巴士雙向分段收費
我覺得有D巴士路線搞雙向分段收費，落車時要行去司機位拍卡，極唔方便。如果順道俾人係上車門喥落車，咁仲話叫好D。
但直接係依家D新巴士落車門喥裝八達通回贈機，又可唔可行?
因為依家D新巴士差唔多全部用外推式落車門設計，落車門位置有空間裝機。
至於有D人可能係中途站偷雞拍卡唔走，可以係行車階段將部拍卡機進入体眠狀態。
然後再係上車門、走廊位(司機位後)、落車門位置分別裝紅外線探測器，
(依家D紅巴都有紅外線感應器，計算上落車人數、樓上剩餘座位數量。)
有X個人上車(上車門)，就要有X個人拍卡。
如果有人偷雞唔拍卡，過走廊位探測器時，警報器就會響。
有X個人拍卡(落車門)，就要有X個人落車。
如果有人偷雞拍卡唔走，或者偷入落車門坐霸王車，個警報器都會響。
(紅外線探測器可以感應人嘅行走方向，例如係落車門位置逆行。)
咁做嘅話可以避免有人逃票、偷雞拍卡唔走嘅問題。
最好就係落車門兩側分別裝機，必要時開埋上車門落客。
咁做可縮短因落客而需停站嘅時間。
搞好雙向分段收費可以方便轉乘，
例如:
261→52x、53、61m(三聖-大㰖)
276p→53、68a、68x、268x(屏山-洪水橋)
到時屯赤路通車，E33改路，
青山公路(置樂-大㰖)嘅人可以用52x、61m雙向分段收費接駁E33。 入散銀班客唔使搭車？ 九巴依家好似唔俾用雙向分段收費嘅乘客用現金繳付車資，要用現金就要俾全程車費。上次係元朗(西)巴總望到64k架車入面嘅告示牌係咁寫。 計左成本未啊！如果落車果位特然樓上漏領野落車，返上去未又係響，行返去車頭拍卡會死架咩?
香港黃毛小子 發表於 2018-1-17 20:34
九巴依家好似唔俾用雙向分段收費嘅乘客用現金繳付車資，要用現金就要俾全程車費。上次係元朗(西)巴總望到64 ...
增加成本，又俾多左機會人偷雞拍左先，點會做 如果部八達通機裝既位係路線牌上，即上車門同落車門之間既位裝機，讀咭機向外，隔住玻璃，確保乘客落左車之後先拍到咭，咁樣可行嗎？ 本帖最後由 kitarolo 於 2018-1-18 10:13 編輯
建議爬一下舊文
其實巴士公司可以加雙機方便日漸增加嘅雙向分段路線？
九巴B1線短程分段改用八達通付款 (22.7.2017生效)
九巴 53 減班及修改雙向分段付款方法
九巴落車門八達通機
有齊晒啲人唔自律、回值機面外車外嘅論點. noname617 發表於 2018-1-17 20:48
計左成本未啊！如果落車果位特然樓上漏領野落車，返上去未又係響，行返去車頭拍卡會死架咩?
...
咁就簡單la，叫個司機㩒製停左個警報器聲響咪得囉。
至於成本，一組紅外線探測器最多咪幾百蚊，幾組夾埋每部巴士最多都係洗多二三千蚊姐。
一部雙層巴士都成三百萬la，每部洗多個二三千蚊，佔購車成本比例好少。 如果班乘客本身係自律嘅，咁後門上前門落車畀錢無話唔得又唔使好似樓主建議裝咁多麻煩嘢，可惜嘅係總有一班以逃票為傲嘅人 win350 發表於 2018-1-17 21:16
如果部八達通機裝既位係路線牌上，即上車門同落車門之間既位裝機，讀咭機向外，隔住玻璃，確保乘客落左車之 ...
落車隔住個玻璃拍卡，類似嘅諗法我都有過。
但有幾個缺點，
一黎就係增加巴士行車時間。
依家D新車嘅落車門全部用外推式設計，
如果要咁裝嘅話只可以裝係路線牌上，或者路線牌後。
如果個個人落車都要行前拍卡，唔方便之餘仲要阻礙行車時間。
係D繁忙時段好多人嘅巴士站，可能仲會影響埋架車隔離排緊隊嘅人。
仲有司機要確保安全，就要確定所有人拍哂卡、架車側面無人後先可以開車。
咁搞法停一個站都要洗唔少時間。
二黎就係增加司機嘅責任工作，下下停站都要望吓出面有冇人仲未拍卡。
有D客仲可能麻麻煩煩、手腳慢，落到車先至係個袋喥攞張卡出黎拍。
仲要有陣時好難知你究竟係排緊隔離條隊，定係落車先至拎卡嘅人。
司機仲要確保安全，確定所有人拍哂卡、架車側面無人後先可以開車。
三黎未必聽到“嘟”聲，D客要睇下部機先知係咪已經成功拍卡。
都係將部機擺係巴士裡面好D。