定線、站位或票價上同市場要求有嚴重落差先會咁，但唔可以因為咁就話香港冇需要鐵路，當年輿論其實都捉錯用神，冇乜人去探討鐵路定線站位對客量的影響
Kaix 發表於 2018-1-4 09:22
其實以新界西人口，西鐵的確應該一開即爆，將軍澳02年人口40萬，將軍澳綫都一開即爆，03年單單元天人口已 ...
當初開唔夠客﹐都有2個因素的。
1. 新界車站位置問題﹐特別係天水圍﹐元朗(當時上蓋物料未完成)﹐大部入人都要轉一程輕鐵才可到西鐵站。
2. 西鐵2期未動工(南昌至尖東/紅磡)﹐令到西鐵去唔到市區重要區域﹐真係拖泥帶水﹐除左可轉東涌線過海係方便之外﹐唔過海就真係.......。
2個因素加起來﹐乘客便會繼續主打非鐵路﹐有大件事才西鐵。
當西鐵去到紅磡時﹐直達市區心臟區域﹐乘客便自然轉投回西鐵。
但將軍澳的車站比屋苑包圍﹐又直接過海﹐吸引力便大增。
2條線其實都無得好比較。
hippohippohippo 發表於 2018-1-3 16:51
都好難怪政府, 如果預早規劃, 通車初期客量一定低, 到時又俾人鬧話"大白象"; 西鐵線即是一例 ...
西鐵點解俾人話大白象係因為車費太貴，
車站騎呢位置，車站奇大
而家逼爆係因為無選擇，大白象問題係無消失到
你有無見聽過西港島綫，南港島綫俾人話大白象？
雖然大白象情況都唔夠青沙勁;P
dogdog002 發表於 2018-1-5 00:23
西鐵點解俾人話大白象係因為車費太貴，
車站騎呢位置，車站奇大
而家逼爆係因為無選擇，大白象問題係無消 ...
青沙高估個原因係當時無預料到強國港口會拎左好多香港出口貨量
諗住做大貨櫃碼頭，唔係點解當時要諗10號，甚至係大嶼山填11-13號碼頭出黎？
西鐵大白象係因為規劃個時仲係經濟最好景個段時間，起好左係金融風暴後經濟下行個段時間
起到咁靚客量當時又唔達標，先迫使九鐵要推月票等等谷客，亦令當時係立法會傾緊嘅馬鐵要縮減規模
西鐵迫爆另一原因係大西北（由其係元天）初發展時，在學年齡學生比例好高
宜家學生畢業出身做野，自然就帶動個交通需求上升
053h4 發表於 2018-1-5 07:32
抽空歷史沒有意義
北港島線就係因為怕成為大白象推遲
北港島線係因為維港填海規模縮減，令填海區商業用地面積下降
無足夠客源去支持新線而暫時擱置
Kaix 發表於 2018-1-4 09:22
其實以新界西人口，西鐵的確應該一開即爆，將軍澳02年人口40萬，將軍澳綫都一開即爆，03年單單元天人口已 ...
人口比例都係客量不足原因，元朗區係全港年齡中位數最低的，西鐵通車時都仲有好多人在學
到宜家十幾年後已經陸續加入就業，自然帶動跨區交通需求吧