[分享] 小時候對巴士的傻事
細個時年少無知，對巴士可能只得一知半解，
因而可能出現d傻事，
大家不如晌度分享下啦~~
最記得呢d：
~細個以為巴士係由巴士公司製造，又見中巴同九巴既車差唔多樣，成日都以為中巴抄九巴既巴士:L
~小弟家住將軍澳，唔熟其他區，晌九巴張收費表度見到「城門隧道轉車站」，仲以為一定要落車轉車，到五、六年班第一次自己搭48X遊河時，個心好希望唔駛叫我落車，但原來只係轉車既人先要落車;P;P
~以前見293S係通宵行走，我以為好似OK同7仔咁24小時服務，於是日光日白走去等，後來先知通宵巴唔係24小時服務，而係深宵時段時服！最抵死係果個站根本有93A同95M俾我搭:$:$:$
~仲有一樣，就係誤以為巴士公司開既繁忙時間特別線只係俾返工既大人坐，細路仔唔坐得，所以第一次搭未全日既98C時，好驚司機唔俾我上車:lol:lol:lol:lol 1個小學生可以自已出街仲去到咁遠,你屋企人都好寬鬆:D 細個時成日以為雞鴨前軸隔離果個單丁位唔俾細路坐（好似澳門巴士既車頭位咁），
所以到左三四年班自己搭 15 返屋企時，永遠都唔敢坐果個位，
但係搞笑地，搭 BL 同 M 仔時，又敢坐長長既導航位喎~~
呀仲有…有時我會係土瓜灣既小學搭巴士返係牛頭角既屋企，
果陣時九巴 101 岩岩加冷，我就有咩車都唔上，偏要等架貴既新 AD 黎搭，
上車撕左兩張冷馬抽獎券之後，就坐係導航位，睇住個打呔渣車既師師傅，勁型。
不過疊抽獎券唔知去晒邊 lu…
[ 本帖最後由 chickenbus 於 2006-6-14 02:08 編輯 ] 細個一搭親巴士都要坐上層車頭果排既右邊,大個D就會一時選下層一排可看到車長駕駛:$ 話說23號有老虎豪行既年代
小弟成日幻想d老虎豪加冷當冷馬咁用:L 原帖由 ryulky 於 2006-6-13 08:50 PM 發表
1個小學生可以自已出街仲去到咁遠,你屋企人都好寬鬆:D
細個時不識天高地厚，
一年班偷偷地同另一個一年班朋友行路落寶林，
嚇到兩者既媽媽唔知點咁，
四年班開始遊河，
同阿媽講去厚德，
點知走左出觀塘，
五年班話去觀塘卻走到去沙田，
到六年班自己一個走遍屯元天，
更有一次誤入打鼓嶺禁區(大家咪學)！
諗番起，
細個真係學到好壞... 原帖由 jorg 於 2006-6-13 23:14 發表
話說23號有老虎豪行既年代
小弟成日幻想d老虎豪加冷當冷馬咁用:L
不過要加唔係唔得
$作怪同埋肯唔肯去做姐 原帖由 DK704_3N133 於 2006-6-14 00:19 發表
不過要加唔係唔得
$作怪同埋肯唔肯去做姐
但現時...似乎唔太合乎經濟效益bo... 我都講下先
1. 記得細個有一次, 自己在觀塘道等巴士返黃大仙, 果時係平日下午5點左右,
記得298B係去黃大仙, 又知道繁忙時間服務, 個巴士站牌有寫298B但無298B乳豬紙睇, 自己又唔知服務時間,
結果係度等298B等左1小時, 最後上左部671返屋企(當時冷氣巴對我來講好新鮮, 所以坐298B唔坐11C)
後來先知298B下午班次是由黃大仙單向返將軍澳.......
2.試過有一次自己在順利等42, 因為我細個超鐘意坐冷氣巴, 但果陣連續等左6架熱狗年先上到部冷氣巴(3AV)
結果等左超過一小時, 果陣唔知42得幾架冷馬咁少.
3.以前細個開始返大陸我打死都要坐城巴, 唔坐火車, 因為坐雙層巴士返大陸感覺好特別,
試過一次好夜先上大陸, 城巴下午班次已經開出, 結果要我屋企人延遲一日返大陸, 因為我仍然堅持.
又有一次新年由羅湖返香港同屋企人一齊返, 我又係死都唔坐火車返香港, 結果父母聽我講,
走去香格里拉大酒店坐城巴, 父母仲話''坐城巴貴過坐火車咁多ge''
呢D事蹟, 仲有下文
4.話說城巴停辦過境巴士, 我以為是D火車地鐵搞到城巴無過境巴士, 所以我就更憎恨火車地鐵,
上大陸更加唔想火車, 我仲係堅持坐巴士, 呢個小時候的堅持想不到而家仲存在, 我都有起碼5年無坐過東鐵過境了(Ktt例外)
回想自己細個對巴士的熱情, 都幾幼稚;P